Just In
-
-
-
-
Don't Miss
-
900 വര്ഷം പഴക്കമുള്ള മമ്മി, 1000 തൂണുകളുള്ള ഹാള്; അത്ഭുതം ഈ രംഗനാഥസ്വാമി ക്ഷേത്രം -
ഒരു കലക്കൻ പോസ്റ്റ് ഓഫീസ് പദ്ധതി; പ്രതിമാസം 9250 രൂപ വരെ സമ്പാദിക്കാം, ചെയ്യേണ്ടത് ഇത്ര മാത്രം -
T20 World Cup 2024: ആരേയും ഭയമില്ല, അടിച്ചുതകര്ക്കും; അഷുതോഷ് ടി20 ലോകകപ്പ് ടീമില് വേണോ? -
ആ തെറ്റിദ്ധാരണ മൂലം അവസരങ്ങള് വരാതായി, കാസ്റ്റ് ചെയ്യണമെന്ന് ആഗ്രഹിച്ചവര് പോലും വരാതായി: അനന്യ -
അവധി ഇത്തവണ ഹൗറയിൽ... ബെംഗളുരുവിൽ നിന്ന് കൊൽക്കത്തയുടെ ഇരട്ട നഗരത്തിലേക്ക് പോകാം, സ്പെഷ്യൽ ട്രെയിൻ -
റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു -
കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി
എന്‍ആര്‍ഇ അക്കൗണ്ടും (നോണ്‍ റസിഡന്റ് എക്‌സ്‌റ്റേണല്‍ റൂപ്പീ അക്കൗണ്ട്) എന്‍ആര്‍ഒ അക്കൗണ്ടും (നോണ്‍ റസിഡന്റ് ഓര്‍ഡിനറി റൂപ്പീ അക്കൗണ്ട്) പ്രവാസികൾ തീർച്ചയായും അറിഞ്ഞിരിക്കണം. ഇവ തമ്മില്‍ ചില വ്യത്യാസങ്ങളുണ്ട്. എന്‍ആര്‍ഇ അക്കൗണ്ടുകളെക്കുറിച്ച് പ്രവാസികൾ അറിഞ്ഞിരിക്കേണ്ട 10 കാര്യങ്ങള്‍ താഴെ പറയുന്നവയാണ്.
കണക്കുകൾ
വിദേശ രാജ്യങ്ങളിൽ നിന്ന് പണം അയച്ചാലും കണക്കുകൾ ഇന്ത്യന്‍ രൂപയിലായിരിക്കും. ഇതാണ് എന്‍ആര്‍ഇ അക്കൗണ്ടിന്റെ പ്രധാന സവിശേഷത.
അക്കൗണ്ടിലെ തുക
അക്കൗണ്ടിലെ തുക സ്വന്തം രാജ്യത്തേയ്ക്ക് സ്വതന്ത്രമായി കൊണ്ടുപോകാം. അതിന് യാതൊരു വിധ തടസ്സങ്ങളുമില്ല.
നികുതി
എന്‍ആര്‍ഇ അക്കൗണ്ടിലെ തുകയ്ക്കും പലിശയ്ക്കും നികുതി ഒഴിവുണ്ട്. ഇന്‍കം ടാക്‌സും വെല്‍ത്ത് ടാക്‌സും അടയ്‌ക്കേണ്ട എന്നുള്ളതാണ് മറ്റൊരു പ്രത്രേകത.
ഓവര്‍ ഡ്രോയിംഗ്
രണ്ടാഴ്ച വരെയുള്ള ചെറിയ കാലയളവുകളിലേയ്ക്ക് 50,000 രൂപ വരെ ഓവര്‍ഡ്രോയിങ് അനുവദിക്കാറുണ്ട് മിക്ക ബാങ്കുകളും. അത്യാവശ്യ സന്ദര്‍ഭങ്ങളില്‍ അക്കൗണ്ടിലുള്ളതിനെക്കാള്‍ 50,000 രൂപ കൂടുതലായി ഉപയോഗിക്കാന്‍ കഴിയുമെന്നു സാരം. രണ്ടാഴ്ചയ്ക്കുള്ളില്‍ ഈ തുക തിരികെയടയ്ക്കണം.
പലിശ നിരക്ക്
എന്‍ആര്‍ഇ അക്കൗണ്ടിലെ സേവിംഗ്സ് പലിശ നിരക്ക് ബാങ്കുകള്‍ക്കു തീരുമാനിക്കാവുന്നതാണ്.
ടേം ഡെപ്പോസിറ്റ്
ഒരു വര്‍ഷത്തിനു മേല്‍ കാലാവധിയുള്ള അക്കൗണ്ടുകളുടെ പലിശ നിരക്കും ബാങ്കുകള്‍ക്ക് തീരുമാനിക്കാം എന്നതാണ് മറ്റൊരു പ്രത്യേകത.
സ്വീകാര്യമായ നിക്ഷേപ രീതികള്‍
അക്കൗണ്ട് പേയീ ചെക്ക്, ഡിഡി, ബാങ്കേഴ്‌സ് ചെക്ക്, എഫ്ഡിഐ നിക്ഷേപങ്ങള്‍ വിറ്റുകിട്ടുന്ന ലാഭം, ഗവണ്‍മെന്റ് സെക്യൂരിറ്റികളുടെ പലിശ, മ്യൂച്വല്‍ ഫണ്ട് ഡിവിഡന്‍ഡുകള്‍ മുതലായവ ഈ അക്കൗണ്ടില്‍ നിക്ഷേപിക്കാം.
സ്വീകാര്യമായ വിനിമയ രീതികള്‍
തദ്ദേശീയ വിനിമയങ്ങള്‍, മറ്റ് എന്‍ആര്‍ഇ/എഫ്സിഎന്‍ആര്‍ അക്കൗണ്ടുകളിലേക്കുള്ള ട്രാന്‍സ്ഫറുകള്‍, വിദേശത്തേക്കുള്ള പണമടയ്ക്കലുകള്‍, ഇന്ത്യന്‍ കമ്പനികളുടെ ഷെയര്‍/ സെക്യൂരിറ്റി/ കൊമേഴ്‌സ്യല്‍ പേപ്പര്‍ മുതലായവയിലുള്ള നിക്ഷേപങ്ങള്‍ തുടങ്ങിയവ നടത്താവുന്നതാണ്.
വായ്പകള്‍ നല്‍കാം
എന്‍ആര്‍ഇ അക്കൗണ്ടിലെ വായ്പ നൽകാവുന്നതാണ്. എന്നാൽ പണം ജാമ്യമായി കണക്കാക്കി വേണം വായ്പ നല്‍കാൻ.
പവര്‍ ഓഫ് അറ്റോണി
പവര്‍ ഓഫ് അറ്റോണി വഴി നാട്ടിലുള്ളവര്‍ക്ക് അക്കൗണ്ട് ഉടമയ്ക്ക് പണം കൈമാറ്റം ചെയ്യാവുന്നതാണ്. ഇതും എൻആ‍ർഇ അക്കൗണ്ടിന്റെ പ്രത്യേകതയാണ്.
malayalam.goodreturns.in
