ആധാർ സേവാ കേന്ദ്രങ്ങളിൽ വർദ്ധിച്ചുവരുന്ന കാലതാമസത്തെ തുടർന്ന്, യുണീക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (യുഐഡിഐഐ) ആഴ്ചയിലെ എല്ലാ ദിവസങ്ങളിലും എല്ലാ ആധാർ സേവാ കേന്ദ്രങ്ങളും തുറന്ന് പ്രവർത്തിക്കാൻ തീരുമാനിച്ചു. നേരത്തെ ചൊവ്വാഴ്ച ആധാർ കേന്ദ്രങ്ങൾക്ക് അവധിയായിരുന്നു.
ആധാർ സേവാ കേന്ദ്രങ്ങളിൽ ലഭിക്കുന്ന സേവങ്ങൾ
പാസ്പോർട്ട് സേവാ കേന്ദ്രങ്ങളുടെ മാതൃകയിലുള്ള ആധാർ സേവാ കേന്ദ്രങ്ങളിൽ നിങ്ങൾക്ക് ഓൺലൈൻ അപ്പോയിന്റ്മെന്റ് ബുക്ക് ചെയ്യാം. ഒരു പുതിയ ആധാർ കാർഡിനായി അപേക്ഷിക്കുന്നതിനോ എൻറോൾ ചെയ്യുന്നതിനോ പുറമെ, യുഐഡിഐഐയുടെ ഡാറ്റാബേസിൽ നിങ്ങളുടെ പേര്, വിലാസം, മൊബൈൽ നമ്പർ, ഇമെയിൽ ഐഡി, ജനനത്തീയതി, ലിംഗഭേദം എന്നിവ അപ്ഡേറ്റ് ചെയ്യാനും കഴിയും. ഫോട്ടോ, ബയോമെട്രിക് ഡാറ്റ (ഫിംഗർപ്രിന്റ്, ഐറിസ്) അപ്ഡേറ്റ് ചെയ്യുന്നതിനും ആധാർ സേവാ കേന്ദ്രങ്ങളെ സമീപിക്കാം.
ആധാർ കാർഡിന് പകരം ഇനി എംആധാർ ഉപയോഗിക്കൂ..
നിങ്ങളുടെ അടുത്തുള്ള ആധാർ കേന്ദ്രം എങ്ങനെ കണ്ടെത്താം
യുഐഡിഐഐയുടെ വെബ്സൈറ്റിൽ നൽകിയിരിക്കുന്നത് അനുസരിച്ച് പ്രവർത്തനക്ഷമമായ നിരവധി ആധാർ സേവാ കേന്ദ്രങ്ങളുണ്ട്. നിങ്ങളുടെ അടുത്തുള്ള യുഐഡിഐഎഐ ആധാർ സേവാ കേന്ദ്രം കണ്ടെത്തുന്നതിനോ ഓൺലൈൻ അപ്പോയിന്റ്മെന്റ് ബുക്ക് ചെയ്യുന്നതിനോ, യുഐഡിഎഐയുടെ പോർട്ടലിൽ നിന്ന് 'Book an Appointment' പേജ് സന്ദർശിക്കുക. നിലവിൽ ആധാർ കേന്ദ്രങ്ങൾ പ്രവർത്തിക്കുന്ന സ്ഥലങ്ങളുടെ എല്ലാ പേരുകളും ഡ്രോപ്പ്ഡൌൺ മെനുവിൽ ലഭ്യമാണ്. നിങ്ങൾക്ക് ഇഷ്ടമുള്ള ഒരു കേന്ദ്രം തിരഞ്ഞെടുത്ത് നിങ്ങളുടെ മൊബൈൽ നമ്പർ നൽകി കൂടിക്കാഴ്ച ബുക്ക് ചെയ്യുന്നത് തുടരാം.
അവസാന തീയതി അടുത്തു; ആധാറും പാനും വേഗം ബന്ധിപ്പിച്ചോളൂ, ഇല്ലെങ്കിൽ സംഭവിക്കുന്നതെന്ത്?
നൽകേണ്ട വിശദാംശങ്ങൾ
ഒരു പുതിയ ആധാർ കാർഡിന് അപേക്ഷിക്കുന്നതിന്, പേര്, ലിംഗഭേദം, ജനനത്തീയതി, വിലാസം മുതലായ വിശദാംശങ്ങൾ നിങ്ങൾ നൽകേണ്ടിവരും. നിങ്ങളുടെ നിലവിലുള്ള ആധാർ ഡാറ്റ അപ്ഡേറ്റ് ചെയ്യാനോ തിരുത്താനോ നിങ്ങൾ ആഗ്രഹിക്കുന്നുവെങ്കിൽ, അപ്പോയിന്റ്മെന്റ് ബുക്ക് ചെയ്യുമ്പോൾ നിങ്ങളുടെ ആധാർ നമ്പർ ആവശ്യമാണ്.
എംആധാർ ആപ്പ് വഴി, നിങ്ങളുടെ ഫോണിലൂടെ ആധാർ കാർഡിലെ അഡ്രസ് തിരുത്താം, അറിയേണ്ട കാര്യങ്ങൾ
അടുത്ത് ആധാർ സേവ കേന്ദ്രങ്ങൾ ഇല്ലെങ്കിൽ എന്തുചെയ്യും?
യുഐഡിഎഐ ആധാർ സേവാ കേന്ദ്രങ്ങളുടെ പട്ടിക ഇന്ത്യയിലുടനീളം വികസിപ്പിച്ചു കൊണ്ടിരിക്കുകയാണ്. നിങ്ങളുടെ സമീപത്ത് ആധാർ സേവാ കേന്ദ്രങ്ങളില്ലെങ്കിൽ, ബാങ്കുകൾ, പോസ്റ്റോഫീസുകൾ, ബിഎസ്എൻഎൽ ഉപഭോക്തൃ കേന്ദ്രങ്ങൾ, മറ്റ് നിയുക്ത സംസ്ഥാന സർക്കാർ ഓഫീസുകൾ എന്നിവയിൽ പ്രവർത്തിക്കുന്ന ആധാർ കേന്ദ്രങ്ങളിലും നിങ്ങൾക്ക് പോകാവുന്നതാണ്. നിങ്ങളുടെ സമീപത്ത അത്തരം കേന്ദ്രം കണ്ടെത്തുന്നതിന്, യുഐഡിഐഐയുടെ പോർട്ടലിലെ Locate an enrolment centre എന്ന ഓപ്ഷനിൽ ക്ലിക്ക് ചെയ്യുക. അവിടെ നിങ്ങളുടെ സംസ്ഥാനത്തിന്റെ പേര്, പിൻ കോഡ് അല്ലെങ്കിൽ നിങ്ങളുടെ പ്രദേശത്തിന്റെയോ നഗരത്തിൻറെയോ ജില്ലയുടെയോ പേര് നൽകി കേന്ദ്രങ്ങൾ തിരയാൻ കഴിയും.