പുകവലിക്കാർ സൂക്ഷിക്കുക; ഈ ആനുകൂല്യം നിങ്ങൾക്ക് ലഭിക്കില്ല, കിട്ടണമെങ്കിൽ കാശ് കൂടുതൽ മുടക്കണം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

പേഴ്‌സണൽ ഫിനാൻസിലെ ഏറ്റവും വലിയ മിഥ്യാധാരണകളിൽ ഒന്നാണ് പുകവലിക്കാർക്ക് ആരോഗ്യ ഇൻഷുറൻസ് ലഭിക്കില്ല എന്നത്. എന്നാൽ ആരോഗ്യ ഇൻഷുറൻസ് കമ്പനികൾ പുകവലിക്കാർക്കും പരിരക്ഷ ഉറപ്പാക്കാറുണ്ട്. ഇവർക്ക് ചില വ്യത്യസ്ത നിബന്ധനകളും വ്യവസ്ഥകളും ബാധകമായിരിക്കും എന്നുമാത്രം. കൂടാതെ ഉയർന്ന പ്രീമിയം തുകയുടെ ആരോഗ്യ ഇൻഷുറൻസ് പദ്ധതി തിരഞ്ഞെടുക്കേണ്ടിയും വരും. എന്നിരുന്നാലും, പുകവലിക്കാരല്ലാത്തവരെ അപേക്ഷിച്ച് പുകവലിക്കാർക്ക് ജീവിതശൈലി രോഗങ്ങൾക്ക് സാധ്യതയുള്ളതിനാൽ ആരോഗ്യ ഇൻഷുറൻസ് ലഭിക്കാൻ ബുദ്ധിമുട്ടാണ്.

പുകവലിക്കാരന് എങ്ങനെ ആരോഗ്യ ഇൻഷുറൻസ് പോളിസി ലഭിക്കും?
 

പുകവലിക്കാരന് എങ്ങനെ ആരോഗ്യ ഇൻഷുറൻസ് പോളിസി ലഭിക്കും?

ആരോഗ്യ ഇൻഷുറൻസ് കമ്പനികൾ ഏതെങ്കിലും രൂപത്തിൽ നിക്കോട്ടിൻ ഉപയോഗിക്കുന്ന വ്യക്തികളെയാണ് പുകവലിക്കാരായി നിർവചിക്കുന്നത്. പുകവലിക്കാരെ കണ്ടെത്താനും കവറേജിനുള്ള പ്രീമിയങ്ങൾ നിർണ്ണയിക്കാനും ഉപഭോക്താവിനെ മെഡിക്കൽ പരിശോധനയ്ക്ക് വിധേയമാക്കും. നിങ്ങളുടെ രക്തം, മൂത്രം, മുടി, ഉമിനീർ എന്നിവയിൽ നിന്ന് നിക്കോട്ടിന്റെ അംശം കണ്ടെത്താൻ കഴിയും. നിങ്ങളുടെ ശരീരത്തിൽ നിക്കോട്ടിൻ തുടരുന്ന സമയ ദൈർഘ്യം അനുസരിച്ച് നിങ്ങൾ എത്ര തവണ പുകവലിക്കുന്നു, പ്രായം, പൊതു ആരോഗ്യസ്ഥിതി എന്നിവ കണ്ടെത്തുകയും ചെയ്യാം.

പരിശോധനയ്ക്ക് വിധേയരാകേണ്ടത് എപ്പോൾ?

ആരോഗ്യ ഇൻഷുറൻസ് പദ്ധതിക്കായി നിങ്ങൾ അപേക്ഷാ ഫോം പൂരിപ്പിക്കുമ്പോൾ തന്നെ കമ്പനി നിങ്ങളുടെ പുകവലി ശീലത്തെക്കുറിച്ച് ചോദിക്കും. സാധാരണ ചോദിക്കുന്ന ചോദ്യങ്ങൾ ഇവയാണ്: നിങ്ങൾ പുകവലിക്കാറുണ്ടോ? കഴിഞ്ഞ 6 മാസമായി നിങ്ങൾ പുകയില ഉപയോഗിക്കുന്നുണ്ടോ? നിങ്ങൾ പുകവലിക്കുന്ന ആളാണെന്ന് വ്യക്തമാക്കിയാൽ കമ്പനി വൈദ്യ പരിശോധന ആവശ്യപ്പെടും. കൂടാതെ നിങ്ങളുടെ പ്രായം കവറേജ് തുക എന്നിവയ്ക്ക് അനുസരിച്ചായിരിക്കും ആരോഗ്യ ഇൻഷുറൻസ് പദ്ധതി വാഗ്ദാനം ചെയ്യുക.

