പ്രതിമാസ ശമ്പളം 25,000 അല്ലെങ്കിൽ 30,000 ആണോ? റിട്ടയർമെന്റ് സമയത്ത് കിട്ടുന്ന ഇപിഎഫ് തുക അറിയാം

റിട്ടയർമെന്റ് സമയത്ത് നല്ലൊരു സമ്പാദ്യം നേടിയെടുക്കാൻ സ്വകാര്യ മേഖലയിലെ ജീവനക്കാരെ സഹായിക്കുകയെന്ന ലക്ഷ്യത്തോടെ തുടങ്ങിയ പദ്ധതിയാണ് എംപ്ലോയീസ് പ്രോവിഡന്റ് ഫണ്ട് (ഇപിഎഫ്). ജീവനക്കാരനും തൊഴിൽദാതാവും ഇപിഎഫ് അക്കൗണ്ടിലേക്ക് പണം നിക്ഷേപിക്കുന്നു. ഒരാൾക്ക് അവരുടെ അടിസ്ഥാന ശമ്പളത്തിന്റെയും ക്ഷാമബത്തയുടെയും (ഡിഎ) കുറഞ്ഞത് 1,800 രൂപയും പരമാവധി 12 ശതമാനവും സംഭാവന ചെയ്യാം. തൊഴിലുടമയും അതേ തുക ജീവനക്കാരന്റെ ഇപിഎഫ് അക്കൗണ്ടിലേക്ക് നിക്ഷേപിക്കുന്നു.

തൊഴിലുടമയുടെ 12 ശതമാനം വിഹിതം രണ്ട് തരത്തിലാണ് നിക്ഷേപിക്കുന്നത്. 8.33 ശതമാനം ഇപിഎഫിലേക്കും 3.67 ശതമാനം ജീവനക്കാരുടെ പെൻഷൻ പദ്ധതിയിലേക്കുമാണ് പോവുക. ഇപിഎസ് നിക്ഷേപം ജീവനക്കാരനെ വിരമിച്ച ശേഷം പ്രതിമാസ പെൻഷൻ നേടാൻ സഹായിക്കും. എംപ്ലോയീസ് പ്രൊവിഡന്റ് ഫണ്ട് ഓർഗനൈസേഷൻ (ഇപിഎഫ്ഒ) ഇപിഎഫ് സംഭാവനകൾക്ക് 8.25 ശതമാനമാണ് പലിശ നൽകുന്നത്. ഒരു സാമ്പത്തിക വർഷത്തിൽ 1.50 ലക്ഷം രൂപ വരെയുള്ള ഇപിഎഫ് നിക്ഷേപങ്ങൾക്ക് നികുതി ഇളവുണ്ട്. കാലാവധി പൂർത്തിയാകുമ്പോൾ കിട്ടുന്ന തുകയ്ക്കും നികുതി ഇല്ല.

25,000 പ്രതിമാസ ശമ്പളമുള്ളവരുടെ ഇപിഎഫ് തുക

ഒരാൾ 25-ാം വയസിൽ ഇപിഎഫ് നിക്ഷേപം തുടങ്ങുന്നുവെന്ന് കരുതുക. ജീവനക്കാരൻ 60 വയസുവരെ അടിസ്ഥാന ശമ്പളത്തിന്റെയും ഡിഎയുടെയും 12 ശതമാനം ഇപിഎഫ് അക്കൗണ്ടിലേക്ക് സംഭാവന ചെയ്യുന്നു. തൊഴിലുടമ 3.67 ശതമാനം സംഭാവന നൽകുന്നു. അങ്ങനെയെങ്കിൽ 35 വയസാകുമ്പോൾ നിങ്ങളുടെ ഇപിഎഫ് നിക്ഷേപം 45,05,360 രൂപയായിരിക്കും. പലിശയായി കിട്ടുക 1,35,99,128 രൂപയാണ്. അങ്ങനെയെങ്കിൽ നിങ്ങളുടെ മൊത്ത നിക്ഷേപം 1,81,04,488 രൂപയാണ്.

30,000 പ്രതിമാസ ശമ്പളമുള്ളവരുടെ ഇപിഎഫ് തുക

മുകളിൽ പറഞ്ഞ കണക്കുകൾ പ്രകാരമാണെങ്കിൽ നിങ്ങളുടെ ഇപിഎഫ് സംഭാവന 54,06,168 രൂപയാണ്. പലിശ ഇനത്തിൽ കിട്ടുന്ന 1,63,18,569 രൂപ കൂടി കണക്കാക്കിയാൽ മൊത്ത നിക്ഷേപ തുക 2,17,24,737 രൂപയാണ്.

35,000 പ്രതിമാസ ശമ്പളമുള്ളവരുടെ ഇപിഎഫ് തുക

ഇവരുടെ റിട്ടയർമെന്റ് സമയത്തെ മൊത്ത നിക്ഷേപം 63,07,473 രൂപയാണ്. പലിശ ഇനത്തിൽ കിട്ടുന്ന 1,90,38,937 രൂപ കൂടി കണക്കാക്കിയാൽ കിട്ടുന്ന മൊത്ത തുക 2,53,46,410 രൂപയാണ്.