Click it and Unblock the Notifications
കോവിഡ് കാലഘട്ടത്തില് തിരിച്ചടിയേറ്റെങ്കിലും സാമ്പത്തികരംഗം സാധാരണ നിലയിലേക്ക് വന്നതോടെ ഊര്ജ മേഖലയിലെ ആവശ്യകതയിലും വന് വര്ധനയാണ് കാണിക്കുന്നത്. അതിനാല് തന്നെ നടപ്പ് സാമ്പത്തിക വര്ഷത്തിന്റെ സെപ്റ്റംബര് പാദത്തില് പവര് സെക്ടറിലെ കമ്പനികളില് നിന്നും മികച്ച പ്രവര്ത്തന ഫലമാണ് പ്രതീക്ഷിക്കുന്നത് എന്ന് ബ്രോക്കറേജ് സ്ഥാപനമായ എച്ച്ഡിഎഫ്സി സെക്യൂരിറ്റീസ് ചൂണ്ടിക്കാട്ടുന്നു.
ഊര്ജ മേഖലയിലെ വരുമാനത്തില് 19.4 ശതമാനം വാര്ഷിക വളര്ച്ച രണ്ടാം പാദത്തില് കൈവരിക്കുമെന്നാണ് അനുമാനം. ഈയൊരു പശ്ചാത്തലത്തില് ബൈ റേറ്റിങ് നല്കിയ 3 ഊര്ജ മേഖലയിലെ ഓഹരികളുടെ വിശദാംശമാണ് ചുവടെ ചേര്ക്കുന്നത്.
സിഇഎസ്സി
ബംഗാള് കേന്ദ്രീകരിച്ച് പ്രവര്ത്തിക്കുന്ന പ്രമുഖ ഊര്ജോത്പാദന കമ്പനിയാണ് സിഇഎസ്സി ലിമിറ്റഡ്. പ്രമുഖ സംരംഭകരായ ആര്പി സഞ്ജീവ് ഗോയങ്ക ഗ്രൂപ്പിന്റെ ഭാഗമാണ്. കൊല്ക്കത്ത നഗത്തിലേയും പരിസര പ്രദേശങ്ങളിലേയും വൈദ്യുതി വിതരണമാണ് മുഖ്യ പ്രവര്ത്തനം. കൊല്ക്കത്ത, ഹൗറ നഗര പ്രദേശത്തെ വൈദ്യുതി വിതരണത്തിന് 2038 വരെ ലൈസന്സ് നേടിയിട്ടുള്ള ഏക കമ്പനിയാണിത്. അടുത്തിടെ പുനരുപയോഗ ഊര്ജ്ജ മേഖലയിലേക്കും സിഇഎസ്സി കടന്നു.
സെപ്റ്റംബര് പാദത്തില് ഊര്ജോത്പാദന/ വിതരണത്തില് നിന്നുള്ള സിഇഎസ്സിയുടെ (BSE: 500084, NSE : CESC) വരുമാനം വാര്ഷികാടിസ്ഥാനത്തില് 11 ശതമാനം വര്ധനയോടെ 2,300 കോടിയാകുമെന്നാണ് എച്ച്ഡിഎഫ്സി സെക്യൂരിറ്റീസിന്റെ വരുമാനം. കൊല്ക്കത്തയിലെ ഉപഭോക്താക്കളുടെ ആവശ്യകതയില് 7-8 ശതമാനം വര്ധന ഉണ്ടായിട്ടുണ്ടെന്നാണ് വിലയിരുത്തല്.
രണ്ടാം പാദത്തില് 220 കോടിയുടെ അറ്റാദായമാണ് പ്രതീക്ഷിക്കുന്നു. അതേസമയം ബൈ റേറ്റിങ് നല്കിയിട്ടുള്ള സിഇഎസ്സി ഓഹരിക്ക് 113 രൂപയാണ് ബ്രോക്കറേജ് സ്ഥാപനം ലക്ഷ്യവിലയായി നിര്ദേശിച്ചിരിക്കുന്നത്.
എന്എച്ച്പിസി
രാജ്യത്തെ ഏറ്റവും വലിയ ജലവൈദ്യുതോര്ജ ഉത്പദാകരാണ് എന്എച്ച്പിസി (BSE : 533098, NSE : NHPC). 200 കോടി യൂണിറ്റ് വൈദ്യുതി ഉത്പാദനം നടത്താനുള്ള ശേഷിയുള്ള കമ്പനിക്ക്, വരുമാനം സ്ഥിരതയോടെ നിലനിര്ത്താനാകും എന്നാണ് എച്ച്ഡിഎഫ്സി സെക്യൂരിറ്റീസിന്റെ നിഗമനം. സെപ്റ്റംബര് പാദത്തിലെ വരുമാനത്തില് 3.5 ശതമാനം വര്ധനയാണ് പ്രതീക്ഷിക്കുന്നത്. സമീപ ഭാവിയിലേക്ക് ബൈ റേറ്റിങ് നല്കിയിട്ടുള്ള ഈ മിഡ് കാപ് ഓഹരിക്ക് 41 രൂപയാണ് ലക്ഷ്യവിലയായി നല്കിയിരിക്കുന്നത്.
