ആധാർ കാർഡിലെയും പാൻ കാർഡിലെയും പേരുകളിലെ അക്ഷരത്തെറ്റ് എങ്ങനെ തിരുത്താം?

യുഐ‌ഡി‌എ‌ഐ നൽകുന്ന 12 അക്ക നമ്പറാണ് ആധാർ നമ്പർ. ബാങ്കുകൾ, ടെലികോം കമ്പനികൾ, പൊതു വിതരണ സംവിധാനം, ആദായനികുതി എന്നിവയ്ക്കെല്ലാം ആധാർ തിരിച്ചറിയൽ രേഖയായി ഉപയോഗിക്കുന്നു. വിലാസത്തെളിവും ഐഡി പ്രൂഫും ആയി പ്രവർത്തിക്കുന്നതിനാൽ ആധാർ കാർഡ് കൃത്യതയുള്ളതായി സൂക്ഷിക്കേണ്ടത് വളരെ അത്യാവശ്യമാണ്.

പാൻ കാർഡ്

അതുപോലെ തന്നെ പാൻ നമ്പറും ആജീവനാന്ത സാധുതയുള്ളതാണ്. എല്ലാ സാമ്പത്തിക ഇടപാടുകളുടെയും ട്രാക്ക് സൂക്ഷിക്കുന്ന ഒരു പ്രധാന രേഖ കൂടിയാണിത്. വിലാസത്തിലെ ഏത് മാറ്റവും പാൻ കാർഡിനെ ബാധിക്കില്ല. എന്നാൽ പാൻ കാർഡിൽ നിങ്ങളുടെ പേര്, ജന്മദിനം, ഫോട്ടോ എന്നിവ അടങ്ങിയിട്ടുണ്ട്.

അക്ഷരതെറ്റ് തിരുത്താം

ആധാർ കാർഡിലും പാൻ കാർഡിലും വ്യത്യസ്തമായ പേരുകളോ അക്ഷരതെറ്റുകളോ ഉണ്ടാകുന്നത് പലരെയും ബുദ്ധിമുട്ടിലാക്കാറുണ്ട്. ആധാർ കാർഡിലും പാൻ കാർഡിലും നിങ്ങളുടെ പേര് ശരിയാക്കുന്നതിനുള്ള ലളിതമായ നടപടിക്രമങ്ങൾ ഇതാ..

ആധാർ കാർഡിൽ നിങ്ങളുടെ പേര് എങ്ങനെ ശരിയാക്കാം?

• ആധാർ എൻറോൾമെന്റ് സെന്റർ സന്ദർശിക്കുക
• ആവശ്യമായ ഫോം പൂരിപ്പിക്കുക
• ഫോമിൽ ശരിയായ വിവരങ്ങൾ നൽകുക
• ഈ ഫോമിനൊപ്പം അറ്റാച്ചുചെയ്യേണ്ട ശരിയായ പേരും ശരിയായ അക്ഷരവും ഉള്ള രേഖകൾ സമർപ്പിക്കുക.
• വിവരങ്ങൾ‌ അപ്‌ഡേറ്റു ചെയ്യുന്നതിന് 25 മുതൽ 30 രൂപ വരെ പണമടയ്‌ക്കേണ്ടതുണ്ട്. സ്ഥലത്തിനും കേന്ദ്രത്തിനും അനുസരിച്ച് തുക വ്യത്യാസപ്പെടാം.
• ഈ പ്രക്രിയകൾക്ക് ശേഷം നിങ്ങളുടെ പേര് ശരിയാകും.

പാൻ കാർഡിൽ നിങ്ങളുടെ പേര് എങ്ങനെ ശരിയാക്കാം?

• നാഷണൽ സെക്യൂരിറ്റീസ് ഡിപോസിറ്ററി ലിമിറ്റഡ് വെബ്സൈറ്റ് സന്ദർശിക്കുക
• 'Correction in Existing PAN' ഓപ്ഷൻ തിരഞ്ഞെടുക്കുക
• വിഭാഗം തിരഞ്ഞെടുക്കുക
• ശരിയായ പേരുള്ള രേഖ സമർപ്പിക്കുക
• Submit ഓപ്ഷനിൽ ക്ലിക്കുചെയ്യുക
• അപ്ഡേറ്റ് ചെയ്ത പാൻ കാർഡ് അപേക്ഷിച്ച ദിവസം മുതൽ 45 ദിവസത്തിനുള്ളിൽ രജിസ്റ്റർ ചെയ്ത വിലാസത്തിലേക്ക് അയയ്ക്കും.