Just In
-
-
-
-
Don't Miss
-
മേടത്തിലെ സൂര്യന് 30 ദിനവും നേട്ടങ്ങള് നല്കും: ധനം, കരിയര്, വിവാഹം ന്യൂമറോളജി ഫലം ഇപ്രകാരം -
'ജയിച്ചാൽ കൃഷ്ണകുമാർ കേന്ദ്രമന്ത്രി, ജയിക്കാതെ തന്നെ 2 മന്ത്രിമാരെ തന്നിട്ടില്ലേ'; കെ സുരേന്ദ്രൻ -
ജാസ്മിനെ കെട്ടിപ്പിടിച്ച് ഉറങ്ങി റെസ്മിന്, കണ്ഫെഷന് റൂം ബെഡ് റൂമാക്കി! ബിഗ് ബോസിലെ ലൈവ് കണ്ട് പ്രേക്ഷകര് -
T20 World Cup 2024: സഞ്ജുവടക്കം 7 പേര് സംശയത്തില്! 5 പേര്ക്ക് ലോകകപ്പ് മറക്കാം, ചിത്രം തെളിയുന്നു -
ഓഫറല്ല, ഏറ്റവും കുറഞ്ഞ വിലയുള്ള ഇ-സ്കൂട്ടറിന് 10,000 രൂപ വെട്ടിക്കുറച്ച് ഓല! വെറും 69,999-ന് വാങ്ങാം -
ചെന്നൈ - മംഗളൂരു സ്പെഷ്യൽ ട്രെയിൻ; അവധിക്കാല യാത്രാതിരക്ക് ഇല്ല, 19 സർവീസുകളും കേരളത്തിൽ 10 സ്റ്റോപ്പും -
വിശന്നിരിക്കുന്നവന് കിട്ടിയ ബിരിയാണി! റിയൽമി പി1 5ജി സീരീസ് ഇന്ത്യയിൽ ലോഞ്ച് ചെയ്തു
ആദായനികുതി റിട്ടേൺ സമർപ്പിക്കുക, ബാങ്ക് അക്കൗണ്ട് തുറക്കുക, സാമ്പത്തിക ഇടപാടുകൾ നടത്തുക തുടങ്ങി വിവിധ ആവശ്യങ്ങൾക്ക് പാൻ കാർഡ് നിർബന്ധമാണ്. മുമ്പ് പാൻ കാർഡിന് അപേക്ഷിച്ചാൽ ചുരുങ്ങിയത് 15 ദിവസം എങ്കിലും കാത്തിരുന്നാൽ മാത്രമേ പാൻ കാർഡ് ലഭിച്ചിരുന്നുള്ളൂ. എന്നാൽ ഇപ്പോൾ അപേക്ഷിക്കുന്ന ഉടൻ തന്നെ പാൻ കാർഡ് ലഭിക്കുന്ന തൽക്ഷണ ഇ-പാൻ സേവനം ആദായ നികുതി വകുപ്പ് ആരംഭിച്ചു കഴിഞ്ഞു. ഈ സേവനം ഉപയോഗിച്ച് എങ്ങനെ പാൻ കാർഡ് നേടാം എന്ന് നോക്കാം.
ഇ-പാൻ
ഐടി വകുപ്പ് ഇലക്ട്രോണിക് ഫോർമാറ്റിൽ നൽകുന്ന പാൻ കാർഡാണിത്. ഇ-പാൻ ലഭിക്കുന്നതിന് അപേക്ഷകന് സാധുവായ ആധാർ നമ്പറോ ഡിജിറ്റൽ ഒപ്പോ ഉണ്ടായിരിക്കണം. ഇ-പാനിന് വേണ്ടി അപേക്ഷിക്കേണ്ടത് എങ്ങനെയെന്ന് പരിശോധിക്കാം.
അപേക്ഷിക്കേണ്ടത് എങ്ങനെ?
