രാജ്യത്തെ മുഴുവൻ നികുതിദായകരും തങ്ങളുടെ ആധാറും പാൻ കാർഡും തമ്മിൽ ബന്ധിപ്പിക്കണമെന്ന് ആദായ നികുതി വകുപ്പ് അറിയിച്ചിരുന്നു. 2017ലെ ഫിനാൻസ് ആക്ട് പ്രകാരം ആദായനികുതി റിട്ടേൺ സമർപ്പിക്കുന്നതിനായി ആധാർ അല്ലെങ്കിൽ ആധാർ ആപ്ലിക്കേഷൻ ഫോമിന്റെ എൻറോൾമെന്റ് ഐഡി നിർബന്ധമാക്കിയിട്ടുണ്ട്.
ആധാറും പാനും ഇപ്പോൾ എസ്.എം.എസ് വഴിയും ബന്ധിപ്പിക്കാം. ആദായ നികുതി വകുപ്പിന്റെ പരസ്യം അനുസരിച്ച് ആധാർ പാൻ വഴി ബന്ധിപ്പിക്കാൻ 567678 അല്ലെങ്കിൽ 56161 എന്ന നമ്പറിലേക്ക് എസ്എംഎസ് അയച്ചാൽ മതിയാകും.
ജൂലൈയ് 1 മുതൽ പാൻ കാർഡിനായി അപേക്ഷിക്കുന്നതിന് ആധാർ നിർബന്ധമാക്കും. ആദായ നികുതി വകുപ്പ് ഇതുവരെ 1.18 കോടി ആധാറുകൾ പാൻകാർഡുമായി ബന്ധിപ്പിച്ച് കഴിഞ്ഞു.
യുണിക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ അല്ലെങ്കിൽ യു.ഐ.ഡി.എ.ഐ വിതരണം ചെയ്യുന്ന 12അക്ക നമ്പറാണ് ആധാർ നമ്പർ. പാൻ എന്നത് ഒരു വ്യക്തിക്കോ സ്ഥാപനത്തിനോ ആദായനികുതി വകുപ്പ് നൽകുന്ന പത്ത് അക്ക നമ്പറാണ്.
malayalam.goodreturns.in