ആരോ​ഗ്യസ്ഥിതി

നിങ്ങളുടെ ആരോഗ്യസ്ഥിതിയെ അടിസ്ഥാനമാക്കിയാകും ആരോഗ്യ ഇൻഷുറൻസ് കമ്പനികൾ പ്രീമിയം തുക തീരുമാനിക്കുക. പ്രമേഹം, രക്തസമ്മർദ്ദം തുടങ്ങിയ ജീവിതശൈലി രോഗങ്ങൾ മനസ്സിലാക്കിയും പുകവലിക്കാരുടെ ഇൻഷുറൻസ് നിർണ്ണയിക്കാറുണ്ട്. ടൈപ്പ് 2 പ്രമേഹം ബാധിക്കുന്ന പുകവലിക്കാർക്ക് പോളിസികൾ കമ്പനികൾ നിരസിച്ചേക്കാം.

അപേക്ഷ നിരസിക്കുന്നത് എപ്പോൾ?

പുകവലിക്കാത്ത ആളുകൾക്ക് മിനിമം നടപടിക്രമങ്ങളിലൂടെ ആരോഗ്യ ഇൻഷുറൻസ് എളുപ്പത്തിൽ സ്വന്തമാക്കാം. ദിവസം വളരെ കുറച്ച് സി​ഗരറ്റുകൾ വലിക്കുന്നവർക്കും കാര്യമായ ആരോ​ഗ്യ പ്രശ്നങ്ങളില്ലാത്തവർക്കും പദ്ധതിയിൽ വലിയ നൂലാമാലകളില്ലാതെ പദ്ധതിയിൽ ചേരാവുന്നതാണ്. എന്നാൽ ഒരു ദിവസം 20 മുതൽ 40 സിഗരറ്റിലധികം പുകവലിക്കുന്നവരുടെ നിർദേശങ്ങൾ ആരോഗ്യ ഇൻഷുറൻസ് കമ്പനികൾ ഉടൻ നിരസിക്കും.

ആരോ​ഗ്യ ഇൻഷുറൻസ് എടുക്കേണ്ടത് എപ്പോൾ?

ഹെല്‍ത്ത് ഇന്‍ഷുറന്‍സ് എടുക്കാന്‍ പ്രായം ആകുന്നത് വരെ കാത്തിരിക്കേണ്ടതില്ല. നിങ്ങള്‍ ഏറ്റവും ആരോഗ്യത്തോടെയിരിക്കുന്ന യുവത്വത്തില്‍ തന്നെ ആരോ​ഗ്യ ഇൻഷുറൻസ് പദ്ധതികളിൽ ചേരുന്നതാണ് നല്ലത്. കാരണം നിലവിലുള്ള അസുഖങ്ങള്‍ക്ക് മിക്ക പദ്ധതികളിലും കവറേജ് ലഭിക്കാറില്ല. മാത്രമല്ല പ്രായവും ആരോഗ്യസ്ഥിതിയും അനുസരിച്ച് പ്രീമിയത്തിലും കുറവുണ്ടാകും. പോളിസി എടുക്കുന്ന സമയത്ത് നിലവിലുള്ള അസുഖങ്ങള്‍ക്ക് ക്ലെയിം ലഭിക്കാറില്ല.

malayalam.goodreturns.in

English summary

Health Insurance For Smokers

One of the biggest myths in personal finance is that smokers don't get health insurance. But health insurance companies also provide protection for smokers. They will have different terms and conditions.
Story first published: Thursday, June 27, 2019, 7:34 [IST]
Company Search
Enter the first few characters of the company's name or the NSE symbol or BSE code and click 'Go'
Thousands of Goodreturn readers receive our evening newsletter.
Have you subscribed?

Get Latest News alerts from Malayalam Goodreturns

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more