പെൻഷൻവരിക്കാർക്കുള്ള ലൈഫ് സർട്ടിഫിക്കറ്റ് ഓൺലൈനിൽ അപേക്ഷിക്കുന്നതെങ്ങനെ?

പെൻഷൻ വാങ്ങുന്നവരാണോ നിങ്ങൾ? ഇനി മുതൽ റിട്ടയർമെന്റ് പെൻഷൻ ലഭിക്കുന്നത് തുടരാൻ, സർക്കാർ പെൻഷൻകാർ നവംബർ 30 നകം ലൈഫ് സർട്ടിഫിക്കറ്റ് അല്ലെങ്കിൽ ജീവൻ പ്രമൻ പത്ര സമർപ്പിക്കണം. 80 വയസ്സിന് താഴെയുള്ളവരാണ് സർട്ടിഫിക്കറ്റ് സമർപ്പിക്കേണ്ടുന്നവർ എന്ന് റിപ്പോർട്ടുകൾ വ്യക്തമാക്കുന്നു.

രാജ്യത്തെ പെൻഷൻ വിതരണം നടത്തുന്ന ബാങ്കുകൾ , പോസ്റ്റ് ഓഫീസുകൾ എന്നിവിടങ്ങൾ സന്ദർശിച്ച് ലൈഫ് സർട്ടിഫിക്കറ്റ് അല്ലെങ്കിൽ ജീവൻ പ്രമൻ പത്ര നേടാവുന്നതാണ്. അതുമല്ലെങ്കിൽ മുൻപ് ജോലി ചെയ്തിരുന്ന സ്ഥാപനത്തിൽ നിന്നും ഇവ ചെന്ന് കൈപ്പറ്റാവുന്നതാണ്.

കൂടാതെ ഇതിനായി പരമ്പരാഗത പ്രക്രിയ സങ്കീർണ്ണമായതല്ല പക്ഷേവളരെയധികം സമയമെടുക്കുന്ന ഒന്നാണ്. എന്നാവ്ധൽ ഇതേ സമയം ആധാറിന്റെ സഹായത്തോടെ ഓൺലൈനിൽ ഒരു ഡിജിറ്റൽ ലൈഫ് സർട്ടിഫിക്കറ്റ് (ഡി‌എൽ‌സി) നേടുക എന്നതാണ് പെൻഷൻകാർക്ക് എളുപ്പമുള്ള പ്രക്രിയ. പെൻഷൻ വിതരണം ചെയ്യുന്ന ഉദ്യോഗസ്ഥന്റെ മുമ്പാകെ വ്യക്തിപരമായി ഹാജരാകുകയോ സർട്ടിഫിക്കറ്റ് സമർപ്പിക്കുന്നതിന് ഏതെങ്കിലും ബാങ്ക് അല്ലെങ്കിൽ പോസ്റ്റോഫീസ് സന്ദർശിക്കുകയോ ചെയ്യേണ്ടതില്ല എന്നതാണിതിന്റെ മെച്ചം.

ഓൺലൈനായി ലൈഫ് സർട്ടിഫിക്കറ്റ് എങ്ങനെ നേടാം?

ഇതിനായി പെൻഷനറുടെ ആധാർ നമ്പറും ബയോമെട്രിക് ഡാറ്റയും (ഐറിസ് അല്ലെങ്കിൽ ഫിംഗർപ്രിന്റ്) ഉപയോഗിക്കുന്ന ആധാർ അടിസ്ഥാനമാക്കിയുള്ള ഡിജിറ്റൽ ലൈഫ് സർട്ടിഫിക്കറ്റ് 2014 ൽ സർക്കാർ പുറത്തിറക്കിയിരുന്നു. എന്നാൽ വീട്ടിൽ നിന്നാണ് ഇത് ചെയ്യുന്നതെങ്കിൽ, ഒരു STQC സർട്ടിഫൈഡ് ബയോമെട്രിക് ഉപകരണം ആവശ്യമാണ്. ഇല്ലെങ്കിൽ, ഏതെങ്കിലും സിറ്റിസൺ സർവീസ് സെന്റർ (സി‌എസ്‌സി) അല്ലെങ്കിൽ പെൻഷൻ വിതരണ ഏജൻസികളുടെ ഓഫീസിലേക്ക് പോകേണ്ടതായി വരും.

അടുത്തതായി നിങ്ങളുടെ കംപ്യൂട്ടർ / മൊബൈൽ ഫോണിൽ 'ജീവൻപ്രമാൻ ആപ്ലിക്കേഷൻ' ഡൗലോഡ് ചെയ്യണം. ജീവൻ പ്രമാൻ പോർട്ടലിലും ആപ്ലിക്കേഷൻ ലഭ്യമാണ്. കൂടാതെ പി‌പി‌ഒ നമ്പർ, പെൻഷൻ അക്കൗണ്ട് നമ്പർ, ബാങ്ക് വിശദാംശങ്ങൾ, പെൻഷൻ അനുവദിക്കുന്ന അതോറിറ്റിയുടെ പേര്, എന്നിവ നൽകേണ്ടതാണ്. ശേഷം ജീവൻ പ്രമൻ ഐഡി നൽകി നിങ്ങൾക്ക് ജീവൻ പ്രമാൻ വെബ്സൈറ്റിൽ നിന്ന് സർട്ടിഫിക്കറ്റിന്റെ PDF പകർപ്പ് ഡൗൺലോഡ് ചെയ്യാൻ കഴിയും. 2014 മുതൽ 2.6 കോടി പെൻഷൻകാർ ഡിജിറ്റൽ ലൈഫ് സർട്ടിഫിക്കറ്റുകൾ സമർപ്പിക്കാൻ പ്ലാറ്റ്ഫോം ഉപയോഗിച്ചു.

ഇതിനായി 80 വയസ്സിന് താഴെയുള്ളവർക്ക് നവംബർ 1 നും 30 നും ഇടയിൽ ലൈഫ് സർട്ടിഫിക്കറ്റ് സമർപ്പിക്കാവുന്നതാണ്. കൂടാതെ സർട്ടിഫിക്കറ്റ് സമർപ്പിക്കാനുള്ള സമയപരിധി - നവംബർ 30 ആയിരിക്കും.. നിങ്ങൾക്ക് സമയപരിധി ഏതെങ്കിലും കാരണവശാൽ നഷ്‌ടപ്പെടുകയാണെങ്കിൽ, അടുത്ത മാസം മുതൽ പെൻഷൻ വിതരണം നിർത്തലാക്കുമെങ്കിലും വീണ്ടും നിങ്ങൾ സർട്ടിഫിക്കറ്റ് സമർപ്പിക്കുമ്പോഴും പുനരാരംഭിക്കുകയും ചെയ്യും.