വെറും 100 രൂപ നിക്ഷേപിച്ച് കോടിപതിയാകാം; ഈ പദ്ധതി നിങ്ങളെ സഹായിക്കും

മൂച്വൽ ഫണ്ടുകൾ നിക്ഷേപകർക്ക് വാഗ്ദാനം ചെയ്യുന്ന ഒരു നിക്ഷേപ മാർഗമാണ് സിസ്റ്റമാറ്റിക് ഇൻവെസ്റ്റ്മെന്റ് പ്ലാൻ (എസ്.ഐ.പി). എസ്.ഐ.പിക്ക് കീഴിൽ, ആഴ്ചയിലോ മാസത്തിലോ ത്രൈമാസമായോ നിക്ഷേപകർക്ക് പതിവായി ചെറിയ തുക നിക്ഷേപിക്കാൻ സാധിക്കും. നിങ്ങൾക്ക് വെറും 100 രൂപയിൽ ഒരു എസ്.ഐ.പി ആരംഭിക്കാൻ കഴിയും. എങ്കിലും ചില മൂച്വൽ ഫണ്ടുകൾ കുറഞ്ഞത് 500 രൂപയോ 1000 രൂപയോ ഉള്ള എസ്.ഐ.പിയാണ് വാഗ്ദാനം ചെയ്യുന്നത്.

2024 ജൂലൈയിൽ നിക്ഷേപകർ മൂച്വൽ ഫണ്ടുകൾക്കായി 23,000 കോടിയലിധം എസ്.ഐ.പിയിൽ നിക്ഷേപിച്ചതായി കണക്കുകൾ വ്യക്തമാക്കുന്നുണ്ട്. ഈ കാലത്ത് നിക്ഷേപകർ എസ്.ഐ.പി നിക്ഷേപം നടത്താൻ വളരെയധികം താല്പര്യപ്പെടുന്നുവെന്നതാണ് ഇത് അർത്ഥമാക്കുന്നത്. പ്രതിദിനം 100 രൂപ നിക്ഷേപിച്ചാൽ നിങ്ങളുടെ റിട്ടേൺ തുക എത്രയായിരിക്കുമെന്ന് നോക്കാം.

നിങ്ങൾ പ്രതിദിനം 100 രൂപ നിക്ഷേപിക്കാൻ തുടങ്ങിയാൽ, ഒരു മാസത്തെ നിങ്ങളുടെ മൊത്തം നിക്ഷേപം 3,000 രൂപയായിരിക്കും. 30 വർഷം കൊണ്ട് നിങ്ങൾ ആകെ 10,80,000 രൂപ നിക്ഷേപിക്കും. അങ്ങനെ, മൂച്വൽ ഫണ്ടുകളിലെ ദീർഘകാല നിക്ഷേപത്തിൽ നിങ്ങൾക്ക് 12 ശതമാനം വാർഷിക പലിശ ലഭിക്കുന്നുവെന്ന് കരുതുക. എസ്.ഐ.പി കാൽകുലേറ്റർ അനുസരിച്ച് 30 വർഷത്തിനുള്ളിൽ നിങ്ങൾക്ക് 1,05,89,741 രൂപ സമ്പാദിക്കാൻ സാധിക്കും. അപ്പോൾ നിങ്ങളുടെ ആകെ ലാഭം 95,09,741 രൂപയായിരിക്കും.

ഇനി നിങ്ങൾ ദിവസവും 500 രൂപയാണ് നിക്ഷേപിക്കുന്നതെങ്കിൽ, പ്രതിമാസമുള്ള നിങ്ങളുടെ നിക്ഷേപ തുക 15,000 രൂപയായിരിക്കും. അങ്ങനെ 17 വർഷത്തിലെ നിങ്ങൾ മൊത്തം 30,60,000 രൂപ നിക്ഷേപിക്കും. നിങ്ങളുടെ ഒരു മൂച്വൽ ഫണ്ടിലെ ദീർഘകാല നിക്ഷേപത്തിൽ നിങ്ങൾക്ക് 12 ശതമാനമാണ് വാർഷിക പലിശ ലഭിക്കുന്നതെങ്കിൽ, 17 വർഷത്തിനുള്ളിൽ നിങ്ങൾക്ക് 1,00,18,812 രൂപ സമ്പാദിക്കാൻ സാധിക്കും. അതിലെ നിങ്ങളുടെ ആകെ ലാഭം 69,58,812 രൂപയായിരിക്കും.

മൂച്വൽ ഫണ്ടുകളിൽ സ്ഥിരമായി നിക്ഷേപം നടത്തുന്നതിനുള്ള മികച്ചൊരു മാർഗമാണ് എസ്.ഐ.പിയെന്ന് വിദഗ്ധർ പറയുന്നുണ്ട്. ഇതിൽ നിക്ഷേപകർക്ക് ഒരുപാട് പ്രയോജനം ലഭിക്കുന്നു. എന്നാൽപോലും എസ്.ഐ.പി മൂച്വൽ ഫണ്ടുകളിലും അപകടസാധ്യതയുണ്ട്.