ട്രെയിൻ ടിക്കറ്റ് ബുക്ക് ചെയ്യാൻ ഇനി ഐമുദ്ര പേയ്‌മെന്റ് വാലറ്റ്: അറിയേണ്ട കാര്യങ്ങൾ എന്തൊക്കെ?

ഐ‌ആർ‌സി‌ടി‌സി ഉപയോക്താക്കൾക്ക് തടസ്സരഹിതവും സുരക്ഷിതവുമായ ഇടപാടുകൾ നടത്താൻ പുതിയ ഇ-വാലറ്റ് സേവനം ആരംഭിച്ചു. ആസ്വദിക്കാൻ പ്രാപ്തമാക്കുന്ന ഇ വാലറ്റിന്റെ സൗകര്യം അവതരിപ്പിച്ചു. യൂസർ ഒതന്റിഫിക്കേഷൻ, എളുപ്പത്തിലുള്ള റീഫണ്ടുകൾ എന്നിവ പോലുള്ള വിവിധ ആനുകൂല്യങ്ങൾ ഇതിവഴി ഉപയോക്താക്കൾക്ക് ലഭിക്കും. ഐമുദ്ര പേയ്‌മെന്റ് വാലറ്റിന്റെ പ്രത്യേകതകളും നേട്ടങ്ങളും എന്തൊക്കെയെന്ന് പരിശോധിക്കാം.

ഉപയോ​ഗങ്ങൾ ഇവയാണ്

ട്രെയിൻ ടിക്കറ്റുകൾ പരിധിയില്ലാതെ ബുക്ക് ചെയ്യാനും ഓൺലൈനിൽ ഷോപ്പുചെയ്യാനും സുഹൃത്തുക്കൾക്കും കുടുംബത്തിനും പണം അയയ്ക്കാനും ഐആർസിടിസി ഐമുദ്ര പേയ്‌മെന്റ് വാലറ്റ് വഴി സാധിക്കും. മൊബൈൽ, ടാബ്‌ലെറ്റ്, ഡെസ്‌ക്‌ടോപ്പ് എന്നിവയിലെല്ലാം നിങ്ങൾക്ക് ഐമുദ്ര വാലറ്റ് ആക്‌സസ് ചെയ്യുന്നതിനുള്ള സൗകര്യമുണ്ട്.

ഓൺലൈൻ/ ഓഫ്‍ലൈൻ ഇടപാടുകൾ

ഐമുദ്ര വാലറ്റിന്റെ വെർച്വൽ, ഫിസിക്കൽ കാർഡുകളും ലഭ്യമാണ്. അതുകൊണ്ട് തന്നെ നിങ്ങൾ ഓൺലൈനിലോ ഓഫ്‌ലൈനിലോ വാങ്ങുകയാണെങ്കിലും എല്ലാ ഇടപാടുകളിലും തടസ്സരഹിതവും സുരക്ഷിതവുമായി ഉപയോ​ഗിക്കാനാകും. കെ‌വൈ‌സി മനദണ്ഡങ്ങൾ പാലിച്ച് നിങ്ങൾക്ക് ആവശ്യമുള്ളപ്പോഴെല്ലാം പെട്ടെന്ന് പണം പിൻവലിക്കാനും ഐആർ‌സി‌ടി‌സി ഐമുദ്ര കാർഡ് ഉപയോഗിക്കാം.

സൈൻ അപ്പ് ചെയ്യുന്നത് എങ്ങനെ?

• ഐആർസിടിസി ഐമുദ്ര വാലറ്റിൽ സൈൻ അപ്പ് ചെയ്യുന്നതിന് ആദ്യം ഐമുദ്ര വെബ്സൈറ്റ് സന്ദർശിക്കുക
• സൈൻ അപ്പ് ടാബിൽ ക്ലിക്കു ചെയുക
• വിശദാംശങ്ങൾ പൂരിപ്പിക്കുക
• നിങ്ങളുടെ മൊബൈൽ നമ്പറിൽ ലഭിക്കുന്ന ഒടിപി നൽകി സൈൻ അപ്പ് ചെയ്യുക



കാർഡ് ലഭിക്കും

നിങ്ങൾ രജിസ്റ്റർ ചെയ്തു കഴിഞ്ഞാൽ, നിങ്ങൾക്ക് ഒരു വെർച്വൽ കാർഡും ഫിസിക്കൽ കാർഡും ലഭിക്കും. ഫിസിക്കൽ കാർഡ് പോലെ തന്നെ വെർച്വൽ കാർഡും ഉപയോ​ഗിക്കാം. പേയ്‌മെന്റുകൾ നടത്താനും ഓൺലൈനിൽ ഷോപ്പുചെയ്യാനും ഫിസിക്കൽ കാർഡിന് സമാനമായ രീതിയിൽ തന്നെ വെർച്വൽ കാർഡും ഉപയോ​ഗിക്കാം. വെർച്വൽ കാർഡിന് 10 രൂപയും ഫിസിക്കൽ കാർഡിന് 200 രൂപയുമാണ് ഈടാക്കുന്നത്. ഐമുദ്ര കാർഡ് ഒരു പ്രീപെയ്ഡ് കാർഡാണ്. എന്നാൽ കാർഡ് ആക്ടിവേറ്റ് ചെയ്യാൻ ഫീസില്ല.



ഐമുദ്ര കാർഡ് എടിഎം ചാർജുകൾ

ഫെഡറൽ ബാങ്ക് എടിഎമ്മിൽ ഐമുദ്ര കാർഡ് ഉപയോ​ഗിക്കുമ്പോൾ ഒരു മാസത്തിലെ ആദ്യത്തെ മൂന്ന് ഇടപാടുകൾ സൗജന്യമാണ്. തുടർന്നുള്ള ഏത് ഇടപാടിനും ബാധകമായ നികുതികൾക്കൊപ്പം 20 രൂപ ഈടാക്കും. ഫെഡറൽ ഇതര ബാങ്ക് എടിഎമ്മുകളിലെ ഏത് ഇടപാടിനും ബാധകമായ നികുതികൾക്കൊപ്പം 20 രൂപ നിരക്കിൽ ഈടാക്കും. നിലവിൽ, ഇന്ത്യൻ വെബ്‌സൈറ്റുകളിൽ നിന്ന് സാധനങ്ങൾ വാങ്ങാൻ മാത്രമേ കാർഡ് ഉപയോ​ഗിക്കാൻ സാധിക്കൂ.



വാലറ്റ് പരിധി

കുറഞ്ഞ കെ‌വൈ‌സി പരിശോധിച്ച ഉപയോക്താക്കൾ‌ക്ക്, പ്രതിമാസ വാലറ്റ് പരിധി 10,000 രൂപയാണ്. മുഴുവൻ കെ‌വൈ‌സി പരിശോധകളും പൂർത്തിയായ ഉപയോക്താക്കൾ‌ക്ക്, പ്രതിമാസ വാലറ്റ് പരിധി 1,00,000 രൂപയാണ്.

malayalam.goodreturns.in