ആധാറില് നിങ്ങളുടെ മേൽവിലാസം മാറ്റാന് ഇനി രേഖകള് ആവശ്യമില്ല. മേൽവിലാസം തെളിയിക്കുന്ന രേഖകൾ കൈവശമില്ലെങ്കിലും നിങ്ങളുടെ വിലാസ വിശദാംശങ്ങൾ ആധാറിൽ അപ്ഡേറ്റ് ചെയ്യാൻ കഴിയുമെന്നാണ് യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (യുഐഡിഎഐ) അറിയിച്ചിരിക്കുന്നത്. വിലാസം സ്ഥിരീകരിക്കുന്നതിന് മറ്റൊരാളുടെ സഹായത്തോടെയാണ് ഇത് സാധ്യമാക്കുന്നത്.
നിങ്ങൾക്ക് എപ്പോൾ ഈ സേവനം ഉപയോഗിക്കാൻ കഴിയും?
പെട്ടെന്ന് നിങ്ങള് വീടുമാറിയെന്നിരിക്കട്ടെ, പുതിയ ഈ സേവനം നിങ്ങൾക്ക് വളരെ ഉപയോഗപ്രദമാകും. കൂടാതെ അടുത്തിടെ വിവാഹിതരായവർക്കും, ഈ സൗകര്യം ഉപയോഗിച്ച് നിങ്ങളുടെ ആധാർ വിലാസം പുതിയ വീട്ടിലേക്ക് എളുപ്പത്തിൽ തന്നെ അപ്ഡേറ്റ് ചെയ്യാൻ കഴിയും.
നിങ്ങളുടെ വിലാസം സ്ഥിരീകരിക്കുന്നത് ആര്?
നിങ്ങളുടെ വിലാസം സ്ഥിരീകരിക്കുന്നത് കുടുംബാംഗം തന്നെയോ, ബന്ധുവോ, സുഹൃത്തുക്കളോ, ഭൂവുടമയോ ആകാം. അവർ അവരുടെ വിലാസം തെളിവായി ഉപയോഗിക്കാൻ നിങ്ങളെ അനുവദിക്കും. താഴെ പറയുന്ന കാര്യങ്ങൾ അംഗീകരിച്ചാൽ മാത്രമേ വിലാസം അപ്ഡേറ്റ് ചെയ്യാൻ കഴിയൂ.
നിങ്ങളുടെ ആധാർ കാർഡിലെ ഫോട്ടോ മാറ്റണോ? ചെയ്യേണ്ടത് എന്ത്?
നിബന്ധനകൾ
- താമസക്കാരനും വിലാസം വെരിഫൈ ചെയ്യുന്നയാളും ആധാറില് മൊബൈല് നമ്പര് രജിസ്റ്റര് ചെയ്തിട്ടുള്ളവരായിരിക്കണം.
- താമസക്കാരനും വിലാസം സ്ഥിരീകരിക്കുന്നയാള്ക്കും മൊബൈലില് ഒടിപി ലഭിക്കും. ഇത് സൈറ്റില് നല്കുകയും ചെയ്യണം.
- വിലാസം സ്ഥിരീകരിക്കുന്നയാളുടെ പൂര്ണസമ്മതമുണ്ടെങ്കില് മാത്രമേ ഇത് സാധ്യമാകൂ.
ആധാർ കാർഡ് കൈയിലുണ്ടോ? 30000 രൂപ വരെ സമ്മാനം നേടാൻ കിടിലൻ അവസരം
എങ്ങനെ വിലാസം പുതുക്കാം?
- യുഐഡിഎഐയുടെ വെബ്സൈറ്റില് തുറക്കുക
- മൈ ആധാര് ടാബില് റിക്വസ്റ്റ് ആധാര് വാലിഡേഷന് ലെറ്റര് ടാബ് തിരഞ്ഞെടുക്കുക
- തുടർന്ന് വിലാസം മാറ്റാം
നിങ്ങളുടെ ആധാർ കാർഡ് നഷ്ട്ടപ്പെട്ടോ? ഡ്യൂപ്ലിക്കേറ്റ് കാർഡിന് അപേക്ഷിക്കേണ്ടത് എങ്ങനെ?
malayalam.goodreturns.in