10,000 രൂപയുടെ എസ്ഐപിയിലൂടെ 7 കോടി നേടാം, ഈ രീതിയിൽ നിക്ഷേപം ക്രമീകരിക്കൂ, ഇന്ന് തന്നെ ആരംഭിക്കു

പുതിയ കാലത്ത് സമ്പാദ്യം വളർത്താനായി നിരവധി മാർഗങ്ങളുണ്ട്. അതിൽ ഏറ്റവും പ്രധാനപ്പെട്ട വഴികളിലൊന്നാണ് മ്യൂച്വൽ ഫണ്ട് നിക്ഷേപം. കുറഞ്ഞ കാലാവധിക്കുള്ളിൽ മികച്ച നേട്ടം മ്യൂച്വൽ ഫണ്ട് വഴി നേടാൻ സ്റ്റെപ്പ്-അപ്പ് സിസ്റ്റമാറ്റിക് ഇൻവെസ്റ്റ്‌മെൻ്റ് പ്ലാൻ ഉപയോഗിക്കാം. വരുമാനത്തിലുണ്ടാകുന്ന വർധനയ്ക്കനുസരിച്ച് നിക്ഷേപത്തിലും വർധനവ് വരുത്തുക എന്നതാണ് സ്റ്റെപ്പ്-അപ്പ് എസ്ഐപി എന്നത് കൊണ്ട് ഉദ്ദേശിക്കുന്നത്. കൃത്യമായി നിക്ഷേപം തുടരാൻ സാധിച്ചാൽ ഉയർന്ന തുക സമ്പാദിക്കാൻ സാധിക്കും.

എന്താണ് സ്റ്റെപ്പ്-അപ്പ് എസ്ഐപി..?

എസ്ഐപി നിക്ഷേപകര്‍ക്ക് നിശ്ചിത ഇടവേളകളില്‍ നിക്ഷേപിക്കുന്ന തുക വര്‍ധിപ്പിക്കാന്‍ ലഭിക്കുന്ന സൗകര്യമാണ് സ്റ്റെപ്പ്-അപ്പ് എസ്ഐപി. ഈ രീതി യുവ പ്രൊഫഷണലുകൾക്കും ശമ്പള വർദ്ധനവ് പ്രതീക്ഷിക്കുന്ന വ്യക്തികൾക്കും അനുയോജ്യമാണ്, കാരണം ഇത് അവരുടെ നിക്ഷേപങ്ങളെ അവരുടെ വർദ്ധിച്ചുവരുന്ന വരുമാനത്തിന് അനുസൃതമായി വളരാൻ അനുവദിക്കുന്നു.

എങ്ങനെയാണ് സ്റ്റെപ്പ്-അപ്പ് എസ്ഐപി പ്രവർത്തിക്കുന്നത്..?

നിക്ഷേപകർക്ക് സാധാരണ എസ്ഐപി നിക്ഷേപം ആരംഭിക്കുന്നത് പോലെ സ്റ്റെപ്പ്-അപ്പ് എസ്ഐപി നിക്ഷേപവും ആരംഭിക്കാം. എന്നാൽ വരുന്ന എല്ലാ വർഷവും ഒരു നിശ്ചിത ശതമാനം വർധനവ് നിക്ഷേപ തുകയിൽ വർധിപ്പിക്കുക എന്നതാണ് സ്റ്റെപ്പ്-അപ്പ് എസ്ഐപി എന്നത് കൊണ്ട് ഉദ്ദേശിക്കുന്നത്.

ഉദാഹരണത്തിന്, ഒരു നിക്ഷേപകൻ 5,000 രൂപയുടെ പ്രതിമാസ എസ്ഐപി തുടങ്ങുന്നു എന്ന് കരുതുക. എന്നാൽ തൊട്ടടുത്ത വർഷം മുതൽ നിക്ഷേപ തുകയിൽ ഒരു നിശ്ചിത ശതമാനം വർധനവ് വരുത്തുക. അതായത് 5 ശതമാനമോ 10 ശതമാനമോ. എത്ര ശതമാനം വർധനവ് എന്നത് നിക്ഷേപകന്‍റെ തിരഞ്ഞെടുപ്പാണ്.

സ്റ്റെപ്പ്-അപ്പ് എസ്ഐപിയുടെ പ്രയോജനങ്ങൾ

1. കോമ്പൗണ്ടിംഗിൻ്റെ ശക്തി പ്രയോജനപ്പെടുത്തുന്നു: എസ്ഐപി തുകയിലെ പതിവ് വർദ്ധനവ് കോമ്പൗണ്ടിംഗിൻ്റെ നേട്ടങ്ങൾ വർദ്ധിപ്പിക്കുന്നു, അതിൻ്റെ ഫലമായി ദീർഘകാലാടിസ്ഥാനത്തിൽ ഉയർന്ന വരുമാനം ലഭിക്കും.

