എസ്.ബി.ഐ ഡെബിറ്റ് കാർഡ് പിൻ മാറ്റുന്നതെങ്ങനെ?

ഡെബിറ്റ് കാർഡ് സംബന്ധിച്ച തട്ടിപ്പുകളുടെ റിപ്പോർട്ടുകൾ പുറത്തു വന്നതോടു കൂടി,രാജ്യത്തെ പ്രമുഖ ബാങ്കുകൾ എല്ലാം തന്നെ അവരുടെ ഉപഭോക്താക്കളോട് ഡെബിറ്റ് കാർഡ് പിൻ മാറ്റാൻ ആവശ്യപ്പെട്ടിരിക്കുകയാണ്.ഇത്തരം വഞ്ചനകളിൽ നിങ്ങൾ ചെന്ന് പെടാതിരിക്കാൻ ഇടയ്ക്കിടെ ഡെബിറ്റ് കാർഡ് പിൻ മാറ്റേണ്ടത് അത്യാവശ്യമാണ്. മാത്രമല്ല ഒരു കാരണവശാലും നിങ്ങളുടെ ഡെബിറ്റ് കാർഡ് പിൻ നമ്പർ കാർഡിന്റെ പിറകിൽ എഴുതരുത്.

നിങ്ങളുടെ എസ്.ബി.ഐ എ. ടി .എം. പിൻ നമ്പർ പുനക്രമീകരിക്കാൻ നിരവധി വഴികളുണ്ട്, ഇന്റർനെറ്റ് ബാങ്കിംഗ് വഴി,എ.ടി.എം കൗണ്ടറുകൾ വഴി,ഫോൺ ബാങ്കിങ് വഴി എല്ലാം നിങ്ങൾക്കു എ.ടി.എം പിൻ പുനഃക്രമീകരിക്കാവുന്നതാണ്.

എസ്.ബി.ഐ ഡെബിറ്റ് കാർഡ് പിൻ ഇന്റർനെറ്റ് ബാങ്കിങ്ങിലൂടെ മാറ്റുന്നതെങ്ങനെ?

ഇന്റർനെറ്റ് ബാങ്കിങ്ങ് രജിസ്റ്റർ ചെയ്തിട്ടുള്ള ഉപഭോക്താക്കൾക്ക് ഈ ഓപ്ഷൻ പ്രയോജനപ്പെടുത്താം.

1)കസ്റ്റമർ ഐഡിയും പാസ്സ്‌വേർഡും ഉപ്രയോഗിച്ചു ഇന്റർനെറ്റ് ബാങ്കിങ്ങ് ലോഗിൻ ചെയ്യുക.

2)മെനു ഹെഡറിൽ പോയി ഇ-സേവനങ്ങളിൽ ക്ലിക്ക് ചെയ്യുക.

3)സ്ക്രീനിന്റെ വലത് വശത്തുള്ള ടാബ് റിക്വെസ്റ്റിൽ ക്ലിക്കുചെയ്യുക

4) ഡെബിറ്റ് കാർഡ് നമ്പർ,കാർഡിന്റെ കാലാവധി തുടങ്ങിയ നിങ്ങളുടെ കാർഡ് വിശദാംശങ്ങൾ നൽകുക, നിങ്ങളുടെ പുതിയ പിൻ നൽകുക

 

ഫോൺ ബാങ്കിംഗ് വഴി എസ്.ബി.ഐ ഡെബിറ്റ് കാർഡ് പിൻ മാറ്റുന്നതെങ്ങനെ?

നെറ്റ് ബാങ്കിംഗിന് സൗകര്യമില്ലാത്ത വ്യക്തികൾക്ക് ഫോൺ ബാങ്കിംഗ് വഴി ഇന്ററാക്ടീവ് വോയിസ് റെസ്‌പൊൺസിലൂടെ (ഐ.ആർ.ആർ)പിൻ റീസെറ്റ് ചെയ്യാവുന്നതാണ്.അവർ ചോദിക്കുന്ന സുരക്ഷാ ചോദ്യങ്ങൾക്ക് നിങ്ങൾ ഉത്തരം പറയേണ്ടത് അത്യാവശ്യമാണ്.എസ്.ബി.ഐ ഫോൺ ബാങ്കിങ്ങ് നമ്പർ: 02227566598

ബ്രാഞ്ച് വഴി

നിങ്ങളുടെ എസ്.ബി.ഐ അക്കൗണ്ടുള്ള ബ്രാഞ്ചിൽ നേരിട്ട് പോയി ഡെബിറ്റ് കാർഡ് പിൻ മാറ്റാവുന്നതാണ്. ഏതെങ്കിലും ഒരു ഐ.ഡി.പ്രൂഫും,മേൽവിലാസം തെളിയിക്കുന്ന രേഖയും സമർപ്പിച്ചാൽ മതി.

എ.ടി.എം.കൌണ്ടർ വഴി

നിലവിൽ നിങ്ങളുടെ എ.ടി. എം. കാർഡിന് പിൻ ഉണ്ടെങ്കിൽ അത് എ.ടി.എം കൌണ്ടർ വഴി മാറ്റാവുന്നതാണ്.കാർഡ് സ്വൈപ്പ് ചെയ്തതിനു ശേഷം പിൻ ചേഞ്ച് എന്ന ഓപ്ഷൻ സെലക്ട് ചെയ്‌താൽ മതി.