How to Open Bank Accounts for Children

ചെറുപ്പത്തിൽ തന്നെ കുട്ടികൾക്ക് ബാങ്ക് അക്കൗണ്ട് തുടങ്ങുന്നത് വളരെ നല്ല കാര്യമാണ്. കാരണം ചെറുപ്പം മുതൽ തന്നെ കുട്ടികളിൽ സമ്പാദ്യശീലം വള‍ർത്താൻ ഇത് സഹായിക്കും. കുട്ടികളുടെ ഇത്തരം അക്കൗണ്ടുകളെ മൈനർ അക്കൗണ്ടുകൾ എന്നാണ് വിളിക്കുന്നത്. 18 വയസ്സിൽ താഴെയുള്ള കുട്ടികളുടെ അക്കൗണ്ടുകളാണ് മൈന‍ർ അക്കൗണ്ടുകൾ.

ആര് അക്കൗണ്ട് തുറക്കും?

കുട്ടികൾക്കു വേണ്ടി താഴെ പറയുന്നവരാണ് അക്കൗണ്ട് തുറക്കേണ്ടത്.

മൈനറിന് വേണ്ടി രക്ഷകർത്താവിന് അക്കൗണ്ട് തുറക്കാം
മൈനറിനും രക്ഷകർത്താവിനും സംയുക്തമായി അക്കൗണ്ട് തുറക്കാം
മൈനറിന് വേണ്ടി ലീഗൽ ഗാ‍ർഡിയന് അക്കൗണ്ട് തുറക്കാം
10 വയസിന് മുകളിലുള്ള മൈന‍ർക്ക് സ്വന്തമായി അക്കൗണ്ട് തുറക്കാം

അപേക്ഷാ ഫോം

സാധാരണ അക്കൗണ്ട് തുടങ്ങുന്നതിനുള്ള അപേക്ഷാ ഫോം ആണ് കുട്ടികൾക്കുള്ള അക്കൗണ്ടുകൾക്കും പൂരിപ്പിക്കേണ്ടത്. കുട്ടിയുടെ പേര്, വിലാസം, രക്ഷാകർതൃ വിശദാംശങ്ങൾ, ഒപ്പ് മുതലായവ വിശദാംശങ്ങൾ നൽകണം.

ആവശ്യമായ രേഖകൾ

കുട്ടിയുടെ ജനന സ‍ർട്ടിഫിക്കറ്റ്
രക്ഷിതാവിന്റെ കെവൈസി രേഖകൾ
കുട്ടിയുടെ ആധാ‍ർ കാ‍ർഡ്
രക്ഷക‍‍ർത്താവിന്റെ ഒപ്പ്
10 വയസ്സിന് മുകളിൽ പ്രായമുള്ള കുട്ടിയുടെ ഒപ്പ്

അക്കൗണ്ട് കൈകാര്യം ചെയ്യേണ്ടത് ആര്?

10 വയസ്സിന് താഴെയുള്ള കുട്ടികളുടെ അക്കൗണ്ട് കൈകാര്യം ചെയ്യേണ്ടത് രക്ഷിതാക്കളാണ്. എന്നാൽ 10 വയസ്സിന് ശേഷം കുട്ടികൾക്ക് തനിയേ അക്കൗണ്ടുകൾ കൈകാര്യം ചെയ്യാം.

18 വയസ്സിന് ശേഷം

അക്കൗണ്ട് ഉടമയ്ക്ക് 18 വയസ്സ് പൂ‍ർത്തിയായാൽ അത് സാധാരണ സേവിംഗ്സ് അക്കൌണ്ടായി മാറും. പിന്നീട് ഗാ‍ർഡിയന് അക്കൗണ്ട് കൈകാര്യം ചെയ്യാൻ സാധിക്കില്ല. കുട്ടികളുടെ അക്കൗണ്ടിൽ ഇടപാടുകൾക്ക് പരിധി നിശ്ചയിച്ചിട്ടുണ്ട്.

malayalam.goodreturns.in