പണം ഇരട്ടിയാക്കാനൊരു പോസ്റ്റ് ഓഫീസ് നിക്ഷേപം, വിശദമായി അറിയാം

നിക്ഷേപത്തിലൂടെ പരമാവധി വരുമാനം ലഭിക്കാനാണ് എല്ലാവരും ആഗ്രഹിക്കുന്നത്. അതിനൊപ്പം പണവും സുരക്ഷിതമായിരിക്കണം എന്ന നിർബന്ധവുമുണ്ട്. ഇത്തരക്കാർക്ക് പോസ്റ്റ് ഓഫീസ് പദ്ധതികൾ ഗുണം ചെയ്യും. പോസ്റ്റ് ഓഫീസിന്റെ പല സ്കീമുകളും മികച്ച വരുമാനം നൽകുന്നു. അത്തരം ഒരു സ്കീമാണ് സീനിയർ സിറ്റിസൺ സേവിംഗ്സ് സ്കീം (SCSS). പ്രായമായവർക്ക് സാമൂഹിക സുരക്ഷ നൽകുകയെന്ന ലക്ഷ്യത്തോടെ തുടങ്ങിയ പദ്ധതിയാണിത്.

പ്രായമായവരുടെ ആവശ്യങ്ങൾ നിറവേറ്റുക എന്ന ഉദ്ദേശത്തോടെയാണ് ഈ സ്കീം രൂപകൽപ്പന ചെയ്തിരിക്കുന്നത്. പണം സുരക്ഷിതമായിരിക്കുന്നതിനൊപ്പം ചുരുങ്ങിയ സമയത്തിനുള്ളിൽ നിക്ഷേപം ഇരട്ടിയാക്കാൻ ആഗ്രഹിക്കുന്ന ആളുകൾക്ക് ഇതൊരു ശരിയായ ഓപ്ഷനാണ്. ഈ സ്കീം എങ്ങനെ പ്രവർത്തിക്കുന്നുവെന്നും അതിന്റെ പ്രയോജനങ്ങൾ എന്താണെന്നും നോക്കാം.

എന്താണ് സീനിയർ സിറ്റിസൺ സേവിംഗ്സ് സ്കീം?

2004-ലാണ് ഈ സ്കീം ആരംഭിച്ചത്. 60 വയസും അതിൽ കൂടുതലുമുള്ള ഇന്ത്യൻ പൗരന്മാർക്കുള്ളതാണ് സീനിയർ സിറ്റിസൺ സേവിംഗ്സ് സ്കീം. 60 വയസ്സിന് താഴെയുള്ളവർക്കും ഈ പദ്ധതിയിൽ ചേരാം. അവർ നിശ്ചിത പ്രായത്തിന് മുമ്പ് സർക്കാർ ജോലിയിൽ നിന്ന് വിരമിച്ചു എന്നതാണ് ചേരുന്നതിനുള്ള വ്യവസ്ഥ. ഈ സ്കീം ഉയർന്ന പലിശ നിരക്ക് നൽകുന്നുണ്ട്. നിലവിലെ പലിശ നിരക്ക് 8.2% ആണ്. സമീപകാലത്ത് ചെറുകിട സമ്പാദ്യ പദ്ധതിയിൽ ഉയർന്ന് റിട്ടേൺ വാഗ്‌ദാനം ചെയ്യുന്ന സ്കീമുകളിൽ ഒന്നാക്കി ഈ സ്കീമിനെ ഈ പലിശ നിരക്ക് മാറ്റിയിട്ടുണ്ട്.

സ്കീമിന്റെ പ്രത്യേകത എന്താണ്?

ഏതൊരു വ്യക്തിക്കും ഈ സ്കീമിൽ ഇഷ്ടമുള്ള ഏത് കാലയളവിലും നിക്ഷേപിക്കാം. 8.2% പലിശയ്‌ക്കൊപ്പം, സെക്ഷൻ 80C പ്രകാരം നികുതി ആനുകൂല്യവും ലഭ്യമാണ്. പലിശ ത്രൈമാസ അടിസ്ഥാനത്തിൽ കണക്കാക്കുന്നു.

നിക്ഷേപ പരിധി എത്രയാണ്?

60 വയസ്സിന് മുകളിലുള്ള ഏതൊരു വ്യക്തിക്കും ഈ സ്കീമിൽ നിക്ഷേപിക്കാൻ അർഹതയുണ്ട്. 50-55 വയസ്സ് പ്രായമുള്ള വിരമിച്ച വ്യക്തികൾക്ക് അവരുടെ റിട്ടയർമെന്റ് ഫണ്ട് ഈ അക്കൗണ്ടിൽ നിക്ഷേപിക്കാം. അവർ വിരമിച്ച അതേ മാസം തന്നെ നിക്ഷേപിക്കണം. ഈ സ്കീമിൽ കുറഞ്ഞത് 1,000 രൂപ മുതൽ 30 ലക്ഷം രൂപ വരെ നിക്ഷേപിക്കാം.

കാലാവധി

ഈ സ്കീമിൽ അഞ്ച് വർഷത്തേക്ക് നിക്ഷേപിക്കാം. നിക്ഷേപ കാലാവധി കഴിഞ്ഞാലും മൂന്ന് വർഷം വരെ നീട്ടാവുന്നതാണ്. ഇതിലൂടെ നിക്ഷേപകർക്ക് ഇരട്ടി വരുമാനം നേടാനാകും. 1961 ലെ ആദായനികുതി നിയമത്തിലെ സെക്ഷൻ 80C പ്രകാരം, 1.5 ലക്ഷം രൂപ വരെയുള്ള നിക്ഷേപത്തിന്നികുതിയിളവ് ലഭിക്കും. എന്നിരുന്നാലും, അതിൽ ലഭിക്കുന്ന പലിശ പൂർണമായും നികുതി വിധേയമാണ്. ഒരു സാമ്പത്തിക വർഷത്തിൽ ഈ പലിശ 50,000 രൂപയിൽ കൂടുതലാണെങ്കിൽ, നിങ്ങളുടെ ടിഡിഎസ് കുറയ്ക്കും.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. സ്വന്തം റിസ്‌കില്‍ മാത്രം തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.