- https://www.pan.utiitsl.com/PAN/newA.do എന്ന ലിങ്ക് തുറക്കുക
- "Apply for new PAN card (ഫോം 49 എ) എന്ന ഓപ്ഷനിൽ ക്ലിക്കു ചെയ്യുക
- അതിനുശേഷം തൽക്ഷണ ഇപാൻ ലഭിക്കുന്നതിന് "ഡിജിറ്റൽ മോഡ്" തിരഞ്ഞെടുക്കുക.
- ഡിജിറ്റൽ മോഡിന് കീഴിൽ, അപേക്ഷകർ ഫിസിക്കൽ കോപ്പി സമർപ്പിക്കേണ്ടതില്ല, ആധാർ അടിസ്ഥാനമാക്കിയുള്ള ഇ-സിഗ്നേച്ചർ അല്ലെങ്കിൽ ഡിജിറ്റൽ സിഗ്നേച്ചർ ഉപയോഗിച്ച് അപേക്ഷാ ഫോമിൽ ഒപ്പ് നൽകുക
- നിങ്ങളുടെ മൊബൈൽ നമ്പർ ഉപയോഗിച്ച് നിങ്ങളുടെ ആധാർ അപ്‌ഡേറ്റുചെയ്‌തിട്ടുണ്ടെന്ന് ഉറപ്പാക്കുക
- ഇ-കെ‌വൈ‌സി നടത്തുന്നതിന് ആധാറിൽ രജിസ്റ്റർ ചെയ്‌തിരിക്കുന്ന മൊബൈൽ നമ്പറിലേക്ക് ഒ‌ടി‌പി ലഭിക്കും
രേഖകൾ ആവശ്യമില്ല
അപേക്ഷകർ ജനനത്തീയതി, വിലാസ തെളിവുകൾ എന്നിവ പോലുള്ള രേഖകളൊന്നും ഇ-പാനിന് വേണ്ടി സമർപ്പിക്കേണ്ടതില്ല. ആധാർ ഡാറ്റാബേസിൽ ലഭ്യമായ വിവരങ്ങളുടെ വിശദാംശങ്ങൾ ഉപയോഗിച്ചാണ് ഇ-പാൻ സൃഷ്ടിക്കുന്നത്. എന്നിരുന്നാലും, അപേക്ഷന്റെ ഒപ്പിൻറെ ഡിജിറ്റൽ കോപ്പി ആവശ്യമാണ്. നിർ‌ദ്ദിഷ്‌ട ഫോർമാറ്റിൽ അടുത്തിടെ എടുത്ത ഒരു ഫോട്ടോയും അപ്‌ലോഡു ചെയ്യേണ്ടതുണ്ട്.
ആധാർ പ്രധാനപ്പെട്ട രേഖ
നിങ്ങളുടെ പാൻ കാർഡ് ഓൺലൈനിൽ ലഭിക്കുന്നതിന് ആധാർ പ്രധാന പങ്ക് വഹിക്കുന്നു. അതിനാൽ ആധാറിലെയും പാൻ കാർ‍ഡിലെയും വിവരങ്ങൾ തമ്മിൽ പൊരുത്തക്കേടുണ്ടാകാൻ പാടില്ല.
ഫീസ്
പാൻ കാർഡിന് അപേക്ഷ സമർപ്പിക്കുമ്പോൾ തന്നെ അപേക്ഷകന് സാധാരണ പാൻ കാർഡ്, അല്ലെങ്കിൽ ഇ-പാൻ കാർഡ് ഇവ തിരഞ്ഞെടുക്കാൻ ഓപ്ഷൻ ഉണ്ട്. നിങ്ങൾക്ക് ഇ-പാനിനൊപ്പം ഫിസിക്കൽ പാൻ കാർഡ് കൂടി ആവശ്യമുണ്ടെങ്കിൽ, 107 രൂപ നൽകേണ്ടതുണ്ട്. ഇ-പാൻ മാത്രമാണ് വേണ്ടതെങ്കിൽ 66 രൂപയാണ് നൽകേണ്ടത്. ഇ-പാൻ കാർഡ് പ്രിന്റ് എടുത്തും നിങ്ങൾക്ക് ഉപയോഗിക്കാവുന്നതാണ്.
malayalam.goodreturns.in
