എൽഐസി ന്യൂ ജീവൻ ആനന്ദ്: നിങ്ങൾക്ക് നേട്ടമുണ്ടാക്കുന്നത് ഇങ്ങനെ

രാജ്യത്തെ ഏറ്റവും വലിയ ലൈഫ് ഇൻഷുറൻസ് കമ്പനിയായ എൽഐസിയുടെ മികച്ച എൻഡോവ്മെൻറ് പ്ലാനുകളിലൊന്നാണ് എൽഐസി ന്യൂ ജീവൻ ആനന്ദ് പോളിസി. ഈ പോളിസിയെക്കുറിച്ച് നിങ്ങൾ അറിഞ്ഞിരിക്കേണ്ട കാര്യങ്ങൾ ഇതാ.

ആർക്കൊക്കെ വരിക്കാരാകാം?

എൽഐസി യുടെ ന്യൂ ജീവൻ ആനന്ദ് പോളിസി പ്ലാനുകൾ18 നും 50 നും ഇടയിൽ പ്രായമുള്ള ആർക്കും വരിക്കാരാകാം. ഒരു ലക്ഷം രൂപയാണ് ഈ പോളിസിയുടെ കുറഞ്ഞ തുക. പരമാവധി പരിധി ഇല്ല.

കാലാവധി

കുറഞ്ഞ പോളിസി കാലാവധി 15 വർഷവും പരമാവധി കാലാവധി 35 വർഷവുമാണ്. പോളിസി കാലാവധിയില്‍ ബോണസ് സഹിതം ഇന്‍ഷുറന്‍സ് തുക പോളിസി ഉടമയ്ക്കു ലഭിക്കും. കാലാവധി കഴിഞ്ഞാലും മുഴുവന്‍ തുകയ്ക്കും തുല്യമായ ഇന്‍ഷുറന്‍സ് പരിരക്ഷ നല്‍കുന്നു. അതു കൂടാതെ പോളിസി ഉടമയുടെ മരണ ശേഷവും അവകാശിക്ക് സം അഷ്യൂര്‍ഡ് വീണ്ടും ലഭിക്കും.

ആദായ നികുതി ഇളവ്

സെക്ഷൻ 80C ഇൻകം ടാക്സ് ആക്ട് പ്രകാരം ആദായ നികുതി ഇളവ് ലഭിക്കുന്നതാണ്. ഇതില്‍ നികുതി വിമുക്തമായ പെന്‍ഷന്‍ ലഭിക്കുകയും ചെയ്യും. പോളിസിയിൽ ചേര്‍ന്ന് മൂന്നു വര്‍ഷത്തിനു ശേഷം ലോണ്‍ എടുക്കാവുന്നതാണ്.

malayalam.goodreturns.in