പിപിഎഫ് ബാലൻസിന്റെ പലിശ കണക്കാക്കുന്നത് എങ്ങനെ? കൂടുതൽ നേട്ടമുണ്ടാക്കാൻ ചെയ്യേണ്ടത് എന്ത്?

2016 ഏപ്രിൽ മുതൽ പബ്ലിക് പ്രൊവിഡന്റ് ഫണ്ട് അല്ലെങ്കിൽ പിപിഎഫ് പോലുള്ള ചെറുകിട നിക്ഷേപ പദ്ധതികളുടെ പലിശ ത്രൈമാസ അടിസ്ഥാനത്തിൽ പരിഷ്കരിക്കാൻ തുടങ്ങി. ഏറ്റവും പുതിയ ഒക്ടോബർ മുതൽ ഡിസംബർ വരെയുള്ള പാദത്തിൽ പലിശ നിരക്ക് 7.9% ആയാണ് നിശ്ചയിച്ചിരിക്കുന്നത്. നിങ്ങളുടെ പി‌പി‌എഫ് അക്കൗണ്ടിലെ പലിശ പ്രതിമാസ അടിസ്ഥാനത്തിൽ കണക്കാക്കുന്നുണ്ടെങ്കിലും എല്ലാ വർഷവും മാർച്ച് 31 നാണ് അക്കൗണ്ടിലേക്ക് ക്രെഡിറ്റ് ചെയ്യപ്പെടുന്നത്. അക്കൗണ്ടുകളുടെ കാലാവധി 15 വർഷമാണ്.

പലിശ കണക്കാക്കുന്നത് എങ്ങനെ?

പി‌പി‌എഫ് പലിശ എങ്ങനെയാണ് പ്രതിമാസ അടിസ്ഥാനത്തിൽ കണക്കാക്കുന്നത് എങ്ങനെയെന്ന് പരിശോധിക്കാം. ഓരോ മാസവും അഞ്ചിനും അവസാനത്തിനും ഇടയിൽ പിപിഎഫ് അക്കൗണ്ടിലെ ഏറ്റവും കുറഞ്ഞ ബാലൻസിനാണ് പലിശ കണക്കാക്കുന്നത്. അതിനാൽ ഓരോ മാസവും അഞ്ചിന് മുമ്പായി പുതിയ നിക്ഷേപം നടത്തുകയാണെങ്കിൽ, ആ നിക്ഷേപത്തിന്റെ പലിശ നിങ്ങൾക്ക് ലഭിക്കും. അല്ലെങ്കിൽ, മുമ്പത്തെ ബാലൻസിന് മാത്രമേ പലിശ കണക്കാക്കൂ.

പലിശ കൂട്ടാൻ ചെയ്യേണ്ടത് എന്ത്?

പലിശ വർദ്ധിപ്പിക്കുന്നതിന് പി‌പി‌എഫ് വരിക്കാരൻ ഓരോ മാസവും 5 ന് മുമ്പായി സംഭാവനകൾ ഒറ്റത്തവണയായി നിക്ഷേപിക്കണം. ഒരു വർഷം പി‌പി‌എഫ് അക്കൗണ്ടിൽ നിക്ഷേപിക്കേണ്ട ഏറ്റവും കുറഞ്ഞ തുക 500 രൂപയാണ്. പരമാവധി പരിധി 1.5 ലക്ഷം രൂപയാണ്. ശ്രദ്ധിക്കേണ്ട മറ്റൊരു കാര്യം, പി‌പി‌എഫ് അക്കൗണ്ടിലെ നിക്ഷേപം ഒറ്റത്തവണയോ അല്ലെങ്കിൽ പ്രതിവർഷം പരമാവധി 12 തവണകളോ ആയി നിക്ഷേപിക്കാം.

മൈനർ അക്കൗണ്ട്

പ്രായപൂർത്തിയാകാത്ത കുട്ടികളുടെ പേരിൽ മാതാപിതാക്കൾ പിപിഎഫ് അക്കൗണ്ട് തുറന്നിട്ടുണ്ടെങ്കിൽ, കുട്ടിയുടെ അക്കൗണ്ട് ഉൾപ്പെടെ രക്ഷകർത്താവ് അക്കൗണ്ടിൽ നിക്ഷേപിക്കാവുന്ന പരമാവധി തുക പ്രതിവർഷം 1.5 ലക്ഷമാണ്. ഏപ്രിൽ 5 നകം ഒന്നര ലക്ഷം രൂപ ഒരുമിച്ച് നിക്ഷേപിക്കുകയാണെങ്കിലും ഒരു വർഷം മുഴുവൻ നിങ്ങളുടെ ഒറ്റത്തവണ നിക്ഷേപത്തിൻ മേൽ പലിശ നേടാനും സാധിക്കും.

പിപിഎഫ് കാലാവധി

പിപിഎഫിന്റെ 15 വർഷത്തെ കാലാവധി കഴിഞ്ഞാലും അഞ്ച് വർഷം വീതം വീണ്ടും നിക്ഷേപ കാലാവധി നീട്ടാം. അഞ്ചു വർഷത്തിനുശേഷം പിപിഎഫ് പിൻവലിക്കാനും സാധിക്കും. പ്രത്യേക സാഹചര്യങ്ങളിൽ മാത്രമാണ് പണം പിൻവലിക്കാനാകുക. ഏഴാം സാമ്പത്തിക വർഷം മുതൽ ഭാഗിക പിൻവലിക്കലുകൾ നികുതി രഹിതമാണ്.

malayalam.goodreturns.in