നിങ്ങളുടെ ആധാർ വിവരങ്ങൾ ഇനി ആരും ചോർത്തില്ല; ആധാർ ലോക്ക് ചെയ്യേണ്ടത് ഇങ്ങനെ

യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യയുടെ (യുഐഡിഎഐ) സ്വയം സേവന പോർട്ടൽ വഴി ഇനി നിങ്ങൾക്ക് നിങ്ങളുടെ ആധാർ വിവിരങ്ങൾ ലോക്ക് ചെയ്യുകയും അൺലോക്ക് ചെയ്യുകയും. ഇതുവഴി ആർക്കും ഇനി നിങ്ങളുടെ ആധാർ വിവരങ്ങൾ ചോർത്താൻ സാധിക്കില്ല.

ബയോമെട്രിക് വിവരങ്ങൾ

നിങ്ങളുടെ വിരലടയാളം, ഐറിസ് ഡാറ്റ എന്നിവ അടങ്ങുന്നതാണ് ബയോമെട്രിക് വിവരങ്ങൾ. ആധാറിൽ തിരുത്തലുകൾ വരുത്താനും ഏതെങ്കിലും തരത്തിലുള്ള മാറ്റങ്ങൾ വരുത്തുന്നതും ബയോമെട്രിക് വിവരങ്ങൾ നൽകി മാത്രമാണ്. എന്നാൽ ആധാർ ലോക്ക് ചെയ്ത് കഴിഞ്ഞാൽ ബയോമെട്രിക് നൽകി നിങ്ങളുടെ ആധാർ വിവരങ്ങൾ എഡിറ്റ് ചെയ്യാൻ സാധിക്കില്ല. ആധാർ ഉടമ ബയോമെട്രിക് ലോക്കിങ് സംവിധാനം എനേബിൾ ചെയ്താൽ അൺലോക്ക് ചെയ്യുന്നതുവരെ ആർക്കും നിങ്ങളുടെ വിവരങ്ങൾ എടുക്കാനോ, ഉപയോ​ഗിക്കാനോ സാധിക്കില്ല.

ശ്രദ്ധിക്കേണ്ട കാര്യം

നിങ്ങളുടെ മൊബൈൽ നമ്പർ ആധാറുമായി ബന്ധിപ്പിച്ചിട്ടുണ്ടെങ്കിൽ മാത്രമേ നിങ്ങൾക്ക് ഈ സേവനം ലഭ്യമാകൂ. ആധാർ എങ്ങനെ ലോക്ക് ചെയ്യാമെന്ന് ചുവടെ ചേർക്കുന്നു.

സ്റ്റെപ് 1

• UIDAI ഔദ്യോ​ഗിക വെബ്സൈറ്റായ uidai.gov.in ഓപ്പൺ ചെയ്യുക
• ഹോം പേജിലെ 'മൈ ആധാർ' ടാബിൽ നിന്ന് 'ലോക്ക് / അൺലോക്ക് ബയോമെട്രിക്സ്' തിരഞ്ഞെടുക്കുക



സ്റ്റെപ് 2

• നിങ്ങളുടെ രജിസ്റ്റർ ചെയ്ത മൊബൈൽ നമ്പറിലേക്ക് വരുന്ന ഒടിപി എന്റർ ചെയ്യുക
• സബ്മിറ്റ് ബട്ടൺ ക്ലിക്ക് ചെയ്യുക



സ്റ്റെപ് 3

• ആവശ്യമായ ഭാ​ഗങ്ങൾ പൂരിപ്പിച്ച ശേഷം ബയോമെട്രിക് ലോക്ക് എനേബിൾ ബട്ടണിൽ ക്ലിക്ക് ചെയ്യുക



അൺലോക്ക് ചെയ്യുന്നതെങ്ങനെ?

ബയോമെട്രിക് വിവരങ്ങൾ അൺലോക്ക് ചെയ്യുന്നതിനുള്ള നടപടിക്രമങ്ങൾ ചുവടെ ചേർക്കുന്നു


• UIDAI വെബ്സൈറ്റ് തുറന്ന് മൈ ആധാർ ടാബിൽ നിന്ന് അൺലോക്ക് തിരഞ്ഞെടുക്കുക
• ആവശ്യമായ വിശദാംശങ്ങൾ നൽകി ഡിസേബിൾ ഓപ്ഷനിൽ ക്ലിക്ക് ചെയ്യുക

malayalam.goodreturns.in