ഹെൽത്ത് ഇൻഷുറൻസ് പോളിസി ഇനി എടിഎം വഴിയും എടുക്കാം

നിങ്ങൾക്ക് ആരോഗ്യ ഇൻഷുറൻസ് ഉണ്ടോ? ഇല്ലെങ്കിൽ ഇനി എടിഎം വഴിയും ഹെൽത്ത് ഇൻഷുറൻസ് പോളിസി എടുക്കാവുന്നതാണ്. മാക്സ് ബുപ ഹെൽത്ത് ഇൻഷുറൻസ് കമ്പനിയാണ് ഈ സൗകര്യം ഒരുക്കിയിരിക്കുന്നത്.

കാരൂ‍ർ വൈശ്യ ബാങ്ക്

കാരൂ‍ർ വൈശ്യ ബാങ്കുമായി സഹകരിച്ചാണ് മാക്സ് ബുപ എനി ടൈം ഹെൽത്ത് ഇൻഷുറൻസ് പോളിസി എടിഎം വഴി ലഭിക്കുന്നത്. ബാങ്കിന്റെ എടിഎമ്മിലെത്തി വെറും 3 മിനിറ്റിനുള്ളിൽ നിങ്ങൾക്ക് പോളിസി എടുക്കാൻ സാധിക്കുമെന്ന് അധിക‍ൃത‍ർ പറയുന്നു.

നടപടി ക്രമം

• യൂസ‍ർ ഐഡിയും പാസ്‍വേ‍ർഡും ക്രിയേറ്റ് ചെയ്യുക
• ആരോഗ്യ ഇൻഷുറൻസ് പോളിസിക്കായുള്ള പ്രൊപ്പോസൽ ഫോം പൂരിപ്പിക്കുക
• നിങ്ങൾക്ക് ആവശ്യമായ ഇൻഷുറൻസ് സ്കീമുകൾ നൽകിയിരിക്കുന്ന വിവരങ്ങളുടെ സഹായത്തോടെ തിരഞ്ഞെടുക്കുക
• ഡിജിറ്റൽ റൂട്ട് വഴി പേയ്മെന്റ് നടത്തുക
• തുട‍ർന്ന് പോളിസി ഡോക്യുമെന്റ് ഇൻഷു‍ർ ചെയ്തയാൾക്ക് ലഭിക്കുന്നതാണ്



കൂടുതൽ ഉപഭോക്താക്കളിലേയ്ക്ക്

സ്മാർട്ട് ഡിജിറ്റൽ സംവിധാനത്തിലൂടെ 7 മില്ല്യൻ ഉപഭോക്താക്കളിൽ ആരോഗ്യ ഇൻഷുറൻസ് സേവനം എത്തിക്കുകയാണ് ബാങ്കിന്റെ പ്രധാന ലക്ഷ്യം. വർഷം തോറും ഇതുവഴി 35 മുതൽ 40% വളർച്ച പ്രതീക്ഷിക്കുന്നതായും അധിക‍ൃതർ വ്യക്തമാക്കുന്നു. ബാങ്കുമായി സഹകരിച്ച് രാജ്യത്താകമാനമുള്ള 20 എടിഎം മെഷീനുകളിലാണ് ഈ സേവനം ലഭ്യമാകുന്നത്.

malayalam.goodreturns.in