ഇന്ത്യയിൽ ഒരു കമ്പനി രജിസ്റ്റർ ചെയ്യുന്നതെങ്ങനെ? ശ്രദ്ധിക്കേണ്ട കാര്യങ്ങൾ

സ്റ്റെപ് 1

കോർപറേറ്റ് അഫയേഴ്സ് മന്ത്രാലയത്തിൽ ഒരു അക്കൗണ്ട് തുറക്കുക എന്നതാണ് ആദ്യ സ്റ്റെപ്. ഇത് തികച്ചും സൗജന്യമായി ചെയ്യാവുന്നതാണ്.

സ്റ്റെപ് 2

• കമ്പനിയുടെ പേര് വളരെ പ്രധാനമാണ്. ഇത് യുണീക്ക് അല്ലെങ്കിൽ RUN വെബ് സർവീസ് ഉപയോഗിക്കാം. 
• തുടർന്ന് ഒരു ലോഗിൻ അക്കൌണ്ട് സൃഷ്ടിച്ച് RUN ഐക്കണിൽ ക്ലിക്കു ചെയ്യുക.
• നിങ്ങളുടെ കമ്പനി ഏത് തരം ആണെന്ന് വ്യക്തമാക്കുക. ഉദാഹരണത്തിന് സ്വകാര്യ കമ്പനി, നിർമ്മാണ കമ്പനി എന്നിങ്ങനെ
• കമ്പനിക്കായി തിരഞ്ഞെടുക്കുന്ന പേര് മറ്റ് കമ്പനിയുടെ പേരുകളോട് സമാനമല്ലെന്ന് ഉറപ്പു വരുത്തുക. 
• അപേക്ഷയ്ക്ക് 1000 രൂപയാണ് ഫീസ്. 
• അപേക്ഷ തുക സമർപ്പിക്കേണ്ടത് ചെല്ലാൻ വഴിയാണ്. 
• അപേക്ഷ സമ‍ർപ്പിച്ചതിന് ശേഷം നിങ്ങളുടെ അപേക്ഷ അംഗീകരിച്ചോ തിരസ്ക്കരിച്ചോ എന്നറിയാൻ ഇ-മെയിൽ സന്ദേശം ലഭിക്കും.



സ്റ്റെപ് 3

കമ്പനിയുടെ പേര് യുണീക്ക് ആണെങ്കിൽ SPICe ഫോം ആണ് സമ‍ർപ്പിക്കേണ്ടത്. ഇത് പൂരിപ്പിക്കേണ്ടത് എങ്ങനെയെന്ന് നോക്കാം.


• ഒരു പേര് ഉപയോ​ഗിച്ച് മാത്രമേ SPIC ഫോം ഉപയോ​ഗിച്ച് അപേക്ഷ സമ‍ർപ്പിക്കാനാകൂ. 
• ആർട്ടിക്കിൾസ് ഓഫ് അസോസിയേഷന്റെയും മെമ്മോറാണ്ടം ഓഫ് അസോസിയേഷന്റെയും ഇ-ഫോമുകൾ ഫയൽ ചെയ്യുക (കമ്പനിയ്ക്ക് 7 സബ്സ്ക്രൈബർമാർ വരെ ഉള്ളപ്പോഴാണ് ഇങ്ങനെ ചെയ്യേണ്ടത്). 
• പാൻ, ടാൻ എന്നിവയുടെ ഒരു പകർപ്പ് നൽകുക.



ശ്രദ്ധിക്കേണ്ട മറ്റ് കാര്യങ്ങൾ

• SPICe ഫോം വഴി കമ്പനിയ്ക്ക് ഒരു പേര് മാത്രമേ തിരഞ്ഞെടുക്കാനാകൂ. നിങ്ങളുടെ കമ്പനിയുടെ പേരിന് സമാനമായി മറ്റൊരു കമ്പനി നിലവിലുണ്ടെങ്കിൽ നിങ്ങളുടെ അപേക്ഷ തള്ളിപ്പോകും. 
• RUN വെബ് സേവനം ഓപ്ഷണൽ മാത്രമാണ്. നിങ്ങളുടെ കമ്പനിയുടെ പേരിന്റെ ലഭ്യത പരിശോധിക്കാൻ ഇത് ഉപയോഗിക്കാം. ഓരോ തവണയും 1000 രൂപ വീതം അടയ്ക്കണമെന്നുമാത്രം. 
• നിങ്ങളുടെ കമ്പനിയുടെ വരുമാനം 10 ലക്ഷം രൂപയോ അതിൽ താഴെയോ ആണെങ്കിലും ജീവനക്കാരുടെ എണ്ണം 20 അംഗങ്ങളിൽ താഴയാണെങ്കിലും ഇൻകോർപറേഷൻ ഫീസ് അടക്കേണ്ടതില്ല.



പുതിയ കമ്പനി രജിസ്ട്രേഷൻ നടപടികളുടെ ​ഗുണങ്ങൾ

• പുതിയ കമ്പനി രജിസ്ട്രേഷൻ നടപടികൾ വളരെ ലളിതമാണ്. കൂടുതൽ പേപ്പ‍ർ വർക്കുകളുടെ ആവശ്യമില്ല.
• സൗകര്യപ്രദവും സമയം ലാഭിക്കാൻ പറ്റുന്നതുമാണ്. കാരണം ഈ പ്രക്രിയകൾ ഇപ്പോൾ പൂർണമായും ഓൺലൈനിലാണ് ചെയ്യുന്നത്. 
• ചെറിയ കമ്പനികൾക്കും മറ്റും ഇൻകോ‌ർപറേഷൻ ഫീസ് ഇല്ലാത്തതിനാൽ സ്റ്റാർട്ടപ്പ് സംരംഭക‍ർക്ക് ഇത് ഒരു പ്രോത്സാഹനമാണ്.