വെറും 2 മിനിട്ടു കൊണ്ട് ആധാറും പാനും ബന്ധിപ്പിക്കുന്നത് എങ്ങനെ?

നികുതിദായകർ ആധാറും പാൻ കാർഡും തമ്മിൽ ബന്ധിപ്പിക്കേണ്ട അവസാന തീയതി 2019 മാർച്ച് 31 ആണ്. എങ്ങനെ വെറും രണ്ട് മിനിട്ടിനുള്ളിൽ ആധാറും പാൻ കാർഡും തമ്മിൽ ബന്ധിപ്പിക്കാം എന്ന് നോക്കാം.

ആധാറിന്റെ ഉപയോഗങ്ങൾ

സബ്സിഡിയുള്ള പാചക വാതക ലഭ്യത, ബാങ്ക് അക്കൗണ്ട് തുറക്കൽ, പുതിയ ഫോൺ കണക്ഷൻ എന്നിവ ലഭ്യമാകുന്നതിന് നിലവിൽ 12 അക്കമുള്ള ആധാർ കാർഡ് നമ്പർ ആവശ്യമാണ്. റേഷൻ കടകളിൽ നിന്നും മറ്റും സബ്സിഡിയോടു കൂടിയ ഭക്ഷ്യധാന്യങ്ങൾ ലഭ്യമാക്കുന്നതിന് ആധാർ നിർബന്ധമാണ്.

ആദായ നികുതി റിട്ടേൺ സമർപ്പിക്കാൻ

ആധാറും പാൻ കാർഡും തമ്മിൽ ബന്ധിപ്പിച്ചാൽ മാത്രമേ ആദായനികുതി റിട്ടേൺ സമർപ്പിക്കാൻ സാധിക്കൂ. ഒന്നിലധികം പാൻ കാർഡുകൾ ഉപയോഗിച്ച് നികുതി വെട്ടിപ്പ് നടത്തുന്നവരെ കണ്ടെത്തുന്നതിന് വേണ്ടിയാണ് ഇത്തരത്തിലുള്ള നടപടി. ആധാറും പാനും വെറും രണ്ട് മിനിട്ടിനുള്ളിൽ ബന്ധിപ്പിക്കുന്നതിനുള്ള വഴിയിതാ..

സ്റ്റെപ് 1

• ഇൻകം ടാക്സ് ഇ-ഫയലിംഗ് പോർട്ടൽ സന്ദർശിക്കുക ("http: // incometax indiaefiling.gov.in") 
• ഇടത് പാനലിലെ ലിങ്ക് ആധാർ ഓപ്ഷനിൽ ക്ലിക്ക് ചെയ്യുക



സ്റ്റെപ് 2

• ആധാർ, പാൻ നമ്പറുകൾ നൽകുക
• ആധാർ കാർഡിൽ നൽകിയിരിക്കുന്ന നിങ്ങളുടെ പേര് നൽകുക
• തൊട്ടു താഴെ നൽകിയിരിക്കുന്ന ബോക്സിലെ കോഡ് നൽകുക
• സബ്മിറ്റ് ബട്ടൺ ക്ലിക്ക് ചെയ്യുക
• UIDAIൽ നിന്നുള്ള വേരിഫിക്കേഷന് ശേഷം ലിങ്കിംഗ് സ്ഥിരീകരിക്കും

malayalam.goodreturns.in

Read in English: How to Link Aadhaar- PAN In Two Steps?