മ്യൂച്വൽ ഫണ്ടുകളിൽ നിക്ഷേപിക്കുന്നതിന് മുമ്പ് അറിയേണ്ട 6 കാര്യങ്ങൾ

മ്യൂച്വൽ ഫണ്ടുകൾ ഒരു ജനപ്രിയ നിക്ഷേപ ഓപ്ഷനായി ഉയർന്നുവന്നിട്ടുണ്ട്. ഓഹരി വിപണിയില്‍ നേരിട്ട് നിക്ഷേപിക്കാന്‍ വേണ്ടത്ര അറിവ് ഇല്ലാത്തവര്‍ക്ക് മ്യൂച്ച്വല്‍ ഫണ്ടുകള്‍ തിരഞ്ഞെടുക്കാം. മ്യൂച്വൽ ഫണ്ടുകൾ റിട്ടേൺ വർധിപ്പിക്കുന്നതിനുള്ള ഒരു മികച്ച മാർഗമാണ്. മ്യൂച്വൽ ഫണ്ടുകളിൽ നിക്ഷേപിക്കുന്നതിനുമുമ്പ്, ചില കാര്യങ്ങൾ നിങ്ങൾ അറിഞ്ഞിരിക്കേണ്ടതുണ്ട്. മ്യൂച്വൽ ഫണ്ടുകളിൽ നിക്ഷേപിക്കുന്നതിന് മുമ്പ് നിങ്ങൾ അറിഞ്ഞിരിക്കേണ്ട 6 കാര്യങ്ങളെക്കുറിച്ചാണ് ഇവിടെ പറയുന്നത്.

1. വ്യത്യസ്ത മ്യൂച്വൽ ഫണ്ട് വിഭാഗങ്ങൾക്ക് വ്യത്യസ്ത റിസ്ക് ഉണ്ട്

ഓരോ മ്യൂച്വൽ ഫണ്ട് വിഭാഗത്തിന്റെയും റിസ്ക് വ്യത്യസ്തമാണ് എന്നതാണ് ഏറ്റവും പ്രധാനപ്പെട്ട കാര്യം. ഒരു പ്രത്യേക മ്യൂച്വൽ ഫണ്ട് വിഭാഗത്തിന് ഉയർന്ന റിസ്ക് അല്ലെങ്കിൽ കുറഞ്ഞ റിസ്ക് ഉണ്ടെന്ന് ഒരു പൊതു സ്കെയിലോ പൊതു പാരാമീറ്ററോ അടിസ്ഥാനമാക്കി നിങ്ങൾക്ക് പറയാൻ കഴിയില്ല. നിങ്ങൾ നേരിട്ടുള്ള ഇക്വിറ്റിയിൽ നിക്ഷേപിക്കുകയാണെങ്കിൽ, കുറഞ്ഞ റിസ്ക് മാത്രമേ ഉള്ളൂ. എന്നാൽ ഓരോ മ്യൂച്വൽ ഫണ്ട് വിഭാഗവുമായും ബന്ധപ്പെട്ട റിസ്ക് വ്യത്യസ്തമാണ്. അതിനാൽ, ഏതെങ്കിലും മ്യൂച്വൽ ഫണ്ടിൽ നിക്ഷേപിക്കുന്നതിന് മുമ്പ്, ആ പ്രത്യേക മ്യൂച്വൽ ഫണ്ടിന്റെ റിസ്ക് പരിശോധിക്കുക. ഓരോ സ്കീമിനും അതിന്റേതായ റിസ്‌ക് ഉണ്ട്. ഇഷ്ടമുള്ളത് നിങ്ങൾക്ക് തിരഞ്ഞെടുക്കാം.

2. ഡയറക്ട് പ്ലാനുകൾ ഉയർന്ന വരുമാനം നൽകും

ഡയറക്ട് പ്ലാനുകളുടെ ചെലവ് അനുപാതം റെഗുലർ പ്ലാനുകളേക്കാൾ കുറവാണ്. റെഗുലർ പ്ലാനുകളെ അപേക്ഷിച്ച് ഡയറക്ട് പ്ലാനുകൾ മികച്ച വരുമാനം നൽകുന്നു. ചില നിക്ഷേപകർ മ്യൂച്വൽ ഫണ്ട് സ്കീമുകളുടെ ഡയറക്ട് പ്ലാനുകളും റെഗുലർ പ്ലാനുകളും വ്യത്യസ്തമാണെന്ന് കരുതുന്നു. അത് ശരിയല്ല. ഇവ ഒരേ സ്കീമിനുള്ള പ്ലാനുകൾ മാത്രമാണ്. ഡയറക്ട് പ്ലാനുകളിൽ ഏജന്റോ ബ്രോക്കറോ ഇല്ല എന്നതാണ് വ്യത്യാസം, അതിനാൽ കമ്മീഷനോ ബ്രോക്കറേജോ ബാധകമല്ല.

