ഒരു ബാങ്കിലോ മറ്റേതെങ്കിലും ധനകാര്യ സ്ഥാപനത്തിലോ തുറക്കാവുന്ന നിക്ഷേപ അക്കൗണ്ടാണ് സേവിംഗ്സ് അക്കൗണ്ട്. ഒരു സേവിംഗ്സ് അക്കൗണ്ടിന്റെ പ്രധാന ഉദ്ദേശ്യങ്ങളിലൊന്ന് വ്യക്തികൾക്കിടയിൽ സമ്പാദ്യം വളർത്തുക എന്നതാണ്. രാജ്യത്തെ മിക്കവാറും എല്ലാ ബാങ്കുകളും ഉപഭോക്താക്കൾക്ക് സേവിംഗ്സ് അക്കൗണ്ട് സൗകര്യം നൽകുന്നുണ്ട്. പലപ്പോഴും ഒരോ ബാങ്കും വാഗ്ദാനം ചെയ്യുന്ന സൗകര്യങ്ങൾ മറ്റ് ബാങ്കുകളുമായി വ്യത്യാസപ്പെട്ടിരിക്കാം. ഇന്നത്തെ കാലത്ത് സേവിംഗ്സ് അക്കൗണ്ട് എന്ന ആശയം അത്ര സങ്കീർണ്ണമായ കാര്യമൊന്നുമല്ല. ഏതൊരു സാധാരണക്കാരനും ഏതെങ്കിലും ബാങ്കിൽ ഒരു സേവിംഗ്സ് അക്കൗണ്ടെങ്കിലും ഉണ്ടാകും.
സേവിംഗ്സ് അക്കൗണ്ടിന്റെ സവിശേഷതകൾ എന്തൊക്കെയാണ്?
എളുപ്പത്തിൽ ഇടപാടുകൾ നടത്താം: സേവിംഗ്സ് അക്കൗണ്ട് വഴി പേയ്മെന്റുകൾ സ്വീകരിക്കുന്നതും അയയ്ക്കുന്നതും എളുപ്പമാണ്. ഡെബിറ്റ് കാർഡ് അല്ലെങ്കിൽ നെറ്റ് ബാങ്കിംഗ് വഴി ഇത് ചെയ്യാം.
സുരക്ഷ, സുതാര്യത: സേവിംഗ്സ് അക്കൗണ്ടിൽ ഉപഭോക്താക്കൾക്ക് പണം സുരക്ഷിതമായി നിക്ഷേപിക്കാം. മറ്റ് നിക്ഷേപങ്ങൾ പോലെ അപകട സാധ്യതകൾ ഒട്ടും തന്നെ ഇല്ല. ഒപ്പം നിക്ഷേപിച്ച പണം ആവശ്യാനുസരണം അക്കൗണ്ട് ഉടമയ്ക്ക് എപ്പോൾ വേണമെങ്കിലും പിൻവലിക്കുകയും ചെയ്യാം.
എടിഎം സൗകര്യം: സേവിംഗ്സ് അക്കൗണ്ടിൽ നിക്ഷേപിച്ച നിങ്ങളുടെ പണം എടിഎമ്മുകൾ വഴി എളുപ്പത്തിൽ പിൻവലിക്കാൻ കഴിയും. മിക്ക ബാങ്കുകൾക്കും രാജ്യത്തിന്റെ ഏത് കോണിലും എടിഎമ്മുകളുണ്ട്.
ബിൽ പേയ്മെന്റുകൾ: ഒരു സേവിംഗ്സ് അക്കൗണ്ട് ഉള്ളത് നിങ്ങളുടെ ബിൽ പേയ്മെന്റ് പ്രക്രിയയെ സുഗമമാക്കും. വാട്ടർ ബിൽ, വൈദ്യുതി ബിൽ, ഫോൺ റീചാർജ് മുതലായവ ഒരു സേവിംഗ്സ് അക്കൗണ്ട് വഴി നേരിട്ട് അടയ്ക്കാം.