2. വരുമാന വളർച്ചയ്‌ക്കൊപ്പം നിക്ഷേപങ്ങളെ വിന്യസിക്കുക: നിക്ഷേപകൻ്റെ വരുമാനം വർദ്ധിക്കുന്നതിനനുസരിച്ച്, അവരുടെ നിക്ഷേപ സംഭാവനയും വർദ്ധിക്കുന്നു, അവരുടെ സമ്പാദ്യം അവരുടെ സാമ്പത്തിക ശേഷിക്ക് അനുസൃതമായി നിൽക്കുന്നുവെന്ന് ഉറപ്പാക്കുന്നു.

3. പണപ്പെരുപ്പ സംരക്ഷണം: നിക്ഷേപ തുകയിലെ വർദ്ധനവ് പണത്തിൻ്റെ യഥാർത്ഥ മൂല്യം നിലനിർത്താൻ സഹായിക്കുന്നു, ഇത് പണപ്പെരുപ്പത്തിനെതിരെ ഒരു സംരക്ഷണം നൽകുന്നു.

4. ലക്ഷ്യം അടിസ്ഥാനമാക്കിയുള്ള നിക്ഷേപം: റിട്ടയർമെൻ്റ്, കുട്ടികളുടെ വിദ്യാഭ്യാസം, അല്ലെങ്കിൽ ഒരു വീട് വാങ്ങൽ തുടങ്ങിയ ദീർഘകാല സാമ്പത്തിക ലക്ഷ്യങ്ങൾക്ക് സ്റ്റെപ്പ്-അപ്പ് എസ്ഐപികൾ അനുയോജ്യമാണ്, നിക്ഷേപ ചക്രവാളം സമ്പത്ത് ശേഖരണത്തിന് അനുവദിക്കുന്നു.

1 കോടി രൂപ സമ്പാദിക്കാം

നിക്ഷേപകന്‍റെ പ്രായം 30 വയസാണെന്നും 55 ആം വയസിൽ 1 കോടി രൂപ സമ്പാദിക്കുക എന്നതാണ് ലക്ഷ്യമെന്നും കരുതുക. സ്റ്റെപ്പ്-അപ്പ് എസ്ഐപിയാണ് നിക്ഷേപത്തിനാണ് അദ്ദേഹം തിരഞ്ഞെടുത്തത്. ഇനി എങ്ങനെ നിക്ഷേപം ക്രമീകരിക്കണമെന്ന് നോക്കാം.

പ്രതിമാസം നിക്ഷേപിക്കുന്ന തുക എന്നത് 10,000 രൂപയാണ്. അതയാത് ആദ്യവർഷം 1,20,000 രൂപ. സ്റ്റെപ്പ്-അപ്പ് എസ്ഐപി വഴി എല്ലാ വർഷവും 10 ശതമാനം നിക്ഷേപ തുക വർധിപ്പിക്കണം. അതായത് 2-മത്തെ വർഷം എല്ലാ മാസവും നിക്ഷേപിക്കേണ്ട തുക 11,000 രൂപ. രണ്ടാം വർഷം ആകെ നിക്ഷേപിക്കേണ്ട തുക എന്നത് 1,32,000 രൂപ. ഈ രീതിയിൽ നിക്ഷേപം 25 വർഷം തുടരണം.

വർഷം 10 ആകുമ്പോഴേക്കും ജീവനക്കാരൻ്റെ പ്രതിമാസ എസ്ഐപി ഏകദേശം 25,937 രൂപയായി വർദ്ധിക്കും. വർഷം 20 ആകുമ്പോഴേക്കും അവരുടെ പ്രതിമാസ എസ്ഐപി ഏകദേശം 67,275 രൂപയാകും. വർഷം 25 ആകുമ്പോഴേക്കും SIP തുക ഏകദേശം 1,08,347 രൂപയാകും.

ശരാശരി പ്രതിവർഷം 12 ശതമാനം വരുമാനമാണ് സ്റ്റെപ്പ്-അപ്പ് എസ്ഐപി വഴി ലഭിക്കുക. അങ്ങനെയെങ്കിൽ 25 വർഷം കൊണ്ട് ഏകദേശം 7-8 കോടി രൂപ നേടാൻ സാധിക്കും.