3. എല്ലാ വർഷവും ഒരേ റിട്ടൺ ലഭിക്കില്ല

സാധാരണയായി മ്യൂച്വൽ ഫണ്ട് റിട്ടേണുകൾ എന്ന് കേൾക്കുമ്പോൾ, എല്ലാ വർഷവും ഒരേ വരുമാനം ലഭിക്കുമെന്ന പ്രതീതി ഉളവാക്കാറുണ്ട്. ഒരു പ്രത്യേക മ്യൂച്വൽ ഫണ്ട് സ്കീമിന്റെ വാർഷിക വരുമാനം 8% ആണെന്ന് കരുതുക. അതിനർത്ഥം നിങ്ങൾക്ക് എല്ലാ വർഷവും 8% വരുമാനം ലഭിക്കുമെന്നല്ല. കാരണം, മ്യൂച്വൽ ഫണ്ടുകളുടെ വരുമാനം ഒരുപോലെയായിരിക്കില്ല. ഉദാഹരണത്തിന്, ഒരു മ്യൂച്വൽ ഫണ്ട് സ്കീം ആദ്യ വർഷം +10% റിട്ടേണുകൾ നൽകിയേക്കാം, രണ്ടാം വർഷം -2% മാത്രം നൽകിയേക്കാം. റിട്ടേണുകൾ ഇല്ലാത്ത കാലഘട്ടങ്ങളും ഉണ്ടാകാം.

4. നല്ല ഫണ്ടുകളുടെ മുഖമുദ്രയാണ് സ്ഥിരതയുള്ള വരുമാനം

10% സ്ഥിരമായ വരുമാനം നൽകുന്ന ഒരു മ്യൂച്വൽ ഫണ്ട് സ്കീം, ആദ്യ വർഷം +17% ഉം രണ്ടാം വർഷം -10% ഉം റിട്ടേണുകൾ നൽകുന്ന ഒരു മ്യൂച്വൽ ഫണ്ട് സ്കീമിനെക്കാൾ മികച്ചതാണ്. ഉദാഹരണത്തിന്, ഒരു വർഷത്തിൽ 5% ഇടിവ് എന്നതിനർത്ഥം ഫണ്ട് നഷ്ടം നികത്താൻ ഏകദേശം 11% വരുമാനം സൃഷ്ടിക്കുകയും നിങ്ങൾക്ക് 5% വരുമാനം നൽകുകയും വേണം എന്നാണ്. ഇക്കാരണത്താൽ, ഒരു സ്ഥിരതയുള്ള ഫണ്ട് ദീർഘകാലാടിസ്ഥാനത്തിൽ വാർഷികാടിസ്ഥാനത്തിൽ മികച്ച വരുമാനം സൃഷ്ടിക്കും.

5. നിക്ഷേപ അച്ചടക്കം സൃഷ്ടിക്കാൻ എസ്ഐപികൾ സഹായിക്കുന്നു

എസ്ഐപികൾ വഴിയുള്ള ഓട്ടോമേറ്റഡ് നിക്ഷേപം അച്ചടക്കം പഠിപ്പിക്കാൻ മാത്രമല്ല; വിപണിയിലെ ചാഞ്ചാട്ടത്തിൽ നിന്ന് പ്രയോജനം നേടാനും സഹായിക്കുന്നു. കാരണം, വിപണി താഴേക്ക് പോകുമ്പോൾ, അതേ വിലയ്ക്ക് നിങ്ങൾക്ക് കൂടുതൽ യൂണിറ്റുകൾ ലഭിക്കും. ഇത് നിങ്ങളുടെ മൊത്തത്തിലുള്ള നിക്ഷേപ ചെലവ് കുറയ്ക്കാൻ സഹായിക്കുന്നു. ഇതിനെ റുപ്പീ കോസ്റ്റ് ആവറേജിംഗ് എന്ന് വിളിക്കുന്നു. ദീർഘകാലാടിസ്ഥാനത്തിൽ നല്ല വരുമാനം നേടാൻ നിങ്ങളെ സഹായിക്കും.

7. അസറ്റ് വിതരണം

നിങ്ങളുടെ പോർട്ട്‌ഫോളിയോ റിസ്ക് കുറയ്ക്കുന്നതിന് വ്യത്യസ്ത ഇടങ്ങളിൽ നിക്ഷേപിക്കുക. ഇക്വിറ്റികൾ, സ്വർണം മുതലായ വ്യത്യസ്ത ആസ്തി ക്ലാസുകളിൽ എത്ര തുക നിക്ഷേപിക്കണമെന്ന് തീരുമാനിക്കുക, തുടർന്ന് നിക്ഷേപിക്കുക.