നിങ്ങളുടെ ആധാറിലെയും പാൻ കാർഡിലെയും പേരുകൾ വ്യത്യസ്തമാണോ? തിരുത്താൻ എന്ത് ചെയ്യണം?

പേര് മാറ്റം

ആധാർ കാർഡ്, പാൻ കാർഡ് എന്നിവകളിലെ പേരുകളിലുള്ള വ്യത്യാസം ഒരു പ്രശ്നം തന്നെയാണ്. അതിനാൽ ഇതിൽ ഏതെങ്കിലും ഒന്നിലെ പേര് തിരുത്താനായി നിങ്ങൾ അപേക്ഷ സമർപ്പിക്കണം. എന്നാൽ ഈ പേരു തിരുത്തൽ നടപടിക്ക് വളരെയേറെ സമയമെടുക്കും. അതുകൊണ്ട് സർക്കാർ തന്നെ ഇതിന് ഒരു പരിഹാരം കണ്ടെത്തിയിട്ടുണ്ട്. നിങ്ങളുടെ പാൻ കാർഡിലെയും ആധാറിലെയും പേരുകൾ പൊരുത്തപ്പെടുന്നില്ലെങ്കിൽ പാൻ കാർഡ് സ്കാൻ ചെയ്ത് അപേക്ഷയ്ക്കൊപ്പം സമർപ്പിക്കണം.

ആധാർ വെബ്സൈറ്റ് വഴി

നിങ്ങൾക്ക് ആധാർ വെബ്സൈറ്റിൽ ലോഗിൻ ചെയ്തും പേര് തിരുത്താനുള്ള അപേക്ഷ സമർപ്പിക്കാം. യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (യുഐഡിഐ) യിൽ രജിസ്റ്റർ ചെയ്ത ഫോൺ നമ്പറിൽ ഒറ്റത്തവണ പാസ്സ്വേർഡ് ഉപയോഗിച്ച് ഈ പ്രക്രിയ പരിശോധിച്ചുറപ്പിക്കാം.

ഒ.ടി.പി വഴി

പല സ്ത്രീകളും വിവാഹം കഴിഞ്ഞതിന് ശേഷം അവരുടെ പേരിനൊപ്പം ഭ‍ർത്താവിന്റെ പേര് ചേ‍ർക്കുന്നത് സാധാരണയാണ്. അവ‍ർക്ക് പേര് മാറ്റാനായി ഒറ്റത്തവണ പാസ്സ്വേർഡ് ഉപയോഗിക്കാം. ആധാറുമായി ബന്ധിപ്പിച്ചിരിക്കുന്ന മൊബൈൽ നമ്പറിലേയ്ക്കാണ് OTP അയയ്ക്കുക. ജനനതീയതി ആധാർ ഡാറ്റാബേസുമായി ബന്ധപ്പെടുത്തി പേരിൽ മാറ്റം വരുത്താവുന്നതാണ്.

ഇ - ഫയലിം​ഗ് പോ‍ർട്ടൽ

ജനനതീയതി ഇപയോ​ഗിച്ച് ഇ-ഫൈലിം​ഗ് പോർട്ടൽ വഴി പേര് മാറ്റാനാണ് ആദായ നികുതിവകുപ്പ് ലക്ഷ്യമിടുന്നത്. വൺ ടൈം പാസ്വേർഡ് (ഒ.ടി.പി) ഉപയോ​ഗിക്കാതെയാണ് ഇത്തരത്തിൽ പേര് മാറ്റേണ്ടത്.

അക്ഷരതെറ്റ്

ആധാറും പാനും തമ്മിൽ ബന്ധിപ്പിക്കാൻ ആദായ നികുതി വകുപ്പിന്റെ ഇ ഫയലിം​ഗ് വെബ്സൈറ്റിലോ എൻ.എസ്.ഡി.എല്ലിലോ ലോ​ഗിൻ ചെയ്യണം. എന്നാൽ ആധാർ കാ‍ർഡിലെയും പാൻ കാ‍ർഡിലെയും പേരുകളിൽ അക്ഷരതെറ്റുകൾ ഉണ്ടെങ്കിലും ആധാറും പാനും തമ്മിൽ ബന്ധിപ്പിക്കാൻ സാധിക്കില്ല.