ആഭരണങ്ങൾ വാങ്ങേണ്ട; സ്വർണത്തിൽ നിന്ന് കാശുണ്ടാക്കാൻ മറ്റ് ചില വഴികൾ

ആഭരണങ്ങള്‍

ഗ്രാമിന് 200-350 രൂപ നിരക്കില്‍ പണിക്കൂലി നല്‍കേണ്ടി വരും എന്നതാണ് ആഭരണത്തിന്റെ രൂപത്തില്‍ സ്വര്‍ണത്തില്‍ നിക്ഷേപിക്കുമ്പോഴുള്ള പ്രധാന ചെലവ്. ആഭരണം വില്‍ക്കുമ്പോള്‍ ഈ തുക നമുക്ക് ലഭിക്കുകയുമില്ല.

സ്വര്‍ണ നാണയം, ഗോള്‍ഡ് ബിസ്‌ക്കറ്റ്

സ്വര്‍ണത്തിന്റെ ഏറ്റവും ശുദ്ധമായ രൂപത്തില്‍ നിക്ഷേപിക്കാം എന്നതാണ് ഇവയിലെ മെച്ചം. കോയിന്‍, ഗോള്‍ഡ് ബിസ്‌ക്കറ്റ് എന്നിവ സാധാരണയായി സ്വര്‍ണ വിലയേക്കാള്‍ അഞ്ച് ശതമാനം അധിക വിലയ്ക്കാണ് വില്‍ക്കുന്നത്. ബാങ്കുകള്‍ സ്വര്‍ണം തിരിച്ച് വാങ്ങുകയുമില്ല. അതുകൊണ്ട് മികച്ച ജൂവലറികളിൽ നിന്ന് ഇത് വാങ്ങുന്നതാണ് നല്ലത്.

ഗോള്‍ഡ് ഇ.ടി.എഫ്, ഫണ്ട് ഓഫ് ഫണ്ട്

സ്വര്‍ണത്തില്‍ ഡീമാറ്റ് രൂപത്തില്‍ നിക്ഷേപിക്കാന്‍ സാധിക്കുന്ന മാര്‍ഗമാണ് ഗോള്‍ഡ് ഇ.റ്റി.എഫ്. ഇതില്‍ നിക്ഷേപിക്കുന്നതിന് ബ്രോക്കിംഗ് എക്കൗണ്ടും ഡീമാറ്റ് എക്കൗണ്ടും വേണം. ഇതിന് പ്രതിവര്‍ഷം 500 രൂപ ചെലവ് വരും. ഗോള്‍ഡ് ഫണ്ടുകളില്‍ നിക്ഷേപം നടത്തുന്ന ഫണ്ട് ഓഫ് ഫണ്ടുകളില്‍ നിക്ഷേപം നടത്തിയാല്‍ ഈ ചെലവുകള്‍ ഒഴിവാക്കാം. എന്നാല്‍ എക്സ്പന്‍സ് റേഷ്യോയായി 2.5 ശതമാനവും ഒരു വര്‍ഷത്തിന് മുമ്പ് തുക പിന്‍വലിച്ചാല്‍ 1-2 ശതമാനം എക്സിറ്റ് ലോഡും നല്‍കണം.

ഇ-ഗോള്‍ഡ്

ഫിസിക്കല്‍ രൂപത്തിലേക്ക് മാറ്റാന്‍ കഴിയുന്ന പേപ്പര്‍ ഗോള്‍ഡാണിത്. നാഷണല്‍ സ്പോട്ട് എക്സ്ചേഞ്ച് ലിമിറ്റഡില്‍ അംഗത്വമുള്ള ബ്രോക്കറുടെ അടുത്ത് എക്കൗണ്ട് തുടങ്ങുകയാണ് ഇതില്‍ നിക്ഷേപിക്കാന്‍ ചെയ്യേണ്ടത്.