ഒരു ലിറ്റർ പെട്രോളിനും ഡീസലിനും നിങ്ങളുടെ പോക്കറ്റിൽ നിന്ന് നികുതിയായി പോകുന്നത് എത്ര?

ലോക്ക്ഡൌൺ കാലയളവിലെ സർക്കാരിന്റെ സാമ്പത്തിക പ്രതിസന്ധി പരിഹരിക്കുന്നതിനായി പെട്രോൾ, ഡീസൽ എന്നിവയുടെ എക്സൈസ് തീരുവ ഇന്ന് മുതൽ കേന്ദ്ര സർക്കാർ ഉയർത്തി. ക്രൂഡ് ഓയിൽ നിരക്കുകൾ ഈ വർഷത്തെ ഏറ്റവും താഴ്ന്ന നിലയായ 60 ശതമാനത്തിലധികം ഇടിവ് രേഖപ്പെടുത്തിയ സാഹചര്യത്തിലാണ് സർക്കാർ നികുതി വർദ്ധനവ് നടപ്പാക്കിയിരിക്കുന്നത്. എന്നാൽ ക്സൈസ് തീരുവ വർദ്ധനവ് ഇന്ധനങ്ങളുടെ ചില്ലറ വിൽപ്പന വിലയിൽ വർദ്ധനവ് ഉണ്ടാക്കില്ല.

എക്സൈസ് തീരുവ

എക്സൈസ് തീരുവ പെട്രോളിന് 10 രൂപയും ഡീസലിന് 13 രൂപയുമാണ് വർദ്ധിപ്പിച്ചിരിക്കുന്നത്. ഈ വർധനയോടെ 1.6 ലക്ഷം കോടി രൂപ സർക്കാരിന് അധിക വരുമാനം ലഭിക്കുമെന്നാണ് പ്രതീക്ഷിക്കുന്നത്. ഇതോടെ പെട്രോളിന്റെ എക്സൈസ് തീരുവ ഒരു ലിറ്ററിന് 32.98 രൂപയായും ഡീസലിന് 31.83 രൂപയായും ഉയർന്നു. ഡൽഹിയിൽ ഇന്ന് ഒരു ലിറ്റർ പെട്രോളിന് 71.26 രൂപയും ഒരു ലിറ്റർ ഡീസലിന് 69.39 രൂപയുമാണ് വില.

പെട്രോൾ വില ഘടകങ്ങൾ

• അടിസ്ഥാന വില: ലിറ്ററിന് 17.96 രൂപ
• ചരക്ക് വില: ലിറ്ററിന് 0.32 രൂപ
• ഡീലർമാർ ഈടാക്കുന്ന നിരക്ക് (എക്സൈസ് തീരുവയും വാറ്റും ഒഴികെ): ലിറ്ററിന് 18.28
• എക്സൈസ് തീരുവ: 32.98 (അടിസ്ഥാന എക്സൈസ് തീരുവ 2.98 രൂപ + അധിക എക്സൈസ് തീരുവ 12 രൂപ + റോഡ്, ഇൻഫ്രാസ്ട്രക്ചർ സെസിനുള്ള അധിക എക്സൈസ് തീരുവ 18 രൂപ)
• ശരാശരി ഡീലർ കമ്മീഷൻ: ലിറ്ററിന് 3.56 രൂപ
• വാറ്റ് (ഡീലർ കമ്മീഷനിൽ വാറ്റ് ഉൾപ്പെടെ): 16.44 രൂപ
• ഡൽഹിയില റീട്ടെയിൽ വിൽപ്പന വില: 71.26 രൂപ

ഡീസൽ വില ഘടകങ്ങൾ

• അടിസ്ഥാന വില: ലിറ്ററിന് 18.49 രൂപ
• ചരക്ക് വില: ലിറ്ററിന് 0.29 രൂപ
• ഡീലർമാർ ഈടാക്കുന്ന വില (എക്സൈസ് തീരുവയും വാറ്റും ഒഴികെ): ലിറ്ററിന് 18.78 രൂപ
• എക്സൈസ് തീരുവ: ലിറ്ററിന് 31.83 രൂപ (അടിസ്ഥാന എക്സൈസ് തീരുവ 4.83 + പ്രത്യേക അധിക എക്സൈസ് തീരുവ 9 രൂപ + റോഡ്, ഇൻഫ്രാസ്ട്രക്ചർ സെസിന് ഈടാക്കുന്ന അധിക എക്സൈസ് തീരുവ 18 രൂപ)
• ശരാശരി ഡീലർ കമ്മീഷൻ: ലിറ്ററിന് 2.52 രൂപ
• വാറ്റ് (ഡീലർ കമ്മീഷനിൽ വാറ്റ് ഉൾപ്പെടെ): ലിറ്ററിന് 16.26 രൂപ
• ഡൽഹിയിലെ റീട്ടെയിൽ വിൽപ്പന വില: ലിറ്ററിന്. 69.39 രൂപ