Just In
-
-
-
-
Don't Miss
-
T20 World Cup 2024: റിഷഭല്ല, ടീമില് വേണ്ടത് സഞ്ജു തന്നെ! കാരണം പറഞ്ഞ് മഞ്ജരേക്കര് -
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
കരിമ്പത്ത് ഒന്നേകാല് കിലോ കഞ്ചാവുമായി യുവതിയും യുവാവും അറസ്റ്റില് -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്‍ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
കൊവിഡ് 19 ചികിത്സയുമായി ബന്ധപ്പെട്ട ചെലവുകള്‍ വഹിക്കുന്നതുമായി ബന്ധപ്പെട്ട്, ദേശീയ പെന്‍ഷന്‍ പദ്ധതി (എന്‍പിഎസ്) വരിക്കാരെ ഇപ്പോള്‍ ഭാഗികമായി പിന്‍വലിക്കാന്‍ അനുവദിക്കുമെന്ന് പെന്‍ഷന്‍ ഫണ്ട് റെഗുലേറ്ററി ആന്‍ഡ് ഡെവലപ്പ്‌മെന്റ് അതോറിറ്റി ഓഫ് ഇന്ത്യ ഈ ആഴ്ചയുടെ തുടക്കത്തില്‍ തന്നെ അറിയിച്ചിരുന്നു. കൊവിഡ് 19 മഹാമാരിയായി പ്രഖ്യാപിച്ച ഇന്ത്യാ ഗവണ്‍മെന്റിന്റെ തീരുമാനം കണക്കിലെടുത്ത്, ഇതൊരു ഗുരുതരമായ രോഗമായും മനുഷ്യ ജീവന് ഭീഷണിയാവുന്നതായും കണക്കാക്കുന്നുവെന്ന്, എന്‍പിഎസിന് കീഴിലുള്ള എല്ലാ പങ്കാളികളെയും വരിക്കാരെയും അഭിസംബോധന ചെയ്ത സര്‍ക്കുലറില്‍ പിഎഫ്ആര്‍ഡിഎ വ്യക്തമാക്കി.
മനുഷ്യജീവന് തന്നെ ഭീഷണിയായ കൊവിഡ് 19 മഹാമാരിക്കെതിരെ പോരാടാന്‍ രാജ്യം ശ്രമിക്കുന്ന സമയത്താണ് ഈ തീരുമാനം നിലവില്‍ വരുന്നത്. വരിക്കാരന്, അദ്ദഹത്തിന്റെ ജീവിതപങ്കാളി, കുട്ടികള്‍, നിയമപരമായി ദത്തെടുത്ത കുട്ടികള്‍ അല്ലെങ്കില്‍ വരിക്കാരന്റെ ആശ്രിതരായ മാതാപിതാക്കള്‍ എന്നിവര്‍ക്കായുള്ള കൊവിഡ് 19 ചികിത്സക്കായി ഭാഗിക പിന്‍വലിക്കലിനുള്ള അഭ്യര്‍ഥന നടത്താമെന്ന് പിഎഫ്ആര്‍ഡിഎ അറിയിച്ചു. എന്നിരുന്നാലും, ദേശീയ പെന്‍ഷന്‍ പദ്ധതി പ്രകാരം ഭാഗികമായി പിന്‍വലിക്കല്‍ നേടുന്നതിനുള്ള മറ്റ് നിയമങ്ങള്‍ അതേപടി നിലനില്‍ക്കുന്നു.
യോഗ്യത
നിര്‍ദ്ദിഷ്ട സാഹചര്യങ്ങളില്‍ പദ്ധതിയില്‍ ചേരുന്ന തീയതി മുതല്‍ മൂന്ന് വര്‍ഷത്തിന് ശേഷം എന്‍പിഎസ് വരിക്കാര്‍ക്ക് തുക ഭാഗികമായി പിന്‍വലിക്കാന്‍ കഴിയും. പിന്‍വലിക്കല്‍ തുക വരിക്കാരുടെ സംഭാവനയുടെ 25 ശതമാനത്തില്‍ കവിയരുത്.
ഒരു വരിക്കാരന് എത്ര തവണ ഭാഗിക പിന്‍വലിക്കല്‍ നടത്താന്‍ സാധിക്കും?
നിങ്ങളുടെ എന്‍പിഎസിന്റെ ആകെ കാലയളവില്‍ മൂന്ന് തവണ വരെ മാത്രമെ തുക ഭാഗികമായി പിന്‍വലിക്കാന്‍ സാധിക്കൂ. ദേശീയ പെന്‍ഷന്‍ പദ്ധതിയുടെ നിലവിലുള്ള നിയമങ്ങള്‍ അനുസരിച്ച്, ഈ ഭാഗിക പിന്‍വലിക്കല്‍ പൂര്‍ണമായും നികുതി രഹിതമാണ്.
ഭാഗിക പിന്‍വലിക്കല്‍ അനുവദിക്കുന്ന കാരണങ്ങള്‍
- കുട്ടികളുടെ ഉന്നത വിദ്യാഭ്യാസം
- കുട്ടികളുടെ വിവാഹം
- ഭവന നിര്‍മ്മാണം/ വാങ്ങല്‍ (നിര്‍ദിഷ്ട വ്യവസ്ഥകളില്‍)
- ഗുരുതരമായ രോഗങ്ങളുടെ ചികിത്സയ്ക്കായി
ഓണ്‍ലൈനിലൂടെയുള്ള എന്‍പിഎസ് പിന്‍വലിക്കല്‍ പ്രക്രിയ
നിങ്ങള്‍ ഓണ്‍ലൈന്‍ വഴിയാണ് എന്‍പിഎസ് തുക പിന്‍വലിക്കാന്‍ ഉദ്ദേശിക്കുന്നതെങ്കില്‍, ഒരു എക്‌സിറ്റ് അഭ്യര്‍ഥന ആരംഭിക്കുന്നതിനായി നിങ്ങളുചെ 12 അക്ക പെര്‍മനന്റ് റിട്ടയര്‍മെന്റ് അക്കൗണ്ട് നമ്പറും ഉപയോഗിച്ച് ലോഗിന്‍ ചെയ്യേണ്ടതുണ്ട്. ടയര്‍ 1 അക്കൗണ്ടില്‍ നിന്ന് പിന്മാറുന്നതുമായി ബന്ധപ്പെട്ട് ചില നിയന്ത്രണങ്ങളുണ്ടെങ്കിലും, എന്‍പിഎസ് ടയര്‍ 2 പിന്‍വലിക്കലിന് നിയന്ത്രണങ്ങളൊന്നുമില്ല - ഏത് ബിസിനസ് ദിവസത്തിലും നിങ്ങള്‍ക്ക് ഒരു പിന്‍വലിക്കല്‍ അഭ്യര്‍ഥന നല്‍കാന്‍ സാധിക്കുന്നതാണ്.
