വ്യാപാരികൾക്ക് മാസം 3000 രൂപ പെൻഷൻ; അപേക്ഷിക്കേണ്ടത് എങ്ങനെ?

പ്രധാനമന്ത്രി നരേന്ദ്ര മോദി വ്യാപാരികൾക്കും സ്വയംതൊഴിലാളികൾക്കുമായുള്ള ദേശീയ പെൻഷൻ പദ്ധതി ആരംഭിച്ചു. ചെറുകിട വ്യാപാരികൾക്കും ചില്ലറ വ്യാപാരികൾക്കും അവരുടെ കുടുംബങ്ങൾക്കും വാർദ്ധക്യ സംരക്ഷണവും സാമൂഹിക സുരക്ഷയും പ്രധാനം ചെയ്യുകയാണ് പദ്ധതിയുടെ ലക്ഷ്യം. 60 വയസ്സ് തികയുന്ന വ്യാപാരികൾക്ക് പ്രതിമാസം 3,000 രൂപ പെൻഷൻ നൽകുന്നതാണ് പദ്ധതി. വരിക്കാരനും സർക്കാരും ഒരുപോലെ നിക്ഷേപം നടത്തുന്ന പദ്ധതിയാണിത്. വരിക്കാരൻ മരിച്ചാൽ, പങ്കാളിയ്ക്ക് 50 ശതമാനം പെൻഷന് അർഹതയുണ്ട്.

നിക്ഷേപ തുക

വരിക്കാരന് 60 വയസ്സ് തികയുന്നത് വരെ പ്രതിമാസം 55 മുതൽ 200 രൂപ വരെ സംഭാവന നൽകി പെൻഷൻ പദ്ധതിയിൽ നിക്ഷേപം നടത്താം. 18നും 40 വയസ്സിനും ഇടയിൽ പ്രായമുള്ളവരായിരിക്കണം അപേക്ഷിക്കേണ്ടത്.

ആർക്കൊക്കെ അപേക്ഷിക്കാം?

സ്വയം തൊഴിൽ ചെയ്യുന്നവർ, ചെറുകിട വ്യാപാരികൾ, 18 മുതൽ 40 വയസ്സ് വരെ പ്രായമുള്ള ചില്ലറ വ്യാപാരികൾ, വാർഷിക വിറ്റുവരവ് 1.5 കോടിയിൽ കൂടാത്തവർ എന്നിവരാണ് പെൻഷൻ പദ്ധതിയിൽ ചേരേണ്ടത്. പദ്ധതിയുടെ ഗുണഭോക്താവാകാൻ ആഗ്രഹിക്കുന്ന ഒരാൾ ദേശീയ പെൻഷൻ പദ്ധതിയിൽ (എൻ‌പി‌എസ്) അല്ലെങ്കിൽ ഇപി‌എഫ്‌ഒ അല്ലെങ്കിൽ ഇ‌എസ്‌ഐസിയിൽ അംഗമാകരുത്. കൂടാതെ അപേക്ഷൻ ആദായ നികുതി നൽകുന്നയാളോ പ്രധാൻ മന്ത്രം ശ്രീം യോഗി മന്ദൻ യോജന, പ്രധാൻ മന്ത്രി കിസാൻ മന്ദൻ യോജന എന്നിവയിൽ അം​ഗങ്ങളോ ആകാൻ പാടില്ല.

ആവശ്യമായ രേഖകൾ

താഴെ പറയുന്നവയാണ് അപേക്ഷ സമർപ്പിക്കാൻ ആവശ്യമായ പ്രധാന രേഖകൾ

• ആധാർ കാർഡ്
• പെൻഷൻ തുക കൈപ്പറ്റേണ്ട ബാങ്ക് അക്കൗണ്ടിന്റെ വിവരങ്ങൾ

അപേക്ഷിക്കേണ്ടത് എങ്ങനെ?

• ആവശ്യമായ രേഖകളുമായി അടുത്തുള്ള പൊതു സേവന കേന്ദ്രം (സി‌എസ്‌സി) സന്ദർശിക്കുക.
• www.maandhan.in/vyapari എന്ന പോർട്ടൽ സന്ദർശിച്ച് ഒരാൾക്ക് സ്വയം എൻറോൾ ചെയ്യാം.
• സ്കീമിലേക്ക് നിങ്ങളുടെ സംഭാവന പ്രായത്തെ അടിസ്ഥാനമാക്കി കണക്കാക്കുക
• സി‌എസ്‌സിയിൽ നിങ്ങളുടെ ആദ്യ സംഭാവന പൂർണമായി അടയ്ക്കുക
• ഓട്ടോ ഡെബിറ്റ് മാൻഡേറ്റ് ഫോമിനൊപ്പം നാമനിർദ്ദേശ ഫോമും ഒപ്പിടുക
• തുടർന്ന് ഒരു യുണീക്ക് വ്യാപാരി പെൻഷൻ അക്കൗണ്ട് നമ്പർ (VPAN) സൃഷ്ടിക്കുകയും ഒരു പെൻഷൻ കാർഡ് സബ്‌സ്‌ക്രൈബർക്ക് തൽക്ഷണം ലഭിക്കുകയും ചെയ്യും.

പെൻഷൻ തുക

ഒരു വൊളണ്ടറി ആൻഡ് കോൺട്രിബ്യൂട്ടറി പെൻഷൻ സ്കീമാണിത്. 50:50 അടിസ്ഥാനത്തിലാണ് ഈ പദ്ധതി വഴി പെൻഷൻ ലഭിക്കുക. ഉദാഹരണത്തിന് ഒരു വ്യക്തി പ്രതിമാസം 100 രൂപയാണ് പെൻഷൻ പദ്ധതിയിലേയ്ക്ക് സംഭാവന നല്കുന്നതെങ്കിൽ എല്ലാ മാസവും സബ്സിഡിയായി കേന്ദ്ര സർക്കാറും ഇതേ തുക സംഭാവന ചെയ്യും.

malayalam.goodreturns.in