നിക്ഷേപത്തിന് നിങ്ങൾ തയ്യാറാണോ, മകളെയാക്കാം ലക്ഷപ്രഭു, ഇതാണ് കേന്ദ്രസർക്കാർ പദ്ധതി

രാജ്യത്തെ പെൺകുട്ടികളുടെ ശോഭനമായ ഭാവിക്കായി കേന്ദ്ര സർക്കാർ നടപ്പിലാക്കുന്ന ചെറുകിട സമ്പാദ്യ പദ്ധതിയാണ് സുകന്യ സമൃദ്ധി യോജന ( എസ്എസ്എ ). 2015 ല്‍ ബേട്ടി ബച്ചാവോ ബേട്ടി പഠാവോ പദ്ധതിയുടെ ഭാഗമായി കേന്ദ്രസര്‍ക്കാര്‍ ആരംഭിച്ച പദ്ധതിയാണിത്. പദ്ധതിയുടെ പലിശ നിരക്ക് ഓരോ പാദത്തിലും സർക്കാർ പരിഷ്കരിക്കുന്നു.

സുകന്യ സമൃദ്ധി യോജനയെക്കുറിച്ചും പുതിയ പാദത്തിലെ പലിശ നിരക്ക് എത്രയാണെന്നും വിശദമായി അറിയാം.

എന്താണ് സുകന്യ സമൃദ്ധി യോജന..?

പത്ത് വയസ്സിന് താഴെയുള്ള പെണ്‍കുട്ടിയുടെ പേരില്‍ അവരുടെ രക്ഷിതാക്കള്‍ക്ക് സുകന്യ സമൃദ്ധി യോജന പദ്ധതി ആരംഭിക്കാം. ഒരു പെണ്‍കുട്ടിയുടെ പേരില്‍ ഒരൊറ്റ അക്കൗണ്ട് മാത്രമേ അനുവദിക്കുകയുള്ളു. ഒരു രക്ഷിതാവിന് അവരുടെ രണ്ട് പെണ്‍കുട്ടികള്‍ക്ക് മാത്രമാകും അക്കൗണ്ട് ആരംഭിക്കുവാന്‍ സാധിക്കുക. അതായത് മൂന്ന് പെണ്‍കുട്ടികളുള്ള മാതാപിതാക്കള്‍ക്ക് രണ്ട് പേരുടെ പേരില്‍ മാത്രമേ അക്കൗണ്ട് ഓപ്പണ്‍ ചെയ്യാന്‍ കഴിയുകയുള്ളു.

നിക്ഷേപ തുകയും കാലാവധിയും

250 രൂയാണ് ഏറ്റവും കുറഞ്ഞ വാർഷിക നിക്ഷേപ തുക. പരമാവധി 1,50,000 ലക്ഷം രൂപ വരെ ഒരു സാമ്പത്തിക വർഷം നിക്ഷേപിക്കാം. മൊത്തം തുക ഒരുമിച്ചോ അല്ലെങ്കില്‍ പ്രതിമാസ അടിസ്ഥാനത്തിലോ അടയ്ക്കാവുന്നതാണ്. എന്നാൽ അക്കൗണ്ടില്‍ മിനിമം തുക നിലനിര്‍ത്തിയില്ലെങ്കില്‍, 50 രൂപ പിഴ ഈടാക്കും.

പദ്ധതിയുടെ നിക്ഷേപ കാലയളവ് 15 വര്‍ഷവും മെച്യൂരിറ്റി കാലാവധി 21 വര്‍ഷവുമാണ്. പദ്ധതിയിൽ വായ്പാ വായ്പാ സൗകര്യങ്ങൾ ലഭിക്കില്ല. അക്കൗണ്ട് ഉടമയ്ക്ക് പതിനെട്ട് വയസ്സ് തികയുകയോ പത്താം ക്ലാസ് പൂർത്തിയാക്കുകയോ ചെയ്‌തതിന് ശേഷം പണം പിൻവലിക്കൽ അനുവദനീയമാണ്.

