ഇപിഎഫ് അക്കൗണ്ടിന് കെവൈസി ഓൺലൈനായി അപ്‌ഡേറ്റ് ചെയ്യാം ഈ കാര്യങ്ങൾ ശ്രദ്ധിക്കുക

ന്യൂഡൽഹി: സാധാരണ ബാങ്ക് അക്കൗണ്ട് തുറക്കുമ്പോഴും മ്യൂച്വൽ ഫണ്ട്, ഓഹരി തുടങ്ങിയവയിൽ നിക്ഷേപിക്കുമ്പോഴും കെവൈസി (നിങ്ങളുടെ ഇടപാടുകാരനെ അറിയുക) ഡോക്യുമെന്റ് കൊടുക്കേണ്ടതായി വരാറുണ്ട്. അതുപോലെ ഇപ്പോൾ എംപ്ലോയീസ് പ്രൊവിഡന്റ് ഫണ്ട് ( ഇപിഎഫ്) അക്കൗണ്ടിനും കെവൈസി ആവശ്യമാണ്. ഏതാനും ചില ഘട്ടങ്ങളിലൂടെ കെവൈസി പ്രോസസ്സ് നിങ്ങൾക്ക് ഓൺലൈനായി ചെയ്യാൻ കഴിയും. കെവൈസി വെരിഫിക്കേഷന് വേണ്ടി ആധാർ കാർഡ്, പാൻ കാർഡ് മുതലായ ഡിജിറ്റൽ വെരിഫൈഡ് സേവനങ്ങൾ ഉപയോഗിക്കാവുന്നതാണ്.

എങ്ങനെയാണ് ഇപിഎഫ് കെവൈസി ഓൺലൈനായി അപ്ഡേറ്റ് ചെയ്യേണ്ടത്?

ഘട്ടം 1- ഇപിഎഫ്ഒ പോർട്ടലിൽ നിങ്ങളുടെ ക്രെഡൻഷ്യസ്, യുഎഎൻ പാസ്‌വേഡ് എന്നിവ നൽകി ലോഗിൻ ചെയ്യുക.

ഘട്ടം 2- 'മാനേജ്' എന്ന ഓപ്‌ഷന് ചുവടെ ഡ്രോപ്പ്-ഡൗൺ-മെനുവിൽ ക്ലിക്ക് ചെയ്‌ത് കെവൈസി തിരഞ്ഞെടുക്കുക.

ഘട്ടം 3- ഡോക്യുമെന്റിൽ പറഞ്ഞ പ്രകാരം ബാങ്ക് അക്കൗണ്ട്, പാൻ, ആധാർ തുടങ്ങിയവയിലെ പേരും നമ്പറും നൽകുക. ശേഷം 'സേവ്' ബട്ടൺ ക്ലിക്ക് ചെയ്യുക.

ഘട്ടം 4- നിങ്ങൾ നൽകിയ വിവരങ്ങൾ പരിശോധിച്ച ശേഷം ഡോക്യുമെന്റുകൾ യോജിക്കുന്നുണ്ടെങ്കിൽ 'വെരിഫൈഡ്' എന്ന് കാണിക്കുന്നതാണ്.

ഘട്ടം 5- ഈ ഡോക്യുമെന്റ് പ്രൂഫ് നിങ്ങളുടെ തൊഴിലുടമയ്ക്ക് നൽകേണ്ടതാണ്.

ഐടിആർ; ജനുവരിക്ക് മുൻപ് ഫയൽ ചെയ്‌തില്ലെങ്കിൽ ഉയർന്ന പിഴ ഈടാക്കുന്നതാണ് ഐടിആർ; ജനുവരിക്ക് മുൻപ് ഫയൽ ചെയ്‌തില്ലെങ്കിൽ ഉയർന്ന പിഴ ഈടാക്കുന്നതാണ്

ബാങ്ക് അക്കൗണ്ട്, പാൻ കാർഡ്, ആധാർ കാർഡ്, പാസ്‌പോർട്ട്, ഡ്രൈവിംഗ് ലൈസൻസ്, വോട്ടർ ഐഡി കാർഡ്, റേഷൻ കാർഡ്, നാഷണൽ പോപ്പുലേഷൻ രെജിസ്റ്റർ തുടങ്ങിയവ നിങ്ങൾക്ക് കെവൈസിക്ക് വേണ്ടി ഉപയോഗിക്കാവുന്നതാണ്. കെ‌വൈ‌സി പരിശോധനയുടെ മുഴുവൻ ഘട്ടങ്ങളും പൂർത്തിയായിക്കഴിഞ്ഞാൽ, നിങ്ങൾക്ക് ഇപി‌എഫ്‌ഒയുടെ യു‌എ‌എൻ പോർട്ടലിൽ കെ‌വൈ‌സി വിഭാഗത്തിൽ ഇത് കാണാൻ കഴിയുന്നതാണ്.