ട്രെയിൻ യാത്രക്കാർക്ക് അറിയാമോ, പ്രീമിയം തത്ക്കാലും തത്ക്കാൽ ടിക്കറ്റും തമ്മിലുള്ള വ്യത്യാസം?

ഐആർ‌സി‌ടി‌സി ട്രെയിൻ യാത്രക്കാർക്ക് ഇ-ടിക്കറ്റിംഗ് സേവനങ്ങൾ വാഗ്ദാനം ചെയ്യുന്നു. ഇതുവഴി ട്രെയിനിൽ യാത്ര ചെയ്യുന്ന ആളുകൾക്ക് ഐആർസിടിസി പോർട്ടൽ അല്ലെങ്കിൽ മൊബൈൽ ആപ്ലിക്കേഷൻ വഴി ഓൺലൈനിൽ ടിക്കറ്റ് ബുക്ക് ചെയ്യാം. അവസാന നിമിഷം അല്ലെങ്കിൽ അടിയന്തരമായി ടിക്കറ്റ് ബുക്ക് ചെയ്യുന്നതിന് ഐ‌ആർ‌സി‌ടി‌സി നൽകുന്ന സേവനമാണ് തത്കാൽ, പ്രീമിയം തത്കാൽ ടിക്കറ്റുകൾ. എന്നാൽ ഇവ തമ്മിലുള്ള വ്യത്യാസം പലർക്കും അറിയില്ല.

പ്രീമിയം തത്കാൽ

സമയക്കുറവുള്ള ആളുകൾക്ക് പ്രീമിയം തത്കാൽ ടിക്കറ്റുകൾ ബുക്ക് ചെയ്യുന്നതാണ് നല്ലതാണ്. ഇതുവഴി അവസാന നിമിഷത്തെ ഡൈനാമിക് ടിക്കറ്റ് നിരക്കിൽ ടിക്കറ്റ് ബുക്ക് ചെയ്യാൻ യാത്രക്കാർക്ക് സാധിക്കും. വിവിധ ക്ലാസുകളെ ആശ്രയിച്ച് 10 ശതമാനം മുതൽ 30 ശതമാനം വരെയാണ് അധിക ടിക്കറ്റ് നിരക്കുകൾ. ഐ‌ആർ‌സി‌ടി‌സിയുടെ കണക്കനുസരിച്ച് പ്രീമിയം തത്കലിന്റെ പരമാവധി പരിധി അടിസ്ഥാന നിരക്കിന്റെ 30 ശതമാനമാണ് അല്ലെങ്കിൽ 400 രൂപ എന്നതാണ്. ഐ‌ആർ‌സി‌ടി‌സി പ്രീമിയം തത്കൽ ട്രെയിൻ ടിക്കറ്റ് ബുക്കിംഗ് സൗകര്യം സാധാരണക്കാർക്ക് മാത്രമായി പരിമിതപ്പെടുത്തിയിരിക്കുന്നതിനാൽ ടിക്കറ്റ് ബുക്കിംഗ് ഏജന്റുമാർക്ക് ഈ ക്വാട്ട പ്രകാരം ടിക്കറ്റ് ബുക്ക് ചെയ്യാൻ കഴിയില്ല.

തത്കാൽ ടിക്കറ്റ്

ഐ‌ആർ‌സി‌ടി‌സി ഇ-ടിക്കറ്റിംഗ് വെബ്‌സൈറ്റായ www.irctc.co.in ൽ നിന്നോ ഇന്ത്യൻ റെയിൽ‌വേ ടിക്കറ്റ് കൗണ്ടറുകളിൽ നിന്നോ ബുക്കിംഗ് ഓഫീസുകളിൽ നിന്നും റിസർവേഷൻ സെന്ററുകളിൽ നിന്നോ തത്കാൽ ക്വാട്ടയ്ക്ക് കീഴിൽ ടിക്കറ്റ് ബുക്ക് ചെയ്യാം. ഇന്ത്യൻ റെയിൽ‌വേ നിർ‌ദ്ദേശം അനുസരിച്ച് ഫസ്റ്റ് എസി, എക്സിക്യൂട്ടീവ് ക്ലാസ്സുകളിൽ തത്കാൽ ടിക്കറ്റ് ബുക്കിംഗ് അനുവദനീയമല്ല.

തത്കാൽ ടിക്കറ്റ് ബുക്കിം​ഗ് സമയം

ട്രെയിനിന്റെ യഥാർത്ഥ പുറപ്പെടൽ തീയതിയ്ക്ക് ഒരു ദിവസം മുമ്പാണ് തത്കാൽ ട്രെയിൻ ടിക്കറ്റ് ബുക്ക് ചെയ്യാൻ സാധിക്കുന്നത്. എസി ക്ലാസുകൾക്ക് രാവിലെ 10 നാണ് തത്കാൽ വിൻഡോ തുറക്കുന്നത്. നോൺ എസി തത്ക്കാൽ ടിക്കറ്റുകൾ രാവിലെ 11 മുതൽ ബുക്ക് ചെയ്യാം. അടിസ്ഥാന നിരക്കിന്റെ 10 മുതൽ 30 ശതമാനം വരെയാണ് തത്കാൽ ട്രെയിൻ ടിക്കറ്റ് ബുക്കിംഗ് ചാർജായി ഐആർ‌സി‌ടി‌സി ഈടാക്കുന്നത്. സെക്കന്റ് ക്ലാസ് മിനിമം തത്കാൽ ചാർജുകൾ 10 രൂപയും പരമാവധി 15 രൂപയുമാണ്. സ്ലീപ്പർ ക്ലാസിന് കുറഞ്ഞത് 90 രൂപയും പരമാവധി 175 രൂപയുമാണ്, എസി ചെയർ കാറിന് കുറഞ്ഞത് 100 രൂപയും പരമാവധി 200 രൂപയുമാണ്. എസി 3 ടയർ മിനിമം 250 രൂപയും പരമാവധി 350 രൂപയുമാണ് എസി 2 ടയറിനും എക്സിക്യൂട്ടീവിനും മിനിമം 300 രൂപയും പരമാവധി 400 രൂപയുമാണ് നിരക്ക്.

ശ്രദ്ധിക്കേണ്ട കാര്യങ്ങൾ

തത്കാൽ ട്രെയിൻ ടിക്കറ്റുകൾ റദ്ദാക്കിയതിന് ഐആർ‌സി‌ടി‌സി പണം തിരികെ നൽകില്ല. കൂടാതെ ടിക്കറ്റ് റദ്ദാക്കലിന് റദ്ദാക്കൽ നിരക്കുകൾ ഈടാക്കുകയും ചെയ്യും. തത്കാൽ ട്രെയിൻ ടിക്കറ്റ് ബുക്കിംഗിന് കീഴിൽ, ലേഡീസ് കൺസെഷണൽ ക്വാട്ട അല്ലെങ്കിൽ മുതിർന്ന പൗരന്മാരുടെ ക്വാട്ട എന്നീ ഇളവുകൾ അനുവദിക്കുന്നതല്ല.

malayalam.goodreturns.in