പലിശ നിരക്ക്

സുകന്യ സമൃദ്ധി യോജന പദ്ധതിയുടെ പലിശ നിരക്ക് മുൻ പാദമായ ഏപ്രിൽ-ജൂൺ 2024 പാദത്തിൽ നിന്ന് മാറ്റമില്ലാതെ നിലനിർത്തിയിട്ടുണ്ട്. ഏപ്രിൽ-ജൂൺ പാദത്തിലെ പലിശ നിരക്ക് 8.2% ആണ്.

നികുതി ആനുകൂല്യങ്ങൾ

ആദായനികുതി നിയമത്തിലെ സെക്ഷൻ 80 സി പ്രകാരമുള്ള നികുതി ഇളവുകൾ അനുവദിക്കുന്നു. നിക്ഷേപത്തിൻ്റെ കാലാവധി പൂർത്തിയാകുമ്പോൾ ലഭിക്കുന്ന പലിശ നികുതി രഹിതമാണ്.

എങ്ങനെ അക്കൗണ്ട് തുറക്കാം..?

പോസ്റ്റ് ഓഫീസുകളിലോ ബാങ്കുകളിലോ സുകന്യ സമൃദ്ധി യോജന അക്കൗണ്ട് തുറക്കാന്‍ കഴിയും. പിന്നീട് മറ്റ് ബാങ്കുകളുടെ ശാഖകളിലേക്കോ പോസ്റ്റ് ഓഫീസുകളിലേക്കോ എളുപ്പത്തില്‍ ട്രാന്‍സ്ഫര്‍ ചെയ്യാനും സാധിക്കും.

ആവശ്യമായ രേഖകൾ

പാസ്പോർട്ട് സൈസ് ഫോട്ടോ
ഐഡി പ്രൂഫിൻ്റെ പകർപ്പ്
പെൺകുട്ടിയുടെ ജനന സർട്ടിഫിക്കറ്റ് കോപ്പി
പാസ്പോർട്ട് സൈസ് ഫോട്ടോ
ഐഡി പ്രൂഫിൻ്റെ പകർപ്പ്
പെൺകുട്ടിയുടെ ജനന സർട്ടിഫിക്കറ്റ് കോപ്പി

69 ലക്ഷം എങ്ങനെ കണ്ടെത്താം..?

നിങ്ങളുടെ മകൾക്ക് 21 വയസാകുമ്പോൾ 69 ലക്ഷം രൂപ കണ്ടെത്തണമെന്നതാണ് ലക്ഷ്യമെന്ന് കരുതുക. അങ്ങനെയെങ്കിൽ പ്രതിമാസം 12,500 രൂപ സുകന്യ സമൃദ്ധി യോജനയിൽ നിക്ഷേപിക്കണം. അതായത് പ്രതിവർഷം 1.50 ലക്ഷം രൂപ.15 വർഷത്തേക്ക് ഈ നിക്ഷേപം കൃത്യമായി തുടരുക.

18 ആം വയസിൽ തുക പിൻവലിക്കാതിരുന്നാൽ പെൺകുട്ടിക്ക് 21 വയസാകുമ്പോൾ നിക്ഷേപവും അതിന്‍റെ പലിശയുമായി ആകെ 69,32,648 രൂപ അതായത് 69.32 ലക്ഷം രൂപ നേടാൻ സാധിക്കും.

കാലാവധി പൂർത്തിയാകുന്നതിന് മുമ്പ് സുകന്യ സമൃദ്ധി അക്കൗണ്ട് നിബന്ധനകളോടെ ക്ലോസ് ചെയ്യാൻ സാധിക്കും. ആ നിബന്ധനകൾ താഴെ പറയുന്നവയാണ്.

1. അക്കൗണ്ട് ഉടമയുടെ മരണം സംഭവിച്ചാൽ.
2. അക്കൗണ്ട് ഉടമയുടെ ജീവൻ അപകടപ്പെടുത്തുന്ന രോഗങ്ങൾ പിടിപെടുന്ന സമയത്ത്.
3. രക്ഷാധികാരിയുടെ മരണം സമയത്ത്