ബാങ്ക് എഫ്ഡി vs കോർപ്പറേറ്റ് എഫ്ഡി: പലിശ നിരക്ക്, കാലയളവ്, അറിയേണ്ടതെല്ലാം…

നിക്ഷേപ രീതികളിൽ ഏതൊരാൾക്കും സുപരിചിതവും ജനപ്രിയവുമായ ഒന്നാണ് എഫ്ഡി അഥവ സ്ഥിര നിക്ഷേപം. അപകട സാധ്യത കുറവാണെന്നതും മികച്ച റിട്ടേൺസ് ലഭിക്കുമെന്നതും ആളുകളെ കൂടുതൽ സ്ഥിര നിക്ഷേപങ്ങൾ തിരഞ്ഞെടുക്കാൻ പ്രേരിപ്പിക്കുന്നു. ബാങ്കുകളിലേതെന്നതുപോലെ തന്നെ കോർപ്പറേറ്റ് സ്ഥിര നിക്ഷേപങ്ങളും ഇന്ന് വിപണിയിൽ ലഭ്യമായ ഒരു സ്ഥിര നിക്ഷേപ രീതിയാണ്. ബാങ്കുകളും കോർപ്പറേറ്റുകളും സ്ഥിര നിക്ഷേപ സാധ്യതകൾ വാഗ്ദാനം ചെയ്യുമ്പോൾ ഇതിൽ ഏത് തിരഞ്ഞെടുക്കണമെന്നത് സംബന്ധിച്ച് നിർബന്ധമായും അറിഞ്ഞിരിക്കേണ്ട ചില കാര്യങ്ങളാണ് ഈ ലേഖനത്തിൽ ഉൾക്കൊള്ളിച്ചിരിക്കുന്നത്.

ബാങ്ക് എഫ്ഡി vs കോർപ്പറേറ്റ് എഫ്ഡി

സർക്കാർ പിന്തുണയുണ്ടെന്നതാണ് സ്ഥിര നിക്ഷേപങ്ങളുടെ അപകട സാധ്യത കുറയ്ക്കുന്ന ഏറ്റവും വലിയ ഘടകം. കൂടാതെ ഡിഐസിജിസി ഇൻഷുറൻസും 5 ലക്ഷം രൂപ വരെ സെക്യൂരിറ്റി വാഗ്ദാനം ചെയ്യുന്നതിനാൽ ബാങ്ക് സ്ഥിരനിക്ഷേപങ്ങൾ സുരക്ഷിതമായി കണക്കാക്കപ്പെടുന്നു. അതേസമയം, കോർപ്പറേറ്റ് സ്ഥിരനിക്ഷേപങ്ങൾക്ക് സർക്കാർ പിന്തുണയില്ല. ഇത്തരം നിക്ഷേപങ്ങളുടെ സുരക്ഷ വിലയിരുത്തപ്പെടുന്നത് ലിസ്റ്റ് ചെയ്തിരിക്കുന്ന കമ്പനിയുടെ സാമ്പത്തിക ആരോഗ്യത്തെയും പ്രശസ്തിയെയും ആശ്രയിച്ചായിരിക്കും. അതുകൊണ്ട് തന്നെ കോർപ്പറേറ്റ് സ്ഥിര നിക്ഷേപങ്ങൾ തിരഞ്ഞെടുക്കുമ്പോൾ ആഴത്തിലുള്ള പഠനം ആവശ്യമാണ്.

പലിശ നിരക്ക്

നിക്ഷേപങ്ങളുടെ റിട്ടേൺസ് കണക്കാക്കുന്നതിൽ പലിശ നിരക്ക് നിർണായകമായ പങ്കുവഹിക്കുന്നു. ഇവിടെ കോർപ്പറേറ്റ് സ്ഥിരനിക്ഷേപങ്ങൾ സാധാരണയായി ബാങ്കുകളെ അപേക്ഷിച്ച് ഉയർന്നതും ഉറപ്പുള്ളതുമായ പലിശ നിരക്കുകൾ വാഗ്ദാനം ചെയ്യുന്നു. ഇത് നിക്ഷഏപകന് ചുരുങ്ങിയ കാലയളവിനുള്ളിൽ മികച്ച വരുമാനത്തിന് കാരണമാകും. പ്രത്യേകിച്ചും ക്യുമുലേറ്റീവ്, നോൺ-ക്യുമുലേറ്റീവ് പലിശ പേഔട്ടുകൾക്കുള്ള ഓപ്ഷനുകൾ പരിഗണിക്കുമ്പോൾ. പുനർനിക്ഷേപം ഉൾപ്പെടുന്ന ക്യുമുലേറ്റീവ് പേഔട്ടുകൾ, കോമ്പൗണ്ടിംഗ് റിട്ടേണുകളിലേക്കും ഉയർന്ന പേഔട്ടുകളിലേക്കും നയിച്ചേക്കാം.

