മുതിർന്ന പൗരന്മാരുടെ ഹെൽത്ത് ഇൻഷുറൻസ് ചെലവ് കുറയ്ക്കണോ? വഴിയുണ്ട്...

സാമ്പത്തിക ആസൂത്രണത്തിലെ ഒരു നിർണായക ഘടകമാണ് ആരോഗ്യ ഇൻഷുറൻസ്. വർധിച്ചുവരുന്ന ആശുപത്രി ചെലവുകളെ മറികടക്കാനും സാമ്പത്തിക ഭദ്രത ഉറപ്പിക്കാനും ആരോഗ്യ ഇൻഷുറൻസ് എടുക്കുന്നത് പ്രധാനമാണ്. അതേസമയം, ആരോഗ്യ ഇൻഷുറൻസ് അടവുകൾ മുതിർന്ന പൗരന്മാരെ സംബന്ധിച്ചടുത്തോളം താരതമ്യേന കൂടുതലാണ്. ആരോഗ്യ രംഗത്തെ വില വർദ്ധനവുകൾക്കൊപ്പം തന്നെ നിലവിലുള്ള രോഗാവസ്ഥകൾ, ഒപ്പം പ്രായത്തിന്റേതായ അപകടങ്ങളും ബുദ്ധിമുട്ടുകളും ഉയർന്ന പ്രീമിയത്തിന് കാരണമാകുന്നു. എന്നാൽ ശരിയായ ആസൂത്രണത്തിലൂടെ മുതിർന്ന പൗരന്മാർക്കുള്ള പ്രീമിയം പരമാവധി കുറച്ചുകൊണ്ട് തന്നെ ആരോഗ്യ പരിരക്ഷ ഉറപ്പാക്കാൻ സാധിക്കും.

സർക്കാർ പദ്ധതികൾ പ്രയോജനപ്പെടുത്തുക - ആരോഗ്യ ഇൻഷുറൻസ് അടക്കം ഇൻഷുറൻസ് രംഗത്ത് സ്വകാര്യ മേഖലയുടെ അതിപ്രസരമുണ്ടെങ്കിലും സർക്കാർ പദ്ധതികളും വിപണിയിലുണ്ടെന്ന കാര്യം മനസ്സിലാക്കുക. ഉദ്ദാഹരണത്തിന് ആയുഷ്മാൻ ഭാരത് പിഎം-ജെഎവൈ പദ്ധതി 70 വയസ്സിന് മുകളിൽ പ്രായമുള്ള മുതിർന്ന പൗരന്മാർക്ക് 5 ലക്ഷം രൂപയുടെ വരെ ആരോഗ്യ പരിരക്ഷ ഉറപ്പാക്കുന്നു. 60നും 80നും ഇടയിൽ പ്രായമുള്ള മുതിർന്ന പൗരന്മാർക്കുവേണ്ടി പ്രത്യേകം രൂപകൽപ്പന ചെയ്തിരിക്കുന്ന പദ്ധതിയാണ് വരിഷ്ത മെഡിക്ലെയിം പോളിസി.

താരതമ്യം ചെയ്യുക - വിപണിയിൽ ലഭ്യമായിട്ടുള്ള ഇൻഷുറൻസ് പ്ലാനുകളിൽ മുതിർന്ന പൗരന്മാർക്കായി പ്രത്യേകം രൂപകൽപ്പന ചെയ്തിരിക്കുന്ന പ്രത്യേക പ്ലാനുകൾക്കായി തിരയുക. നിലവിലുള്ള രോഗാവസ്ഥകൾകൂടി കവർ ചെയ്യുന്ന നിരവധി പ്ലാനുകളിൽ നിലവിലുണ്ട്.

ഉയർന്ന കിഴിവുകൾ തിരഞ്ഞെടുക്കുക - നല്ല ആരോഗ്യമുള്ള മുതിർന്ന പൗരന്മാർക്ക് ഉയർന്ന കിഴിവുകളുള്ള പോളിസികൾ പരിഗണിക്കാം. ഇളവുകൾ പ്രതിമാസ പ്രീമിയം അടവുകൾ കുറയ്ക്കുകയും പ്രധാന മെഡിക്കൽ ചെലവുകൾക്കുള്ള കവറേജ് ഉറപ്പാക്കുകയും ചെയ്യുന്നു.

നികുതി ആനുകൂല്യങ്ങൾ പ്രയോജനപ്പെടുത്തുക - ആരോഗ്യ ഇൻഷുറൻസ് പ്രീമിയം അടയ്ക്കുന്നു മുതിർന്ന പൗരന്മാർക്ക് ആദായ നികുതി നിയമത്തിന്റെ സെക്ഷൻ 80 ഡി അനുസരിച്ച് 50000 രൂപ വരെ ഇളവ് ലഭിക്കുന്നു. ഇത് മനസ്സിലാക്കി വേണ്ട നടപടികൾ സ്വീകരിക്കുന്നതു വഴിയും പണം ലാഭിക്കാം.

പ്രതിരോധ ആരോഗ്യ പരിശോധനകൾ ഉപയോഗിക്കുക - പല ഇൻഷുറൻസ് കമ്പനികളും സൗജന്യമായോ കിഴിവോടുകൂടിയോ പ്രതിരോധ ആരോഗ്യ പരിശോധനകൾ വാഗ്ദാനം ചെയ്യുന്നു. പതിവ് സ്ക്രീനിംഗുകൾ രോഗം നേരത്തേ കണ്ടെത്തുന്നതിനും ദീർഘകാല ആരോഗ്യ സംരക്ഷണ ചെലവുകൾ കുറയ്ക്കുന്നതിനും സഹായിക്കുന്നു.