ഇപിഎഫ് പലിശ ഉടൻ അക്കൗണ്ടിൽ ക്രെഡിറ്റാകും; നിങ്ങളുടെ പിഎഫ് ബാലൻസ് പരിശോധിക്കുന്നത് എങ്ങനെ?

ഇപിഎഫ്ഒ വെബ്സൈറ്റ്

• ഇപി‌എഫ്‌ഒ വെബ്‌സൈറ്റിൽ (www.epfindia.gov.in) പ്രവേശിക്കുക
• ഇടത് കോണിലുള്ള 'Our Services' ടാബിൽ നിന്ന്, 'For Employees' എന്ന ഓപ്ഷനിൽ ക്ലിക്കുചെയ്യുക
• തുടർന്ന് മെമ്പർ പാസ്‌ബുക്കിൽ ക്ലിക്കുചെയ്യുക
• നിങ്ങളുടെ യു‌എഎൻ നമ്പറും പാസ്‌വേഡും ഉപയോഗിച്ച് പ്രവേശിക്കുക.
• ലോഗിൻ ചെയ്ത ശേഷം, നിങ്ങളുടെ PF അക്കൗണ്ടിലേക്ക് പ്രവേശിച്ച് ലഭ്യമായ ബാലൻസ് പരിശോധിക്കാം

ഉമാംഗ് ആപ്ലിക്കേഷൻ വഴി

ഗവൺമെന്റിന്റെ കേന്ദ്രീകൃത മൊബൈൽ ആപ്ലിക്കേഷനായ ഉമാംഗ് ആപ്പ് വഴിയും ബാലൻസ് പരിശോധിക്കാം

• പ്ലേ സ്റ്റോർ / ആപ്പ് സ്റ്റോറിൽ നിന്ന് അപ്ലിക്കേഷൻ ഡൗൺലോഡു ചെയ്യുക
• നിങ്ങളുടെ സ്മാർട്ട്‌ഫോണിൽ ഉമാംഗ് അപ്ലിക്കേഷൻ തുറന്ന് ഇപിഎഫ്ഒ തിരഞ്ഞെടുക്കുക
• 'Employee Centric Services.' ക്ലിക്കുചെയ്യുക
• നിങ്ങളുടെ ഇപിഎഫ് ബാലൻസ് പരിശോധിക്കാൻ 'View Passbook'ഓപ്ഷനിൽ ക്ലിക്കുചെയ്യുക
• നിങ്ങളുടെ യു‌എഎൻ നൽകി Get OTP ക്ലിക്കുചെയ്യുക
• ഒടിപി നൽകി 'ലോഗിൻ' ക്ലിക്കുചെയ്യുക.
• നിങ്ങളുടെ ഇപിഎഫ് ബാലൻസ് പരിശോധിക്കാൻ ആഗ്രഹിക്കുന്ന കമ്പനിയുടെ മെമ്പർ ഐഡി തിരഞ്ഞെടുക്കുക
• തുടർന്ന് നിങ്ങളുടെ പാസ്ബുക്കിൽ ഇപിഎഫ് ബാലൻസ് സ്ക്രീനിൽ പ്രദർശിപ്പിക്കും.

(യു‌എ‌എൻ സജീവമാക്കി യു‌എൻ മെമ്പർ പോർട്ടലിൽ രജിസ്റ്റർ ചെയ്ത അംഗങ്ങൾക്ക് മാത്രമേ ഓൺ‌ലൈനിൽ അവരുടെ ബാലൻസ് പരിശോധിക്കാൻ കഴിയൂ)

മിസ്ഡ് കോൾ

നിങ്ങളുടെ സെൽ‌ഫോണിൽ‌ ഇൻറർ‌നെറ്റ് ആക്സസ് ഇല്ലെങ്കിൽ‌ മിസ്ഡ് കോൾ സേവനം ഉപയോ​ഗപ്പെടുത്താം. ഇതിനായി നിങ്ങൾക്ക് 011-22901406 എന്ന നമ്പറിലേക്ക് ഒരു മിസ്ഡ് കോൾ നൽകാം. ഇപിഎഫ്ഒ നിങ്ങൾക്ക് ഇപിഎഫ് ബാലൻസ് അടക്കമുള്ള വിശദാംശങ്ങളോടെ ഒരു SMS അയയ്ക്കും.

എസ്എംഎസ് സേവനം

പി‌എഫ് തുക അറിയുന്നതിന് എസ്എംഎസ് സൗകര്യവും ഉപയോഗിക്കാം. നിങ്ങളുടെ രജിസ്റ്റർ ചെയ്ത മൊബൈൽ നമ്പറിൽ നിന്ന് EPFOHO ഇവ ടൈപ്പ് ചെയ്ത് 7738299899 ലേക്ക് എസ്എംഎസ് ചെയ്യുക. ഇതിന് മറുപടിയായി നിങ്ങൾ ആവശ്യമായ വിവരങ്ങൾ ഇപിഎഫ്ഒ അയച്ചു നൽകും.