ഡെബിറ്റ് കാർഡ്, മൊബൈൽ ബാങ്കിംഗ്, നെറ്റ് ബാങ്കിംഗ്: എല്ലാ സേവിംഗ്സ് ബാങ്ക് അക്കൗണ്ടുകൾക്കും ഡെബിറ്റ് കാർഡുകൾ ലഭ്യമാണ്. മിക്ക ബാങ്കുകളും മൊബൈൽ ബാങ്കിംഗ് അല്ലെങ്കിൽ നെറ്റ് ബാങ്കിംഗ് സൗകര്യങ്ങൾ സാധാരണയായി നൽകാറുണ്ട്. ഇത് പണമിടപാടുകൾ നടത്തുന്നത് കൂടുതൽ സുഗമമാക്കും.
ബാങ്ക് ഓഫ് ബറോഡ എഫ്ഡി പലിശ നിരക്ക് പരിഷ്കരിച്ചു, പുതുക്കിയ നിരക്കുകൾ ഇങ്ങനെയാണ്
പലിശ നിരക്കുകൾ
റിസർവ് ബാങ്ക് ഓഫ് ഇന്ത്യയുടെ നിർദ്ദേശപ്രകാരം സേവിംഗ്സ് അക്കൗണ്ടിലെ തുകയ്ക്ക് ബാങ്ക് നിശ്ചിത തുക പലിശയായി നൽകുന്നുണ്ട്. നിങ്ങളുടെ സേവിംഗ്സ് അക്കൗണ്ടിന്റെ പലിശ ദിവസേനയാണ് കണക്കാക്കുന്നത്. ഒരോ ബാങ്കും വ്യത്യസ്തമായ പലിശ നിരക്കാണ് വാഗ്ദാനം ചെയ്യുന്നത്. ഒരു ലക്ഷം രൂപ വരെ നിക്ഷേപമുള്ള സേവിംഗ്സ് ബാങ്ക് അക്കൗണ്ടിന് പൊതുമേഖലാ ബാങ്കായ എസ്ബിഐ നിലവിൽ പ്രതിവർഷം 3.25 ശതമാനം വരെ പലിശ നൽകുന്നുണ്ട്. എച്ച്ഡിഎഫ്സി പ്രതിവർഷം നൽകുന്ന പലിശ നിരക്ക് 4.00 ശതമാനമാണ്.
ഉയർന്ന ശമ്പളം ലഭിക്കുന്നവരുടെ ശ്രദ്ധയ്ക്ക്? നിങ്ങൾ വിപിഎസ് നിക്ഷേപം തിരഞ്ഞെടുക്കേണ്ടത് എന്തിന്?
മിനിമം ബാലൻസ്
സേവന ആനുകൂല്യങ്ങൾ ലഭിക്കുന്നതിന് ഉപയോക്താക്കൾ അവരുടെ സേവിംഗ്സ് ബാങ്ക് അക്കൗണ്ടിൽ മിനിമം ബാലൻസ് തുക നിലനിർത്തേണ്ടതുണ്ട്. പൊതുമേഖലാ ബാങ്കുകളിൽ നിലനിർത്തേണ്ട മിനിമം ബാലൻസ് തുക സ്വകാര്യ ബാങ്കുകളെ അപേക്ഷിച്ച് കുറവാണ്. എസ്ബിഐയുടെ മെട്രോ അല്ലെങ്കിൽ നഗര പ്രദേശത്തെ ബ്രാഞ്ചുകളിലെ സേവിംഗ്സ് അക്കൗണ്ടിൽ ഏറ്റവും കുറഞ്ഞത് 3,000 രൂപ നിലനിർത്തേണ്ടതുണ്ട്, ഗ്രാമപ്രദേശങ്ങളിലാണെങ്കിൽ ശരാശരി പ്രതിമാസ ബാലൻസ് (എഎംബി) 1,000 രൂപയും സെമി-അർബൻ ബ്രാഞ്ചുകളിൽ 2,000 രൂപയുമാണ്. എച്ച്ഡിഎഫ്സി ബാങ്കിന്റെ കാര്യത്തിലാണെങ്കിൽ, മെട്രോ നഗരങ്ങളിലെ പതിവ് സേവിംഗ്സ് അക്കൗണ്ടിൽ 10,000 രൂപയും സെമി അർബൻ ബ്രാഞ്ചുകളിൽ 5,000 രൂപയും ഗ്രാമീണ ബ്രാഞ്ചുകളിൽ 2,500 രൂപയും നിലനിർത്തേണ്ടതുണ്ട്.