ഏറ്റവും സാധാരണമായ ഒരു നിക്ഷേപ ഓപ്ഷനാണ് സ്ഥിര നിക്ഷേപം (എഫ്ഡി). അപകടസാധ്യതകൾ ഇല്ലാത്തതിനാൽ തന്നെ എല്ലാവരും തിരഞ്ഞെടുക്കുന്ന നിക്ഷേപ മാർഗം കൂടിയാണ് ഇത്. നിക്ഷേപത്തിന്റെ കാലാവധി അനുസരിച്ചാണ് ബാങ്കുകൾ എഫ്ഡിക്ക് പലിശ നിരക്ക് തീരുമാനിക്കുന്നത്. കാലാവധി പ്രായം (മുതിർന്ന പൗരനാണെങ്കിൽ) എന്നിവ കണക്കാക്കി ഓരോ ബാങ്കും സ്ഥിര നിക്ഷേപത്തിന് നൽകുന്ന പലിശ നിരക്കിൽ വ്യത്യാസമുണ്ട്. നിങ്ങളുടെ എഫ്ഡിക്ക് ലഭിക്കുന്ന പലിശ നിരക്ക് മറ്റ് ബാങ്കുകൾ നൽകുന്ന പലിശയുമായി താരതമ്യം ചെയ്ത് നോക്കിയിട്ടുണ്ടോ?
സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) ദീർഘകാല സ്ഥിര നിക്ഷേപത്തിന്റെ പലിശ നിരക്ക് 15 ബേസിസ് പോയിൻറ് കുറച്ചു. രണ്ട് കോടി രൂപയിൽ താഴെയുള്ള ദീർഘകാല സ്ഥിര നിക്ഷേപങ്ങൾക്കാണ് പലിശ നിരക്ക് കുറയ്ക്കുന്നത്. പുതിയ കണക്ക് പ്രകാരം എസ്ബിഐ സാധാരണ ഉപഭോക്താക്കൾക്ക് 4.5% മുതൽ 6.10% വരെയും മുതിർന്ന പൗരന്മാർക്ക് 5% മുതൽ 6.60% വരെയും പലിശ വാഗ്ദാനം ചെയ്യുന്നുണ്ട്. 7 ദിവസം മുതൽ 45 ദിവസം വരെയും 46 ദിവസം മുതൽ 179 ദിവസം വരെയുമുള്ള സ്ഥിര നിക്ഷേപങ്ങളുടെ പലിശ നിരക്ക് യഥാക്രമം 4.50 ശതമാനവും 5.50 ശതമാനവുമാണ്. 180 ദിവസം മുതൽ ഒരു വർഷത്തിൽ താഴെ വരെ കാലാവധി പൂർത്തിയാകുന്ന എഫ്ഡിക്ക് 5.80% പലിശനിരക്ക് ലഭിക്കും. ഒരു വർഷം മുതൽ 10 വർഷം വരെയുള്ള സ്ഥിര നിക്ഷേപങ്ങളുടെ പലിശ നിരക്ക്, എസ്ബിഐ 6.25 ശതമാനത്തിൽ നിന്ന് 6.10 ശതമാനമായി പരിഷ്കരിച്ചിട്ടുണ്ട്.
സ്ഥിര നിക്ഷേപത്തിന് മറ്റ് ബാങ്കുകൾ നൽകുന്ന പലിശ നിരക്കുകൾ ഇങ്ങനെയാണ്;
എച്ച്ഡിഎഫ്സി
എച്ച്ഡിഎഫ്സി ബാങ്കിൽ സ്ഥിര നിക്ഷേപം (എഫ്ഡി) നടത്തുന്നവർക്ക് 3.5% മുതൽ 6.3% വരെ പലിശ നിരക്ക് ലഭിക്കും. നിക്ഷേപകർ മുതിർന്ന പൗരന്മാരാണെങ്കിൽ 4% മുതൽ 6.8% വരെയാണ് പലിശ നിരക്ക് വാഗ്ദാനം ചെയ്യുന്നത്. 1 വർഷം മുതൽ 2 വർഷം വരെ കാലാവധി പൂർത്തിയാകുന്ന ടേം നിക്ഷേപങ്ങൾക്ക് 6.3%, 2 മുതൽ 3 വർഷം വരെയുള്ളതിന് 6.40%, 3 വർഷം മുതൽ 10 വർഷം വരെയുള്ള നിക്ഷേപങ്ങൾ 6.3% എന്നിങ്ങനെയാണ് പലിശ നിരക്ക്.
ക്രെഡിറ്റ് കാർഡിനും ബാങ്ക് അക്കൗണ്ടിനും ആവശ്യമായ കെവൈസി രേഖകൾ എന്തൊക്കെയാണ്?
ഐസിഐസിഐ ബാങ്ക്
ഐസിഐസിഐ ബാങ്കിൽ സ്ഥിര നിക്ഷേപം നടത്തുന്ന സാധാരണ ഉപഭോക്താക്കൾക്കും മുതിർന്ന പൗരന്മാർക്കും ലഭിക്കുന്ന പലിശ നിരക്കിൽ വ്യത്യാസമുണ്ട്. 7 മുതൽ 14 ദിവസം വരെ കാലാവധിയുള്ള എഫ്ഡിക്ക് 4 ശതമാനം, 15 മുതൽ 29 ദിവസത്തെ കാലാവധി പൂർത്തിയാകുന്നതിന് 4.25 ശതമാനം, 30 മുതൽ 45 ദിവസത്തേക്ക് 4.75 ശതമാനം, 290 ദിവസം മുതൽ 1 വർഷത്തിൽ താഴെയുള്ള എഫ്ഡിക്ക് 6 ശതമാനം എന്നിങ്ങനെയാണ് ഐസിഐസിഐ ബാങ്ക് വാഗ്ദാനം ചെയ്യുന്ന പലിശ നിരക്ക്.
ക്രെഡിറ്റ് കാര്ഡ് പലിശ - അറിയണം ഇക്കാര്യങ്ങള്
യെസ് ബാങ്ക്
യെസ് ബാങ്കിൽ രണ്ട് കോടി രൂപ വരെ സ്ഥിര നിക്ഷേപം നടത്തുന്നവർക്ക് ബാങ്ക് വാഗ്ദാനം ചെയ്യുന്ന പലിശനിരക്ക് 5% മുതൽ 7.25% വരെയാണ്. ഒന്ന് മുതൽ പത്ത് വർഷം വരെ കാലാവധിയുള്ള സ്ഥിര നിക്ഷേപങ്ങൾക്ക് 7.25% പലിശ നിരക്ക് ലഭിക്കും. 7 ദിവസം മുതൽ 10 വർഷം വരെ കാലാവധിയുള്ള സ്കീമിൽ നിക്ഷേപിക്കുന്ന മുതിർന്ന പൗരന്മാർക്ക് 5.50% മുതൽ 7.75% വരെ പലിശനിരക്ക് ലഭിക്കും.