Click it and Unblock the Notifications
ആരോഗ്യ ഇൻഷുറൻസ്: ഇക്കാര്യങ്ങൾ നിങ്ങൾ അറിഞ്ഞിരുന്നാൽ കമ്പനികൾക്ക് ക്ലെയിം നിരസിക്കാൻ പറ്റില്ല
താങ്ങാനാവാത്ത വിധം ഉയരുന്ന ചികില്സാ ചിലവ് മറികടക്കാന് ആരോഗ്യ ഇന്ഷുറന്സിനെ ആശ്രയിക്കുന്നവരാണ് ഇപ്പോള് അധികവും. എന്നാല് പെട്ടെന്ന് എന്തെങ്കിലും അസുഖമോ അപകടമോ വന്നാല് കൃത്യസമത്ത് ക്ലെയിമുകള് കിട്ടാതെ വരുന്ന പ്രശ്നവും നിലനില്ക്കുന്നുണ്ട്. ആരോഗ്യ ഇന്ഷുറന്സ് ക്ലെയിമുകള് നിരസിക്കപ്പെടുന്നത് ഒരു അസാധാരണ കാര്യമല്ല. പലരും ഇന്ഷുറന്സ് കമ്പനിയെ ഇക്കാര്യത്തില് കുറ്റപ്പെടുത്തുന്നുണ്ടെങ്കിലും പലപ്പോഴും പോളിസി ഉടമയുടെ തെറ്റുകളില് നിന്നാണ് പ്രശ്നങ്ങള് ഉണ്ടാവുന്നത്. നിങ്ങളുടെ ആരോഗ്യ ഇന്ഷുറന്സ് ക്ലെയിം നിരസിക്കപ്പെട്ടിട്ടില്ലെന്ന് ഉറപ്പാക്കാന് ഈ 5 സുപ്രധാന തെറ്റുകള് ഒഴിവാക്കാം.
തെറ്റായ വിവരങ്ങള് നല്കുന്നത്
ഫോമുകള് പൂരിപ്പിക്കുന്നതിനിടയില് പ്രായം, വരുമാനം, നിലവിലുള്ള മെഡിക്കല് ഇന്ഷുറന്സ് പോളിസികള്, തൊഴില് എന്നിവയെക്കുറിച്ച് കൃത്യമല്ലാത്ത വിശദാംശങ്ങള് നല്കാതെയിരിക്കുക. വിവരങ്ങള് നല്കുമ്പോള് അറിഞ്ഞോ അറിയാതെയോ തെറ്റുകള് വരുത്തരുത്. സങ്കീര്ണ്ണതകള് ഒഴിവാക്കാന് വിവരങ്ങള് രണ്ടുതവണ പരിശോധിക്കുക. ഇത്തരം പിശകുകള് ക്ലെയിം നിരസിക്കലിലേക്ക് നയിച്ചേക്കാം.
തിരക്കിട്ട് ഫോം പൂരിപ്പിക്കാതെ ശ്രദ്ധിച്ച് സമയമെടുത്ത് കൃത്യമായ വിവരങ്ങള് നല്കുന്നതാണ് ഉചിതം.
നിലവിലുള്ള വ്യവസ്ഥകള് മറച്ചു വയ്ക്കുന്നത്
നിലവിലുള്ള അവസ്ഥകള്, കുടുംബ മെഡിക്കല് ചരിത്രം, അല്ലെങ്കില് പുകവലി, മദ്യപാനം പോലുള്ള ശീലങ്ങള് വെളിപ്പെടുത്താതിരിക്കുന്നത്. ഈ ഘടകങ്ങളെക്കുറിച്ചുള്ള കൃത്യമായ വിവരങ്ങള് നല്കുന്നതില് പരാജയപ്പെടുന്നത് ക്ലെയിം നിരസിക്കലിന് കാരണമാകും. ഉയര്ന്ന പ്രീമിയം അടയ്ക്കുന്നതിനായും പോളിസി നിരസിക്കുന്നത് ഒഴിവാക്കാനായും ചിലര് ഇത്തരം വിവരങ്ങള് മറച്ചുവെക്കാറുണ്ട്. ഇത്തരം പ്രവണതകള് ഒഴിവാക്കുക.
നിങ്ങള് പുകവലിക്കുന്നയാളാണെങ്കില് ഒരു ദിവസം എത്ര സിഗരറ്റ് വലിക്കും മദ്യപിക്കുന്നുണ്ടെങ്കില് മദ്യപാനത്തിന്റെ അളവ് എത്രമാത്രം എന്നും വെളിപ്പെടുത്തേണ്ടി വന്നേക്കാം. അപകട സാധ്യത ഉചിതമായി കണക്കാക്കാന് കമ്പനിയെ സഹായിക്കുന്നതിനായാണ് മേല്പ്പറഞ്ഞ വിവരങ്ങള് നല്കേണ്ടത്.
കാത്തിരിപ്പ് കാലഘട്ടം അവഗണിക്കുന്നത്
ആരോഗ്യ ഇന്ഷുറന്സ് പോളിസികള്ക്ക് നിര്ദ്ദിഷ്ട രോഗങ്ങള്ക്ക് കാത്തിരിപ്പ് കാലാവധിയുണ്ട്. ഇതിന് കീഴിലുള്ള ഒരു വ്യവസ്ഥക്കായി ക്ലെയിം ഫയല് ചെയ്താല് അത് നിരസിക്കപ്പെടാനുള്ള സാധ്യതയുണ്ട്. അതിനാല് ഈ കാത്തിരിപ്പ് കാലയളവുകളെ കുറിച്ച് നിങ്ങള് ബോധവന്മാരാണെന്നും അവ പാലിക്കുന്നുണ്ടെന്നും ഉറപ്പാക്കുക.
പോളിസി കാലഹരണപ്പെടാന് അനുവദിക്കുന്നത്
കൃത്യസമയത്ത് പ്രീമിയം അടയ്ക്കാതിരിക്കുന്നത് പോളിസി കാലഹരണപ്പെടാന് സാധ്യതയുണ്ട്. ഇത് ഒഴിവാക്കാന് പെയ്മെന്റ് ഷെഡ്യൂള് ട്രാക്ക് ചെയ്യുക.
ആശുപത്രിയില് പ്രവേശിപ്പിച്ചതിന്റെ അറിയിപ്പ് വൈകിപ്പിക്കുന്നത്
ആശുപത്രിയില് പ്രവേശിപ്പിച്ച വിവരം നിശ്ചിത സമയപരിധിക്ക് ശേഷം അറിയിക്കുന്നത് ക്ലെയിം നിരസിക്കലിന് ഇടയാകും. ഓരോ ഇന്ഷുറര്ക്കും വ്യത്യസ്ത അറിയിപ്പ് ടൈലൈനുകള് ഉണ്ട്. അതിനാല് പ്രശ്നങ്ങള് ഒഴിവാക്കാന് കൃത്യസമയത്ത് അവരെ അറിയിക്കുന്നത് ഉറപ്പാക്കുക.
Sign in with Google