ചെറുകിട കച്ചവടക്കാർക്ക് മോദിയുടെ 3000 രൂപ പ്രതിമാസ പെൻഷൻ; അറിയേണ്ട കാര്യങ്ങൾ ഇതാ

എല്ലാ ചെറുകിട കച്ചവടക്കാർക്കും മിനിമം 3000 രൂപ പെൻഷൻ നൽകുന്ന പദ്ധതിയ്ക്ക് കേന്ദ്ര മന്ത്രിസഭ അം​ഗീകാരം നൽകി. അടുത്ത മൂന്നു വർഷത്തിനുള്ളിൽ അഞ്ചു കോടി വ്യാപാരികൾ പദ്ധതിയിൽ അം​ഗങ്ങളാകുമെന്നാണ് സർക്കാരിന്റെ പ്രതീക്ഷ. 3 കോടിയോളം റീട്ടെയിൽ വ്യാപാരികൾക്കും കച്ചവടക്കാർക്കും നേട്ടമുണ്ടാകുന്ന ഈ പദ്ധതിയെക്കുറിച്ച് അറിയേണ്ട കാര്യങ്ങൾ ഇതാ..

60 വയസ്സ് കഴിഞ്ഞാൽ

നരേന്ദ്ര മോദിയുടെ സാർവത്രിക സാമൂഹിക സുരക്ഷാ പദ്ധതിയുടെ ഭാഗമാണ് ഈ പെൻഷൻ പദ്ധതി. 60 വയസ്സിനു ശേഷം എല്ലാ കച്ചവടക്കാർക്കും ചില്ലറ വ്യാപാരികൾക്കും കുറഞ്ഞത് 3,000 രൂപ പെൻഷൻ ലഭിക്കുന്ന പദ്ധതിയാണിത്. ഈ പദ്ധതി വഴി എല്ലാ കച്ചവടക്കാർക്കും, ചില്ലറ വ്യാപാരികൾക്കും സ്വയം തൊഴിൽ ദാതാക്കൾക്കും 60 വയസ് പൂർത്തിയായാൽ പ്രതിമാസം 3,000 പെൻഷൻ തുക ഉറപ്പാക്കുകയാണ് സർക്കാരിന്റെ ലക്ഷ്യം. 3 കോടി വ്യാപാരികളും കച്ചവടക്കാരും പദ്ധതിയുടെ ​ഗുണഭോക്താക്കളാകുമെന്നാണ് പ്രാഥമിക നി​ഗമനം.

വരുമാന പരിധി

ജിഎസ്ടി വിറ്റുവരവ് 1.5 കോടിയിൽ താഴെയുള്ള എല്ലാ വ്യാപാരികൾക്കും പെൻഷൻ പദ്ധതിയ്ക്കായി അപേക്ഷിക്കാവുന്നതാണ്. 18നും 40 വയസ്സിനും ഇടയിൽ പ്രായമുള്ളവരായിരിക്കണം അപേക്ഷിക്കേണ്ടത്. ചുരുങ്ങിയ നടപടി ക്രമങ്ങൾ കൊണ്ടു തന്നെ അപേക്ഷ സമർപ്പിക്കാവുന്നതാണ്. സാധാരണക്കാർക്ക് രാജ്യമെമ്പാടുമുള്ള 3.25 ലക്ഷം കോമൺ സർവ്വീസ് സെന്ററുകളിലൂടെ അപേക്ഷ സമർപ്പിക്കാം.

ആവശ്യമായ രേഖകൾ

താഴെ പറയുന്നവയാണ് അപേക്ഷ സമർപ്പിക്കാൻ ആവശ്യമായ പ്രധാന രേഖകൾ

• ആധാർ കാർഡ്
• പെൻഷൻ തുക കൈപ്പറ്റേണ്ട ബാങ്ക് അക്കൗണ്ടിന്റെ വിവരങ്ങൾ



പെൻഷൻ തുക

ഒരു വൊളണ്ടറി ആൻഡ് കോൺട്രിബ്യൂട്ടറി പെൻഷൻ സ്കീമാണിത്. 50:50 അടിസ്ഥാനത്തിലാണ് ഈ പദ്ധതി വഴി പെൻഷൻ ലഭിക്കുക. ഉദാഹരണത്തിന് ഒരു വ്യക്തി പ്രതിമാസം 100 രൂപയാണ് പെൻഷൻ പദ്ധതിയിലേയ്ക്ക് സംഭാവന നല്കുന്നതെങ്കിൽ എല്ലാ മാസവും സബ്സിഡിയായി കേന്ദ്ര സർക്കാറും ഇതേ തുക സംഭാവന ചെയ്യും.

malayalam.goodreturns.in