ഷെയറുകൾ, ഡിബഞ്ചറുകൾ, മ്യൂച്വൽ ഫണ്ടുകൾ എന്നിവയുൾപ്പെടെ സെക്യൂരിറ്റികളിലുടനീളം നിക്ഷേപം നടത്തുന്നതിന് പ്രായപൂർത്തിയാകാത്തവരുടെ പേരിലും ഡീമാറ്റ് അക്കൗണ്ട് തുറക്കാം. 18 വയസ്സ് തികയാത്തവരുടെ പേരിൽ രക്ഷിതാക്കൾക്ക് അക്കൗണ്ട് തുറക്കുകയും പ്രവർത്തിപ്പിക്കുകയും ചെയ്യാം. മാതാപിതാക്കൾ അല്ലെങ്കിൽ അല്ലെങ്കിൽ കോടതി നിയോഗിച്ച രക്ഷാധികാരിയ്ക്കാണ് ഇത്തരത്തിൽ ഡീമാറ്റ് അക്കൌണ്ട് തുറക്കാൻ സാധിക്കുക.
നടപടിക്രമങ്ങൾ
പ്രായപൂർത്തിയാകാത്ത ഒരാളുടെ പേരിൽ അക്കൗണ്ട് തുറക്കുന്നതിനുള്ള നടപടിക്രമം ഒരു സാധാരണ ഡീമാറ്റ് അക്കൗണ്ട് തുറക്കുന്നതിന് സമാനമാണ്. സ്റ്റാൻഡേർഡ് അക്കൗണ്ട് ഓപ്പണിംഗ് ഫോം തന്നെയാണ് ഇതിനായി ഉപയോഗിക്കേണ്ടത്. പ്രായപൂർത്തിയാകാത്തവരും രക്ഷിതാക്കൾക്കും ഐഡന്റിറ്റിയും വിലാസവും സ്ഥിരീകരിക്കുന്നതിനുള്ള കെവൈസി മാനദണ്ഡങ്ങളും പൂർത്തിയാക്കണം. എല്ലാ രേഖകളിലും രക്ഷകർത്താവ് ഒപ്പിടുകയും വേണം.
ആവശ്യമായ രേഖകൾ
അക്കൗണ്ട് തുറക്കുന്നതിനുള്ള പ്രായത്തിന്റെ തെളിവായി പ്രായപൂർത്തിയാകാത്തയാളുടെ ജനനത്തീയതി നിർബന്ധമായും നൽകേണ്ടതുണ്ട്. പ്രായപൂർത്തിയാകാത്തവരുടെയും രക്ഷിതാവിന്റെയും പാൻ കാർഡുകളും സമർപ്പിക്കണം. പ്രായപൂർത്തിയാകാത്തയാളുടെ പേരിലുള്ള ഡീമാറ്റ് അക്കൗണ്ടിന് ജോയിന്റ് ഹോൾഡർ ഉണ്ടാകരുത്.
ഡീമാറ്റ് അക്കൗണ്ടിന്റെ പ്രയോജനങ്ങള് എന്തൊക്കെ?
രക്ഷാധികർത്താവിന് മരണം സംഭവിച്ചാൽ
രക്ഷാധികർത്താവിന് മരണം സംഭവിച്ചാൽ, മരണ സർട്ടിഫിക്കറ്റിന്റെ പകർപ്പ് നൽകേണ്ടതുണ്ട്. കൂടാതെ പുതിയ രക്ഷകർത്താവിനെ നിയമിക്കുന്നതിന് ആവശ്യമായ നടപടികൾ പൂർത്തിയാകുന്നതുവരെ പ്രായപൂർത്തിയാകാത്തവരുടെ ഡീമാറ്റ് അക്കൗണ്ട് മരവിപ്പിക്കും.
തിരുപ്പതി വെങ്കടേശ്വരന് ഡിമാറ്റ് എക്കൗണ്ട്
പ്രായപൂർത്തിയായാൽ
അക്കൌണ്ട് ഉടമയ്ക്ക് പ്രായപൂർത്തിയായാൽ പുതിയ കെവൈസിയും അക്കൌണ്ട് ഓപ്പണിംഗ് ഫോമും സമർപ്പിക്കേണ്ടതുണ്ട്. ഇങ്ങനെ ചെയ്യുമ്പോൾ രക്ഷാധികാരിയുടെ വിശദാംശങ്ങൾ അക്കൗണ്ടിൽ നിന്ന് ഇല്ലാതാക്കുകയും പകരം ഡീമാറ്റ് അക്കൗണ്ട് ഉടമയുടെ ഒപ്പ് ഉപയോഗിക്കുകയും ചെയ്യും.
ഒന്നിലധികം ബാങ്ക് അക്കൗണ്ടുള്ളവർക്ക് പണി കിട്ടുന്നത് ഇങ്ങനെ, അക്കൗണ്ട് വേഗം ക്ലോസ് ചെയ്തോളൂ