ക്രെഡിറ്റ് സ്കോർ 600ന് താഴെ പോയാലും കുഴപ്പമില്ല; സ്കോർ ഉയർത്താനുള്ള എളുപ്പവഴികൾ

ഒരാളുടെ വായ്പ യോഗ്യതയും തിരിച്ചടവ് ശേഷിയെയും കണക്കാക്കുന്ന മൂന്നക്ക സംഖ്യയാണ് ക്രെഡിറ്റ് സ്കോർ. ഇതുവരെയുള്ള വായ്പ ഇടപാടുകളെ അടിസ്ഥാനപ്പെടുത്തിയാണ് ക്രെഡിറ്റ് സ്കോർ നിർണ്ണയിക്കുന്നത്. സാധാരണ ഗതിയിൽ ക്രെഡിറ്റ് സ്കോർ കണക്കാക്കുന്നത് 300 മുതൽ 900 വരെയുള്ള റേഞ്ചിലാണ്. ഇതിൽ തന്നെ 700ൽ അധികമുള്ള സ്കോറാണ് ഭേദപ്പെട്ടതായി കണക്കാക്കുന്നത്. 800ലധികമാണെങ്കിൽ വളരെ മികച്ചതായും കണക്കാക്കുമ്പോൾ 600ൽ താഴെയുള്ള സ്കോർ പലപ്പോഴും വായ്പ അംഗീകാരത്തിന് പര്യാപ്തമല്ലാതെ വരുന്നു.

എന്നാൽ 600ന് താഴെ പോകുന്ന ക്രെഡിറ്റ് സ്കോറും ഉയർത്താൻ നിരവധി വഴികൾ ഇന്ന് നിലവിലുണ്ട്. 580 പോലുള്ള കുറഞ്ഞ ക്രെഡിറ്റ് സ്കോർ മെച്ചപ്പെടുത്തുന്നതിനുള്ള ഏറ്റവും ഫലപ്രദവും വിശ്വസനീയവുമായ മാർഗ്ഗങ്ങളിലൊന്ന് സ്വർണ്ണ വായ്പ പോലുള്ള ഒരു സുരക്ഷിത വായ്പ സൗകര്യം പ്രയോജനപ്പെടുത്തുകയെന്നതാണ്. സ്വർണ്ണ വായ്പകൾക്ക് ഈടിന്റെ പിൻബലമുള്ളതിനാൽ, കുറഞ്ഞ ക്രെഡിറ്റ് സ്കോറാണെങ്കിലും വായ്പ ലഭിക്കുന്നു. ഈ വായ്പകൾ കൃത്യസമയത്ത് തിരിച്ചടയ്ക്കുന്നതുവഴി ക്രെഡിറ്റ് സ്കോർ മെച്ചപ്പെടുത്താനാകും.

ക്രെഡിറ്റ് കാർഡ് ബില്ലുകളും വായ്പാ ഇഎംഐകളും കൃത്യസമയത്ത് അടയ്ക്കുന്നത് സാമ്പത്തിക ഉത്തരവാദിത്തം പ്രകടമാക്കുന്നു. ക്രെഡിറ്റ് സ്കോർ ഏജൻസികളെയും മാനദണ്ഡങ്ങളെയും സംബന്ധിച്ചടുത്തോളം തിരിച്ചടവ് ചരിത്രം നിർണ്ണായക ഘടകമാണ്.

കുറഞ്ഞ വായ്പ വിനിയോഗത്തിൽ ശ്രദ്ധ കേന്ദ്രീകരിക്കുന്നതു വഴിയും തകർന്ന ക്രെഡിറ്റ് സ്കോർ മെച്ചപ്പെടുത്താനും നിലവിലുള്ളത് തകരാതിരിക്കാനും സാധിക്കും. നിങ്ങളുടെ ക്രെഡിറ്റ് വിനിയോഗ അനുപാതം ഉപയോഗിക്കുന്ന ലഭ്യമായ ക്രെഡിറ്റിന്റെ ശതമാനമാണ്. ഈ കണക്ക് 30 ശതമാനത്തിൽ താഴെയായി നിലനിർത്തുന്നതാണ് ഉത്തമമെന്ന് സാമ്പത്തിക വിദഗ്ധർ നിർദ്ദേശിക്കുന്നു. അതായത്, നിങ്ങളുടെ ആകെ അനുവദനീയമായ ക്രെഡിറ്റ് പരിധി ഒരു ലക്ഷം രൂപയാണെങ്കിൽ നിങ്ങളെടുക്കുന്ന വായ്പ 30,000 രൂപയിൽ കൂടാതിരിക്കാൻ ശ്രദ്ധിക്കുക. ഉയർന്ന ക്രെഡിറ്റ് വിനിയോഗം ക്രെഡിറ്റിനെ അമിതമായി ആശ്രയിക്കുന്നതിനെ സൂചിപ്പിക്കുന്നു എന്നതാണ് ഇതിനുള്ള കാരണം. ഇത് നിങ്ങളുടെ ക്രെഡിറ്റ് സ്കോറിനെയും മൊത്തത്തിലുള്ള ക്രെഡിറ്റ് പ്രൊഫൈലിനെയും പ്രതികൂലമായി ബാധിച്ചേക്കാം.

