Click it and Unblock the Notifications
ഭൂരിഭാഗം ആളുകളും നിക്ഷേപങ്ങളെ ഒരു വരുമാന മാർഗമായി ഉപയോഗിക്കുന്നതോടൊപ്പം, നിക്ഷേപങ്ങളിലെ പലിശ കൂടിച്ചേരുന്ന പദ്ധതികളെ തിരഞ്ഞെടുക്കാനും അവർ ശ്രദ്ധിക്കുന്നു. മൂച്വൽ ഫണ്ട് സിസ്റ്റമാറ്റിക് ഇൻവെസ്റ്റ്മെന്റ് പ്ലാൻ (എസ്.ഐ. പി) അത്തരത്തിൽ വർഷങ്ങളോളം സമ്പത്ത് കെട്ടിപ്പടുക്കുന്നതിനും ഒരു വലിയ തുക സ്വന്തമാക്കാനുമുള്ള മികച്ചൊരു മാർഗമാണ്. മൂച്വൽ ഫണ്ട് എസ്.ഐ. പികൾ ലാഭകരമാണെങ്കിലും, ശരിയായ ഫണ്ട് കണ്ടെത്തുകയും ദീർഘകാലം നിക്ഷേപം നടത്തുകയും ചെയ്യേണ്ടത് പ്രധാനമാണ്. മൂച്വൽ ഫണ്ടുകളിലെ എസ്.ഐ.പികൾ മുൻകൂട്ടി നിശ്ചയിച്ച തുക പതിവായി നിക്ഷേപിക്കാൻ നിക്ഷേപകരെ പ്രാപ്തരാക്കുന്നു.
എസ്.ഐ.പിയുടെ ഏറ്റവും പ്രബലമായ രൂപമാണ് പ്രതിമാസ എസ്.ഐ.പി. അതിൽ ഓരോ മാസവും ഒരു നിശ്ചിത തീയതിക്ക്, തിരഞ്ഞെടുത്ത പദ്ധതിയിൽ ഒരു നിശ്ചിത തുക നിക്ഷേപിക്കാൻ നിങ്ങൾക്ക് സാധിക്കുന്നു. മൂച്വൽ ഫണ്ട് കോമ്പൗണ്ടിങ് നിങ്ങളുടെ നിക്ഷേപ ഫണ്ടുകളിൽ പലിശ നേടാനും അതിലെ വരുമാനം വീണ്ടും നിക്ഷേപിക്കാനും അനുവദിക്കുന്നു. അതായത് 20 വയസിൽ 1000 രൂപയും 30 വയസിൽ 3000 രൂപയും 40 വയസിൽ 4000 രൂപയും നിക്ഷേപിക്കാൻ തുടങ്ങിയാൽ, 60 വയസാകുമ്പോൾ നിങ്ങൾക്ക് കോടീശ്വരനായി വിരമിക്കാൻ സാധിക്കും. പലിശ കൂടിച്ചേരുന്നതും നിക്ഷേപ തുക ഉയരുന്നതുമാണ് അതിന് കാരണം.
അതിലെ കണക്കുകൂട്ടൽ നോക്കിയാൽ, ഒരു മൂച്വൽ ഫണ്ട് പദ്ധതിയിൽ പ്രതിമാസം 1,000 രൂപയുടെ എസ്.ഐ.പി 12 ശതമാനം വാർഷിക റിട്ടേണിൽ 40 വർഷത്തെ നിക്ഷേപത്തിലൂടെ, നിങ്ങളെ 1.19 കോടി രൂപയിലേക്ക് എത്തിക്കുന്നു. ഈ പ്രതിമാസ എസ്.ഐ.പി ഓരോ വർഷവും 10 ശതമാനം വർധിപ്പിക്കുമ്പോൾ , നിങ്ങളുടെ ആകെ തുക 3.5 കോടി രൂപയാകുന്നു. ഇനി നിങ്ങൾ എസ്.ഐ.പിയിൽ 3,000 രൂപ നിക്ഷേപിക്കുകയും 12 ശതമാനം വാർഷിക റിട്ടേണിൽ തന്നെ 30 വർഷമായി കുറയ്ക്കുകയും ചെയ്താൽ നിങ്ങളുടെ വരുമാനം 1.05 കോടി രൂപയായിരിക്കും. ഓരോ വർഷവും എസ്.ഐ.പി തുക 10 ശതമാനം വർധിപ്പിക്കുകയാണെങ്കിൽ, ആകെ തുക 2.65 രൂപയായിരിക്കും.
കോമ്പൗണ്ടിങ് എന്നത് നിങ്ങളുടെ നിക്ഷേപ തുകയിൽ മാത്രമല്ല, അതിലെ പലിശയിലും വരുമാനം നേടുന്ന പ്രക്രിയയാണ്. ചുരുക്കി പറഞ്ഞാൽ നിങ്ങളുടെ പണം, പണത്തിന്മേൽ പണമായി കൂടിച്ചേരുന്നു. ഇത് വ്യക്തമാക്കുന്നത്, നിങ്ങളുടെ നിക്ഷേപത്തെ നേരത്തെ തന്നെ ആരംഭിക്കണമെന്നാണ്. അങ്ങനെ അത്രയും വലിയ കാലയളവ് ഉണ്ടാകുമ്പോൾ, നിങ്ങളുടെ നിക്ഷേപം വർധിക്കുകയും അതുവഴി നിങ്ങളുടെ വരുമാനം ഉയരുകയും ചെയ്യുന്നു.
Sign in with Google