കാലയളവ്

സ്ഥിര നിക്ഷേപങ്ങളെ ദീർഘകാല നിക്ഷേപമായി പരിഗണിക്കുന്നവർക്ക്, നിക്ഷേപത്തിന്റെ കാലാവധി നിർണായകമാണ്. കോർപ്പറേറ്റ് സ്ഥിരനിക്ഷേപങ്ങൾ സാധാരണയായി ആറുമാസം മുതൽ 5 വർഷം വരെയുള്ള കാലയളവുകൾ വാഗ്ദാനം ചെയ്യുന്നു, അതേസമയം ബാങ്ക് സ്ഥിരനിക്ഷേപങ്ങൾ രണ്ട് മുതൽ അഞ്ച് വർഷത്തേക്ക് വരെയുള്ള കാലയളവാണ് കൂടുതൽ വാഗ്ദാനം ചെയ്യുന്നത്.

അപകട സാധ്യത

സ്ഥിര നിക്ഷേപങ്ങൾ പൊതുവെ സുരക്ഷിതമാണെങ്കിലും, അപകടസാധ്യതയുടെ തോതും ഒരാളുടെ റിസ്ക് ടോളറൻസും വിലയിരുത്തേണ്ടത് അത്യാവശ്യമാണ്. ബാങ്ക് സ്ഥിരനിക്ഷേപവുമായി താരതമ്യം ചെയ്യുമ്പോങ കോർപ്പറേറ്റ് സ്ഥിര നിക്ഷേപങ്ങൾ അത്ര സുരക്ഷിതമാല്ല. കമ്പനിയുടെ സ്വഭാവത്തിൽ അപകട സാധ്യത നിലനിൽക്കുന്നു. എന്നിരുന്നാലും, വിപണിയിലെ ഏറ്റക്കുറച്ചിലുകൾ അവരെ ബാധിക്കാതെ തുടരുന്നു. മറുവശത്ത്, ബാങ്ക് സ്ഥിരനിക്ഷേപങ്ങൾ സുരക്ഷിതവും കുറഞ്ഞ അപകടസാധ്യതയുള്ളതുമാണ്, ആർബിഐ ഒരു സ്ഥിരനിക്ഷേപത്തിന് 1 ലക്ഷം രൂപ വരെയും ചില പ്രത്യേക കേസുകളിൽ ചിലപ്പോൾ 5 ലക്ഷം വരെയും കവറേജ് നൽകുന്നു.

നികുതി ഇളവുകൾ

സ്ഥിര നിക്ഷേപങ്ങൾ നികുതികൾക്ക് വിധേയമാണ്, എന്നാൽ പര്യവേക്ഷണം ചെയ്യാൻ സാധ്യതയുള്ള നികുതി ആനുകൂല്യങ്ങളുണ്ട്. നികുതി ലാഭിക്കുന്നതിനുള്ള ഓപ്ഷനുകളുടെ കാര്യത്തിൽ ബാങ്ക് സ്ഥിര നിക്ഷേപങ്ങൾ പൊതുവെ കോർപ്പറേറ്റ് സ്ഥിര നിക്ഷേപങ്ങളെക്കാൾ മികച്ചതാണ്. പല ബാങ്കുകളും ആദായനികുതി നിയമത്തിലെ സെക്ഷൻ 80 സി പ്രകാരം നികുതി ആനുകൂല്യങ്ങൾ വാഗ്ദാനം ചെയ്യുന്നു, അഞ്ച് മുതൽ പത്ത് വർഷം വരെ ലോക്ക്-ഇൻ കാലയളവ്. മുൻകൂർ പിൻവലിക്കൽ അല്ലെങ്കിൽ 10,000 രൂപയിൽ കൂടുതലുള്ള പലിശയ്‌ക്ക് സാധ്യതയുള്ള നികുതി കിഴിവുകൾ നിക്ഷേപകർ ശ്രദ്ധിക്കണം.