തെങ്ങുകയറ്റക്കാര്‍ക്കുമുണ്ട് ഇന്‍ഷുറന്‍സ്

തിരുവനന്തപുരം: നാളികേര വികസന ബോര്‍ഡിന്റെ കേര-സുരക്ഷ ഇന്‍ഷുറന്‍സ് പദ്ധതി പ്രകാരം തെങ്ങുകയറ്റക്കാര്‍ക്ക് ഇന്‍ഷുറന്‍സ് പരിരക്ഷ ഉറപ്പാക്കാം.

കേര സുരക്ഷ ഇന്‍ഷുറന്‍സ് പദ്ധതിയുടെ കീഴില്‍ അപേക്ഷിക്കുന്ന തെങ്ങുകയറ്റ തൊഴിലാളികള്‍ക്ക് രണ്ട് ലക്ഷം രൂപയുടെ ഇന്‍ഷുറന്‍സ് പരിരക്ഷയാണ് ലഭിക്കുക. ചുഴലിക്കാറ്റ്, വിളനഷ്ടം, കീടനാശിനി ശല്യം തുടങ്ങിയ അവസ്ഥകളിലെല്ലാം ഇന്‍ഷുറന്‍സ് ഉപകാരപ്പെടും.

ഓറിയന്റല്‍ ഇന്‍ഷുറന്‍സ് കമ്പനിയുമായി സഹകരിച്ചാണ് ബോര്‍ഡ് ഈ പദ്ധതി നടപ്പിലാക്കുന്നത്. നാളികേര വികസന ബോര്‍ഡിന്റെ ചങ്ങാതിക്കൂട്ടം പരിശീലനമോ നീര ടെക്നീഷ്യന്‍ പരിശീനമോ വിജയകരമായി പൂര്‍ത്തിയായവര്‍ക്ക് ആദ്യ വര്‍ഷം ഇന്‍ഷുറന്‍സ് സൗജന്യമാണ്.

ഇന്‍ഷുറന്‍സ് കാലാവധി ഒരു വര്‍ഷമാണ്. കാലാവധിക്കു ശേഷം ഗുണഭോക്താവിന്റെ വിഹിതം നല്‍കി പോളിസി പുതുക്കാവുന്നതാണ്.