അഞ്ച് വയസ്സിൽ താഴെയുള്ള കുട്ടികൾക്ക് ആധാ‍ർ കാ‍ർഡിന് അപേക്ഷിക്കുന്നതെങ്ങനെ?

നീല നിറത്തിലുള്ള കാ‍ർഡ്

5 വയസ്സിന് താഴെയുള്ള കുട്ടികൾക്ക് നീല നിറത്തിലുള്ള ആധാ‍ർ കാ‍ർഡാണ് ലഭിക്കുക. ഇതിന് ബയോമെട്രിക്ക് വിവരങ്ങൾ ആവശ്യമില്ല. എന്നാൽ 5 വയസ്സിനു ശേഷം നിർബന്ധിത ബയോമെട്രിക് അപ്ഡേറ്റ് ആവശ്യമാണ്.

ആധാർ എൻറോൾമെന്റ് സെന്റർ

നിങ്ങളുടെ കുട്ടിയുമായി ഏറ്റവും അടുത്തുള്ള ആധാർ എൻറോൾമെന്റ് സെന്റർ സന്ദർശിക്കുക. കുട്ടിയുമായി ബന്ധപ്പെട്ട വിശദാംശങ്ങൾ നൽകുക. ബയോമെട്രിക് രേഖകൾ ആവശ്യമില്ല.

ഫോം പൂരിപ്പിക്കുക

ഫോം പൂരിപ്പിച്ച് നൽകുക. കൂടാതെ കുട്ടിയുടെ ഫോട്ടോയും കൈയിൽ കരുതണം. സ്കൂളിൽ പോകുന്ന കുട്ടിയാണെങ്കിൽ, ആധാർ എൻറോൾമെന്റിന്റെ പ്രക്രിയയ്ക്കായി സ്കൂൾ ഐഡി നൽകണം. ബാൽ ആധാർ മാതാപിതാക്കളുടെ യുഐഡിയുമായി ബന്ധിപ്പിക്കുന്നതാണ്. 5 വയസ്സിന് മുകളിൽ പ്രായമുള്ള കുട്ടികൾക്ക് സ്കൂൾ ഐഡി, ജനന സർട്ടിഫിക്കറ്റ് എന്നിവ നിർബന്ധമാണ്.

ബാൽ ആധാ‍ർ അപ്ഡേഷൻ

ബാൽ ആധാർ കാർഡുകളുടെ പുതുക്കൽ പ്രക്രിയ സാധാരണ ആധാറിന് സമാനമാണ്. ഇതിൽ 10 വിരലുകൾ, ഐറിസ് സ്ക്രീനിംഗ് എന്നിവ ആവശ്യമാണ്. 15 വയസ്സ് ആകുമ്പോഴേക്കും കുഞ്ഞിന് ഈ പ്രക്രിയ വീണ്ടും ആവർത്തിക്കപ്പെടും.