വായ്പ അപേക്ഷകൾ പരിമിതപ്പെടുത്തുന്നതും ക്രെഡിറ്റ് സ്കോറിൽ അനുകൂലമായ പ്രതഫലനമുണ്ടാക്കും. ഓരോ പുതിയ ക്രെഡിറ്റ് കാർഡോ ലോൺ അപേക്ഷയോ 'കഠിനമായ അന്വേഷണ'ത്തിന് കാരണമാകും. അത്തരമൊരു വികസനം നിങ്ങളുടെ ക്രെഡിറ്റ് സ്കോർ താൽക്കാലികമായി കുറച്ചേക്കാം. അതുകൊണ്ടാണ് വളരെ കുറഞ്ഞ സമയത്തിനുള്ളിൽ ഒന്നിലധികം ക്രെഡിറ്റ് ലൈനുകൾക്ക് അപേക്ഷിക്കുന്നത് ഒഴിവാക്കേണ്ടത്. ഇത് സ്കോർ സ്ഥിരത നിലനിർത്താൻ നിങ്ങളെ സഹായിക്കും. ഒരേ സമയം ഒന്നിലധികം വായ്പകൾക്കായി അപേക്ഷിക്കുന്നത് പണത്തിന്റെ ആവശ്യകതയും അടിയന്തരാവസ്ഥയും വെളിവാക്കുന്നു. ഈ സാഹചര്യം ഒഴിവാക്കണം. അല്ലാത്ത പക്ഷം അത് വായ്പ നിരസിക്കലിലേക്ക് നയിക്കും.

നിങ്ങളുടെ വായ്പ ഉപകരണങ്ങൾ വൈവിധ്യവൽക്കരിക്കുന്നതും സുരക്ഷിത ക്രെഡിറ്റ് ഉൽപ്പന്നങ്ങൾ തിരഞ്ഞെടുക്കുന്നതിലും ശ്രദ്ധിക്കുക. ഉദ്ദാഹരണത്തിന് നോക്കിയും കണ്ടും ഉപയോഗിക്കുന്നില്ലെങ്കിൽ ക്രെഡിറ്റ് കാർഡുകൾ അപകട സാധ്യതകളുള്ള വായ്പ ഉപകരണമാണ്. വ്യക്തമായി നിർവചിക്കപ്പെട്ടതും സന്തുലിതവുമായ മിശ്രിതം വിവിധ ക്രെഡിറ്റ് തരങ്ങൾ കൈകാര്യം ചെയ്യാനുള്ള കഴിവ് കാണിക്കുന്നു. ഈ വൈവിധ്യം നിങ്ങളുടെ ക്രെഡിറ്റ് സ്കോറിനെ പോസിറ്റീവായി സ്വാധീനിക്കും.

നിങ്ങൾക്ക് വായ്പകളുടെ തിരിച്ചടവുകൾ കാര്യക്ഷമമായി കൈകാര്യം ചെയ്യാൻ കഴിയുമെന്ന് കാണിക്കുക. അതിന് സുരക്ഷിതമല്ലാത്തതും സുരക്ഷിതവുമായ വായ്പകൾ തിരഞ്ഞെടുക്കുന്നതുകൊണ്ട് കുഴപ്പമില്ല. ഇതിൽ വ്യത്യസ്ത വായ്പകളും ക്രെഡിറ്റ് കാർഡ് ബില്ലുകളും ഉൾപ്പെടുന്നു. ഈ രീതിയിൽ പ്രൊഫഷണലായി കൈകാര്യം ചെയ്യുന്ന വൈവിധ്യമാർന്ന ക്രെഡിറ്റ് മിക്സിന് നിങ്ങളുടെ ക്രെഡിറ്റ് സ്കോറുകൾ വർദ്ധിപ്പിക്കുന്നതിന് ഉപകാരപ്പെടും.