രാജ്യത്തുടനീളമുള്ള വനിതാ സംരംഭകർക്ക് അവരുടെ ഉത്പന്നങ്ങൾ ആമസോൺ വിപണി വഴി വിറ്റഴിക്കുന്നതിനുള്ള പദ്ധതിയാണ് ആമസോൺ സഹേലി. അന്താരാഷ്ട്ര വനിതാ ദിനത്തോടനുബന്ധിച്ച് പുതിയ പങ്കാളികളെ ഉൾപ്പെടുത്തി ആമസോൺ സഹേലി പദ്ധതി വീണ്ടും വികസിപ്പിച്ചു.
നിലവിലെ പങ്കാളികളെ കൂടാതെ മൻ ദേശി ഫൗണ്ടേഷൻ, കോൺഫെഡറേഷൻ ഓഫ് വുമൺ ഇന്റർപ്രണേഴ്സ് എന്നിവരാണ് പുതുതായി സഹേലി പദ്ധതിയുമായി സഹകരിക്കുക. വനിതാ സംരംഭകർക്ക് അവരുടെ ഉത്പന്നങ്ങൾ ആമസോണിലെ സഹേലി സ്റ്റോർ വഴി പ്രദർശിപ്പിക്കുന്നതിനും വിപണനം ചെയ്യുന്നതിനും സാധിക്കും.
2017 നവംബറിൽ ആരംഭിച്ച പദ്ധതിയിൽ ഇതുവരെ തൊള്ളായിരത്തോളം പുതിയ ഉത്പന്നങ്ങൾ വനിതാ സംരംഭകർ ലിസ്റ്റ് ചെയ്തിട്ടുണ്ട്. വിവിധ വിഷയങ്ങളിൽ സമഗ്രമായ സൗജന്യ പരിശീലനവും വനിതകൾക്ക് ലഭിക്കും.
ഇന്ത്യയിൽ ഉടനീളമുള്ള ഉപഭോക്താക്കളിലേയ്ക്ക് ഉത്പന്നങ്ങൾ എത്തിക്കാനുള്ള അവസരമാണ് ഇതുവഴി സ്ത്രീ സംരഭകർക്ക് ലഭിക്കുന്നത്. സഹേലി സ്റ്റോർ സന്ദർശിക്കുന്നതിന് www.amazon.in/saheli എന്ന ലിങ്കിൽ ക്ലിക്ക് ചെയ്യുക.
malayalam.goodreturns.in