Just In
-
-
-
-
Don't Miss
-
'മുഖ്യമന്ത്രി രാഹുൽജിയെ ആദ്യമായല്ല അവഹേളിക്കുന്നത്, പ്ലീസ് സഹായിച്ചില്ലെങ്കിലും ദ്രോഹിക്കരുത്'; രമ്യ ഹരിദാസ് -
IPL 2024: ഇനി ആവര്ത്തിക്കരുത്, മുംബൈയുടെ ചതിക്ക് മാപ്പില്ല! ശിക്ഷ വിധിച്ച് ബിസിസിഐ -
നോക്കിയയുടെ മുറത്തിൽ കയറി കൊത്തി ഐടെൽ! നാട്ടുകാർക്ക് കിട്ടിയത് 1799 രൂപയ്ക്ക് കിടിലൻ ഫോൺ -
കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും -
'ദിലീപ് കുഴപ്പിച്ചിരുന്നു, എടീ എന്നൊന്നും വിളിക്കാൻ പറ്റില്ല, സീരിയലിനെ വിമർശിക്കാൻ തോന്നുമായിരുന്നു' -
ശ്വാസതടസ്സം, നെഞ്ചില് അസ്വസ്ഥത; ജന്മനാ ഉണ്ടാകുന്ന ഹൃദയ വൈകല്യങ്ങളുടെ 7 ലക്ഷണങ്ങള് -
ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
ഒട്ടുമിക്ക ആളുകളും തിരഞ്ഞെടുക്കുന്ന ഒരു നിക്ഷേപ മാർഗമാണ് സ്വർണ്ണ നിക്ഷേപം. നിലവിലെ സാഹചര്യത്തിൽ സ്വർണവില കുതിച്ചുയർന്നതോടെ ഇതിലേക്കുള്ള നിക്ഷേപ താത്പര്യം ഏറിവരികയാണ്. ലോക സാമ്പത്തിക ക്രമത്തിലെ അനിശ്ചിതത്വം കണക്കിലെടുക്കുമ്പോൾ പല സാമ്പത്തിക വിദഗ്ധരം നിക്ഷേപത്തിന്റെ ചെറിയൊരു ശതമാനമെങ്കിലും സ്വർണ്ണത്തിൽ നിക്ഷേപിക്കാൻ പറയാറുണ്ട്. ഭൗതിക സ്വർണ്ണം മുതൽ ഇ-ഗോൾഡ് വരെ സ്വർണ്ണത്തിൽ നിക്ഷേപിക്കാൻ പല വഴികളുണ്ട്.
സ്വർണ്ണത്തിൽ നിക്ഷേപിക്കാനുള്ള മാർഗങ്ങൾ
സ്വർണം വാങ്ങാനും നിക്ഷേപിക്കാനും വ്യത്യസ്ത മാർഗങ്ങളുണ്ട്. ഉദാഹരണത്തിന്, ഒരാൾക്ക് ഭൗതിക സ്വർണം നാണയ രൂപത്തിലോ സ്വർണ്ണ ബാർ അല്ലെങ്കിൽ ബുള്ളിയൻ രൂപത്തിലോ ആഭരണങ്ങളായോ വാങ്ങാം. അഞ്ചോ പത്തോ ഗ്രാം തൂക്കത്തിൽ സ്വർണ്ണ നാണയങ്ങൾ ലഭ്യമാണ്. ഒരു കിലോഗ്രാം വരെ സ്വർണ്ണ ബാറുകളും ബുള്ളിയനും വാങ്ങാം. എന്നാൽ ഭൗതിക സ്വർണ്ണത്തിൽ നിക്ഷേപിക്കുമ്പോൾ അത് സൂക്ഷിക്കാൻ ലോക്കറും മറ്റും എടുക്കേണ്ടിവരുന്നു.
