പോസ്റ്റല് വകുപ്പിന് കീഴിലുള്ള ഇന്ത്യ പോസ്റ്റ് നിരവധി ബാങ്കിംഗ്, പണമടയ്ക്കല് സേവനങ്ങള് വാഗ്ദാനം ചെയ്യുന്നു. ഇന്ത്യ പോസ്റ്റ് ഓഫര് ചെയ്യുന്ന ഒന്പത് സേവിംഗ് സ്കീമുകളില് സാധാരണ സേവിംഗ്സ് അക്കൗണ്ട് വാര്ഷിക പലിശ 4 ശതമാനം നല്കുന്നതായി ഇന്ത്യ പോസ്റ്റ് ഔദ്യോഗിക വെബ്സൈറ്റില് പറയുന്നു.
ഏപ്രിൽ മുതൽ ഡിസംബർ വരെയുള്ള മാസങ്ങളിൽ 7,951.3 കോടി രൂപയുടെ തട്ടിപ്പ് നടന്നതായി എസ്. ബി.ഐ
നിക്ഷേപത്തിന് ലഭിക്കുന്ന പലിശ പ്രതിവര്ഷം 10,000 രൂപ വരെ നികുതി രഹിതമാണ്. കൂടാതെ ഒരു പോസ്റ്റ് ഓഫീസില് ഒരു സേവിംഗ്സ് അക്കൗണ്ട് മാത്രമേ തുറക്കാവൂ. എന്നിരുന്നാലും, ഒരു പോസ്റ്റ് ഓഫീസില് നിന്നും മറ്റൊരു പോസ്റ്റ് ഓഫീസിലേക്ക് അക്കൗണ്ട് മാറ്റാവുന്നതാണ്. ഇന്ത്യ പോസ്റ്റിന്റെ കണക്കുകള് പ്രകാരം രാജ്യത്ത് 1.5 ലക്ഷത്തിലധികം പോസ്റ്റ് ഓഫീസുകള് ഉണ്ട്.
പോസ്റ്റ് ഓഫീസ് സേവിംഗ്സ് അക്കൗണ്ടിനെ കുറിച്ച് അറിയേണ്ട പ്രധാന കാര്യങ്ങള് ഇതാ:
1. പണം ഉപയോഗിച്ച് മാത്രമേ പോസ്റ്റ് ഓഫീസ് സേവിംഗ്സ് അക്കൗണ്ട് തുറക്കാനാകൂ. അക്കൗണ്ട് തുറക്കാനുള്ള ഏറ്റവും കുറഞ്ഞ തുക 20 രൂപയാണ്.
2. 500 രൂപയുടെ അക്കൗണ്ട് തുറക്കുകയാണെങ്കില് ചെക്ക് സൗകര്യം ലഭ്യമാണ്. ഇതിനായി 500 രൂപ മിനിമം ബാലന്സ് സ്ഥിരമായി സൂക്ഷിക്കണം.
3. ചെക്ക് സൗകര്യമില്ലാതെ അക്കൗണ്ടില് സൂക്ഷിക്കേണ്ട മിനിമം ബാലന്സ് 50 രൂപയാണ്.
4. ഒരു പോസ്റ്റ് ഓഫീസ് സേവിങ്സ് അക്കൗണ്ട് പ്രായപൂര്ത്തിയാകാത്തവരുടെ പേരില് തുറക്കാവുന്നതാണ്. അതായത് 10 വയസ്സിനു താഴെയുള്ളവര്ക്കും മുകളിലുള്ളവര്ക്കും അക്കൗണ്ട് തുറക്കാനും പ്രവര്ത്തിപ്പിക്കാനും കഴിയും. പ്രായപൂര്ത്തിയാകുമ്പോള് അക്കൗണ്ട് സ്വന്തം പേരിലേക്ക് മാറ്റാന് അപേക്ഷ നല്കണം.
5. ഇന്ത്യ പോസ്റ്റ് പ്രകാരം ഒരു സമ്പാദ്യ പദ്ധതി രണ്ടോ മൂന്നോ മുതിര്ന്നവര്ക്കൊപ്പം സംയുക്തമായി ആരംഭിക്കാവുന്നതാണ്.
6. അക്കൗണ്ട് സജീവമായി നിലനിര്ത്താന് ചുരുങ്ങിയത് മൂന്ന് സാമ്പത്തിക വര്ഷമെങ്കിലും ഇടപാടുകള് നടത്തണം.
7. ഒരു പോസ്റ്റ് ഓഫീസ് സേവിംഗ്സ് അക്കൗണ്ട് ഒരു സംയുക്ത അക്കൗണ്ടായും, തിരിച്ചും മാറ്റാവുന്നതാണ്.
8. സേവിംഗ്സ് അക്കൗണ്ട് തുറക്കുമ്പോഴും ശേഷവും നോമിനേഷന് സംവിധാനം രേഖപ്പെടുത്താനുള്ള സൗകര്യം ലഭ്യമാണ്.
9. നിക്ഷേപവും പിന്വലിക്കലും ബാങ്കിംഗ് സേവനത്തിലുള്ളതു പോലെ ഏതെങ്കിലും ഇലക്ട്രോണിക് സംവിധാനത്തിലൂടെ നടത്താവുന്നതാണ്.
10. ഇന്ത്യ പോസ്റ്റ് പ്രകാരം എ.ടി.എം സൗകര്യവും ലഭ്യമാണ്. പോസ്റ്റ് ഓഫീസ് എടിഎം കാര്ഡുകളുടെ വിവിധ ചാര്ജുകള് ഇന്ത്യാ പോസ്റ്റ് വെബ്സൈറ്റില് നല്കിയിരിക്കുന്നത് ഇങ്ങനെയാണ്:
എടിഎം വഴി ദിവസേന പണം പിന്വലിക്കാനുള്ള പരിധി 25,000 രൂപയാണ്.
ഒരു ദിവസം 5 തവണ വരെ പോസ്റ്റ് ഓഫീസ് എടിഎം വഴി സൗജന്യമായി പണം പിന്വലിക്കാം.
മെട്രോ നഗരങ്ങളില് മറ്റു ബാങ്കുകളുടെ എടിഎം കൗണ്ടര് വഴി ഒരു മാസം 3 തവണയും മറ്റു നഗരങ്ങളില് മാസം 5 തവണയും സൗജന്യമായി പണം പിന്വലിക്കാം.
മറ്റു ബാങ്കുകളുടെ എടിഎം കൗണ്ടറുകളില് അനുവദനീയമായ പരിധിക്ക് ശേഷം ഓരോ ഇടപാടിനും 20 രൂപയും ജിഎസ്ടിയും ഈടാക്കും.
സ്ഥിര നിക്ഷേപ പദ്ധതികളും മുതിര്ന്ന പൗരന്മാര്ക്കുള്ള സമ്പാദ്യ പദ്ധതികളും പോസ്റ്റ് ഓഫീസില് ലഭ്യമാണ്.