ആധാര്‍ കാര്‍ഡില്‍ തെറ്റുണ്ടോ?ടെന്‍ഷന്‍ വേണ്ട ഈസിയായി തിരുത്താം

ഗവണ്‍മെന്റ് ആധാര്‍ നിര്‍ബന്ധമാക്കിയിട്ടില്ലെങ്കിലും എല്ലാ ഇടപാടുകള്‍ക്കും ഇപ്പോള്‍ ആധാര്‍ ആവശ്യപ്പെടുന്നുണ്ട്. 12 അക്ക ആധാര്‍ നമ്പര്‍ ഒരു രേഖയെന്നതിലുപരി ഒരുപാട് ആനുകൂല്യങ്ങളുടെ ഉറവിടമാണിപ്പോള്‍. ഇന്ത്യയിലെവിടേയും ഐഡന്റിറ്റി കാര്‍ഡിനു പകരവും അഡ്രസ് പ്രൂഫ് ആയും ആധാര്‍ കാര്‍ഡ് ഉപയോഗിക്കുന്നുണ്ട്. യുഐഡിഎഐ വെബ്‌സൈറ്റില്‍ നിന്നും ഡൗണ്‍ലോഡ് ചെയ്ത ഇ-ആധാറും ഒരുപോലെ സാധുവാണ്.

ആധാര്‍ കാര്‍ഡില്‍ തെറ്റുണ്ടെങ്കില്‍ ഈസിയായി തിരുത്താം

ആധാര്‍ കാര്‍ഡില്‍ വ്യക്തിയുടെ പൂര്‍ണ്ണമായതും ശരിയായതുമായ വിവരങ്ങളാണ് നല്‍കേണ്ടത്. എന്നാല്‍ ആധാര്‍ കാര്‍ഡ് കൈയ്യില്‍ കിട്ടുമ്പോള്‍ എന്തെങ്കിലും തെറ്റുണ്ടെങ്കില്‍ എന്തു ചെയ്യും?അതാലോചിച്ച് ഇനി തീരെ ടെന്‍ഷന്‍ വേണ്ട. ആധാറില്‍ എന്തെങ്കിലും തെറ്റുകളുണ്ടെങ്കില്‍ ഓണ്‍ലൈനായി തിരുത്താന്‍ അവസരമുണ്ട്. ഉദാഹരണത്തിന് വ്യക്തിയുടെ പേരോ, പിതാവിന്റെ പേരോ തെറ്റാണെന്ന് വിചാരിക്കുക, ഇങ്ങനെയാണ് തിരുത്തുകള്‍ നല്‍കേണ്ടത്:-

ആധാര്‍ സെല്‍ഫ് സര്‍വ്വീസ് അപ്ഡേറ്റ് എന്ന പോര്‍ട്ടലില്‍ ലോഗിന്‍ ചെയ്യുക
തെറ്റ് തിരുത്തേണ്ട ആധാര്‍ കാര്‍ഡ് നമ്പര്‍ കൊടുക്കുക
രജിസ്റ്റര്‍ ചെയ്ത മൊബൈല്‍ നമ്പറില്‍ ഒടിപി നമ്പര്‍ ലഭിക്കും, അത് എന്റര്‍ ചെയ്യുക
തുടര്‍ന്ന് സബ്മിറ്റ് പ്രസ്സ് ചെയ്യുക.
അതിനുശേഷമാണ് തിരുത്താനുളള ഫീല്‍ഡ് കൃത്യമായി അടയാളപ്പെടുത്തേണ്ടത്
സബ്മിറ്റ് അപ്ഡേറ്റ് റിക്വസ്റ്റ് ബട്ടണ്‍ ക്ലിക്ക് ചെയ്യാം
വേരിഫൈ എന്ന ഓപ്ഷന്‍ കാണിക്കും, അതിലും ക്ലിക്ക് ചെയ്യുക
തുടര്‍ന്ന് പ്രൊസീഡ് ചെയ്യുക.
ശേഷം ആവശ്യപ്പെടുന്ന പ്രൂഫ് രേഖകള്‍ സബ്മിറ്റ് ചെയ്യുക.
അപ്ഡേറ്റ് ചെയ്ത് കഴിഞ്ഞാല്‍, നിങ്ങളുടെ അപേക്ഷയുടെ സ്റ്റാറ്റസ്സ് ചെക്ക് ചെയ്യേണ്ടതാണ്. അപ്പോള്‍ നിങ്ങള്‍ക്കൊരു അപ്ഡേറ്റ് റിക്വസ്റ്റ് നമ്പര്‍ (URN) ലഭിക്കും.