എന്ടിപിസി
രാജ്യത്തിന്റെ ഊര്ജോത്പാദനത്തില് 25 ശതമാനത്തിലേറെ സംഭാവന ചെയ്യുന്ന കമ്പനിയാണ് എന്ടിപിസി (BSE: 532555, NSE : NTPC). 68,962 മെഗാവാട്ട് ഉല്പാദന ശേഷിയുള്ള 55 പവര് സ്റ്റേഷനുകള് കമ്പനിക്ക് കീഴില് പ്രവര്ത്തിക്കുന്നു. അതേസമയം സെപ്റ്റംബര് പാദത്തില് കമ്പനിയുടെ വരുമാനത്തില് 23.6 ശതമാനവും അറ്റാദായത്തില് 5.4 ശതമാനവും വാര്ഷിക വളര്ച്ച രേഖപ്പെടുത്തുമെന്നാണ് വിലയിരുത്തല്. സമീപ ഭാവിയിലേക്ക് ബൈ റേറ്റിങ് നല്കിയിട്ടുള്ള ഈ ലാര്ജ് കാപ് ഓഹരിക്ക് 185 രൂപയാണ് ലക്ഷ്യവിലയായി നിര്ദേശിച്ചിരിക്കുന്നത്.
അറിയിപ്പ്
മുകളില് കൊടുത്തിരിക്കുന്ന ലേഖനം പഠനാവശ്യത്തിന് നല്കുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള് സ്വീകരിക്കും മുന്പ് സാമ്പത്തിക വിദഗ്ധന്റെ നിര്ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്ക്ക് വിധേയമാണ്. സ്വന്തം റിസ്കില് മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില് സംഭവിക്കുന്ന ലാഭനഷ്ടങ്ങള്ക്ക് ഗ്രേനിയം ഇന്ഫര്മേഷന് ടെക്നോളജീസും ലേഖകനും ഉത്തരവാദികളല്ല.
More From GoodReturns
ബെംഗളൂരുവിലും മുംബൈയിലും ഹോട്ടലുകൾ താൽക്കാലിക അടച്ചുപൂട്ടലിലേക്ക്; മലയാളികളടക്കം ആശങ്കയിൽ
എൽപിജി സിലിണ്ടർ വാട്ട്സ്ആപ്പ് വഴി ബുക്ക് ചെയ്യാം, വളരെ എളുപ്പത്തിൽ കാര്യം കഴിയും, എങ്ങനെ എന്ന് നോക്കാം
ബെംഗളൂരു മലയാളികളുടെ ശ്രദ്ധയ്ക്ക്: പാചക വാതക ബുക്കിംഗില് കുതിച്ചുചാട്ടം, ഇക്കാര്യങ്ങള് അറിയണം
സ്വർണവില കുതിക്കുന്നു, 2 ദിവസം കൊണ്ട് കൂടിയത് 1200 രൂപ, ഇന്നത്തെ നിരക്കുകൾ അറിയാം
കേന്ദ്രസര്ക്കാര് ഗ്യാരണ്ടിയുള്ള ചെറു സമ്പാദ്യ പദ്ധതികള്: ആകര്ഷകമായ പലിശ; നിക്ഷേപം പോസ്റ്റ് ഓഫീസ് വഴിയും
ഐടി ജോലി വീട്ടിലിരുന്ന് ചെയ്യാം, വർക്ക് ഫ്രം ഹോം തിരികെ കൊണ്ടുവരാൻ ആലോചിച്ച് കമ്പനികൾ, കാരണം ഇതാണ്
ബെംഗളൂരു മലയാളികളുടെ ശ്രദ്ധയ്ക്ക്, പെരിന്തല്മണ്ണ-ബെംഗളൂരു കെഎസ്ആര്ടിസി സര്വീസ്, സമയവും റൂട്ടും ഇതാ
ബെംഗളൂരു-കണ്ണൂര് എക്സ്പ്രസ് കോഴിക്കോട് വരെ നീട്ടി; മാര്ച്ച് 15 മുതല് സര്വീസ്, സമയക്രമം ഇതാ
എണ്ണ വിതരണത്തിൽ തലപുകച്ച് ഏഷ്യൻ രാജ്യങ്ങൾ, കടുത്ത നിയന്ത്രണവുമായി പാകിസ്ഥാൻ, സ്കൂളുകൾ അടച്ചു
ദുബായിൽ സ്വർണ വില ഇടിഞ്ഞു, അധികം വാങ്ങിയാൽ മികച്ച ലാഭം, പവന്റെ വിലയിലെ മാറ്റം അറിയാം
ഈദ്-ഉല്-ഫിതര് 2026: ഈദ് ഇന്ത്യയില് എപ്പോള്? ഈ ദിനത്തില് മാസപ്പിറവിയ്ക്ക് സാധ്യത
Sign in with Google