പ്രിയപ്പെട്ടവര്‍ക്കായി ദീപാവലിക്ക് ഗിഫ്റ്റ് കാര്‍ഡുകള്‍

ദീപാവലി ഇന്ത്യയില്‍ സമ്മാനങ്ങള്‍ നല്‍കുന്ന സമയം കൂടിയാണ്. പല ഓഫീസുകളും ജീവനക്കാര്‍ക്ക് ഗിഫ്റ്റ് കാര്‍ഡുകള്‍ ദീപാവലി സമ്മാനമായി നല്‍കാറുണ്ട്. പ്രിയപ്പെട്ടവര്‍ക്കും ഇപ്പോള്‍ കാര്‍ഡുകള്‍ നല്‍കുന്നത് വ്യാപകമാണ്. നിശ്ചിത തുകയുള്ള ഗിഫ്റ്റ് കാര്‍ഡുകള്‍ പര്‍ച്ചേസിംഗിന് ഉപയോഗിക്കാനാകും.

ഗിഫ്റ്റ് കാര്‍ഡുകളെപ്പറ്റി അറിയാന്‍ ചില കാര്യങ്ങളിതാ

ഗിഫ്റ്റ് കാര്‍ഡില്‍ പണം

ചില ബാങ്കുകള്‍ ഗിഫ്റ്റ് കാര്‍ഡില്‍ 500,1000,2000 എന്നിങ്ങനെയുള്ള തുകകള്‍ മാത്രമേ ലോഡ് ചെയ്ത് നല്‍കുകയുള്ളൂ. ഡെബിറ്റ് കാര്‍ഡുകള്‍ പോലെ പര്‍ച്ചേസിംഗിന് ഉപയോഗിക്കാന്‍ കഴിയുന്ന കാര്‍ഡുകളാണിവ.

കാര്‍ഡ് ലഭിക്കാന്‍

ബാങ്ക് ബ്രാഞ്ചുകളില്‍ തിരിച്ചറിയല്‍ രേഖകള്‍ ഉപയോഗിച്ച് അപേക്ഷ നല്‍കി ഗിഫ്റ്റ് കാര്‍ഡ് സ്വന്തമാക്കാം. ഇതിന് പ്രത്യേകം ഫീസ് ഈടാക്കുന്നതാണ്. കാര്‍ഡിന് ആവശ്യമായ തുക ചെക്ക്,ഡിഡി, നെറ്റ് ബാങ്കിംഗ് എന്നീ വഴികളിലൂടെയാണ് ബാങ്കുകള്‍ സ്വീകരിക്കുക.

പണം പിന്‍വലിക്കാന്‍ പറ്റില്ല

ഈ കാര്‍ഡുകള്‍ എടിഎം കാര്‍ഡുകള്‍ പോലം ഉപയോഗിക്കാനാവില്ല. ഒരു കാര്‍ഡില്‍ നിന്നും മറ്റൊരു കാര്‍ഡിലേക്ക് പണം ട്രാന്‍സ്ഫര്‍ ചെയ്യാനും സാധിക്കില്ല. പക്ഷേ എടിഎമ്മുകളില്‍ ബാലന്‍സ് പരിശോധിക്കാന്‍ കഴിയും.

കാലാവധിയുണ്ട്

ഗിഫ്റ്റ് കാര്‍ഡുകള്‍ക്ക് ഒരു പ്രത്യേക കാലാവധി ഉണ്ടായിരിക്കും.അതിനകം ഉപയോഗിച്ച് തീര്‍ക്കണം. കാര്‍ഡിലെ തുക തീരുന്നത് വരെ എത്ര തവണ വേണമെങ്കിലും ഉപയോഗിക്കാവുന്നതാണ്.