ഉപയോഗിക്കാത്ത ബാങ്ക് അക്കൌണ്ടുകൾ വേഗം ക്ലോസ് ചെയ്തോളൂ, പണി കിട്ടുന്നത് ഇങ്ങനെ, ചെയ്യേണ്ടത് ഇത്രമാത്രം

മിക്ക ആളുകൾക്കും ഒന്നിലധികം ബാങ്ക് അക്കൌണ്ടുകളുണ്ട്. എന്നാൽ ഇടപാടുകൾ നടത്താത്ത ബാങ്ക് അക്കൌണ്ടുകൾ എത്രയും വേഗം ക്ലോസ് ചെയ്യുന്നതാണ് നല്ലത്. ഇല്ലെങ്കിൽ മിനിമം ശരാശരി പ്രതിമാസ അല്ലെങ്കിൽ ത്രൈമാസ ബാലൻസ് പരിപാലിക്കാത്തതിന് നിങ്ങൾ ബാങ്കുകൾക്ക് പിഴ നൽകേണ്ടി വരും.

അക്കൌണ്ട് നിഷ്ക്രിയമാകുന്നത് എപ്പോൾ?

റിസർവ് ബാങ്ക് (ആർ‌ബി‌ഐ) മാനദണ്ഡമനുസരിച്ച്, ഒരു അക്കൌണ്ട് ഉടമ തുടർച്ചയായി 12 മാസത്തിലേറെയായി ഒരു ബാങ്ക് അക്കൗണ്ടിൽ ഇടപാട് നടത്തുന്നില്ലെങ്കിൽ, ബാങ്കുകൾ അത് ഒരു പ്രവർത്തനരഹിത അക്കൗണ്ടായി കണക്കാക്കും. അക്കൌണ്ടുകളിൽ 24 മാസമോ രണ്ടോ വർഷത്തിൽ കൂടുതലോ ഇടപാടുകൾ നടത്തുന്നുല്ലെങ്കിൽ നിഷ്ക്രിയ അക്കൌണ്ടായി കണക്കാക്കും.

നിഷ്ക്രിയ അക്കൌണ്ട് ആകാതിരിക്കാൻ ചെയ്യേണ്ടത്

ഡെബിറ്റ് കാർഡ്, നെറ്റ് ബാങ്കിംഗ്, ഫോൺ ബാങ്കിംഗ്, ഓഫ്‌ലൈൻ ബാങ്കിംഗ്, സ്ഥിര നിക്ഷേപത്തിൽ നിന്നുള്ള പലിശ ക്രെഡിറ്റ് ചെയ്യൽ എന്നിവ ബാങ്ക് അക്കൗണ്ട് സജീവമായി നിലനിർത്തും. ഒരു നിഷ്‌ക്രിയ അല്ലെങ്കിൽ പ്രവർത്തനരഹിതമായ അക്കൗണ്ടായി തരംതിരിക്കുന്നതിന് മുമ്പ് ഇത്തരത്തിലുള്ള ഇടപാടുകൾ നടത്തണം.

ബാങ്കുകളും ഇൻഷുറൻസ് കമ്പനികളും നിങ്ങൾക്ക് നഷ്ടപരിഹാരം നൽകേണ്ടത് എപ്പോൾ? ബാങ്കുകളും ഇൻഷുറൻസ് കമ്പനികളും നിങ്ങൾക്ക് നഷ്ടപരിഹാരം നൽകേണ്ടത് എപ്പോൾ?

ബാങ്ക് അക്കൌണ്ട് ക്ലോസ് ചെയ്യേണ്ടത് എങ്ങനെ?

നിങ്ങൾ ക്ലോസ് ചെയ്യാൻ ആഗ്രഹിക്കുന്ന അക്കൗണ്ടിൽ നിന്ന് പണ മുഴുവനായും പിൻവലിക്കുക എന്നതാണ് ആദ്യം ചെയ്യേണ്ടത്. തുടർന്ന് ബാങ്ക് അക്കൗണ്ട് ക്ലോസ് ചെയ്യാൻ ആഗ്രഹിക്കുന്ന നിങ്ങളുടെ ബാങ്കിന്റെ ശാഖ സന്ദർശിച്ച് ക്ലോസ് ചെയ്യുന്നതിനുള്ള കാരണം വ്യക്തമാക്കി അക്കൗണ്ട് ക്ലോഷർ ഫോം പൂരിപ്പിക്കുക. ബാലൻസ് ഫണ്ട് മറ്റൊരു അക്കൈണ്ടിലേയ്ക്ക ട്രാൻസ്ഫർ ചെയ്യണമെങ്കിൽ അതിനായി മറ്റൊരു ബാങ്ക് അക്കൌണ്ടിന്റെ വിശദാംശങ്ങൾ നൽകണം.

ഡീ-ലിങ്ക് ചെയ്യുക

ഏതെങ്കിലും നിക്ഷേപങ്ങൾ, വായ്പകൾ, ക്രെഡിറ്റ് കാർഡ് പേയ്മെന്റുകൾ ക്ലോസ് ചെയ്യാൻ പോകുന്ന അക്കൌണ്ട് ഉപയോഗിക്കുന്നുണ്ടെങ്കിൽ ഡീ-ലിങ്കിംഗ് അക്കൌണ്ട് ഫോം പൂരിപ്പിച്ച് നൽകണം. തുടർന്ന് ഉപയോഗിക്കാത്ത ഡെബിറ്റ് കാർഡും ചെക്ക് ബുക്കും ബാങ്കിൽ സമർപ്പിച്ച് അക്കൗണ്ട് ക്ലോഷർ ചാർജുകൾളും അടയ്ക്കണം.

ബാങ്ക് പൊട്ടിയാൽ എത്ര രൂപ നിക്ഷേപിച്ചവർക്കും കിട്ടുന്നത് ഒരു ലക്ഷം രൂപ മാത്രം ബാങ്ക് പൊട്ടിയാൽ എത്ര രൂപ നിക്ഷേപിച്ചവർക്കും കിട്ടുന്നത് ഒരു ലക്ഷം രൂപ മാത്രം

അക്കൌണ്ട് ക്ലോഷർ ചാർജ്

ഒരു അക്കൗണ്ട് ആരംഭിച്ച് 14 ദിവസത്തിനുള്ളിൽ അക്കൗണ്ട് അടച്ചാൽ ബാങ്കുകൾ നിരക്ക് ഈടാക്കില്ല. എന്നാൽ 14 ദിവസത്തിനുശേഷം ഒരു വർഷത്തിനുമുമ്പ് അക്കൗണ്ട് അടയ്‌ക്കുന്നത് അക്കൗണ്ട് ക്ലോഷർ ചാർജുകൾക്ക് വിധേയമായിരിക്കും. അക്കൗണ്ട് അവസാനിപ്പിക്കുന്നത് വ്യക്തമാക്കുന്ന അവസാന അക്കൗണ്ട് സ്റ്റേറ്റ്മെന്റും സുരക്ഷിതമായി സൂക്ഷിക്കണം.

താമസം മാറിയോ? നിങ്ങളുടെ എസ്‌ബി‌ഐ അക്കൗണ്ട് ഓൺ‌ലൈനായി എങ്ങനെ മറ്റൊരു ശാഖയിലേയ്ക്ക് മാറ്റാം? താമസം മാറിയോ? നിങ്ങളുടെ എസ്‌ബി‌ഐ അക്കൗണ്ട് ഓൺ‌ലൈനായി എങ്ങനെ മറ്റൊരു ശാഖയിലേയ്ക്ക് മാറ്റാം?