ഇനി വീട്ടിൽ സൂക്ഷിക്കാമെന്നുവച്ചാൽ കള്ളന്മാരുടെ ഭീഷണി വേറെ. മാത്രമല്ല ആഭരണങ്ങളുടെ രൂപത്തിൽ സ്വർണം വാങ്ങുമ്പോൾ, നിക്ഷേപകർ 6-20 ശതമാനം വരെ പണിക്കൂലി കൊടുക്കേണ്ടി വരും. ഇത് തിരികെ നൽകുമ്പോഴാകട്ടെ ഇത് കിഴിക്കുകയും ചെയ്യുന്നു. ചുരുക്കത്തിൽ നിക്ഷേപമെന്ന നിലയിൽ ഭൗതിക സ്വർണ്ണം വാങ്ങുന്നതും സൂക്ഷിക്കുന്നതും ചിലവ് കൂടിയ ഏർപ്പാടാണ്.
പേപ്പർ ഗോൾഡ്
നിങ്ങൾക്ക് സ്വർണ്ണം ഗോൾഡ് എക്സ്ചേഞ്ച് ട്രേഡഡ് ഫണ്ടുകൾ (ഇടിഎഫ്) അല്ലെങ്കിൽ സോവറിൻ ഗോൾഡ് ബോണ്ടുകൾ (എസ്ജിബി) രൂപത്തിൽ നിക്ഷേപിക്കാം. അതായത് സ്വർണ്ണം ഡീമാറ്റ് രൂപത്തിൽ നിക്ഷേപിക്കുന്നതിനുള്ള മാർഗമാണ് ഗോൾഡ് ഇടിഎഫ്. സ്വർണ്ണം ഭൗതിക രൂപത്തിൽ നിക്ഷേപിക്കുമ്പോഴുള്ള ന്യൂനതകൾ മറികടക്കാൻ ഗോൾഡ് ഇടിഎഫുകൾക്ക് സാധിക്കും. ഇവ പേപ്പർ ഗോൾഡ് എന്നും അറിയപ്പെടുന്നു.
രാജ്യത്തെ പ്രമുഖ മ്യൂച്വൽ ഫണ്ട് സ്ഥാപനങ്ങളിൽ പലതിനും സ്വന്തമായി ഗോൾഡ് ഇ.ടി.എഫുകളുണ്ട്. നിക്ഷേപകൻ നിശ്ചിത തുക നിക്ഷേപിക്കുമ്പോൾ ആ തുകയ്ക്ക് അനുസരിച്ച് സ്വർണം യഥാർഥത്തിൽ വാങ്ങുകയാണ് ഫണ്ട് സ്ഥാപനങ്ങൾ ചെയ്യുന്നത്. എൻ‌എസ്‌ഇ, ബി‌എസ്‌ഇ പ്ലാറ്റ്‌ഫോമുകളിലെ ഡീമാറ്റ് അക്കൗണ്ടുകൾ വഴി സ്വർണ്ണ ഇടിഎഫുകൾ വാങ്ങാം. നിക്ഷേപകർക്ക് ലംപ്‌സം അല്ലെങ്കിൽ എസ്‌ഐ‌പി മോഡ് വഴിയും പോകാം.
സുരക്ഷിതമായ സ്വര്‍ണം നിക്ഷേപിക്കാവുന്ന മികച്ച മാര്‍ഗമെന്ന നിലയിലാണ് സോവറിന്‍ ഗോള്‍ഡ് ബോണ്ടുകളെ(എസ്ജിബി) തെരഞ്ഞെടുക്കാറുള്ളത്. റിസർവ് ബാങ്ക് ആണ് എസ്‌ജിബികൾ നൽകുന്നത്. അടുത്തിടെ, 2020 ഏപ്രിൽ മുതൽ 2020 സെപ്റ്റംബർ വരെ ആറ് ട്രാഞ്ചെസ് വിതരണം ചെയ്യുന്നതായി സെൻട്രൽ ബാങ്ക് പ്രഖ്യാപിച്ചു. നിക്ഷേപകർക്ക് പ്രതിവർഷം 2.5% പലിശനിരക്ക് ലഭിക്കും. കൂടാതെ ബോണ്ടുകൾ വീണ്ടെടുക്കുന്നതിലൂടെ ഉണ്ടാകുന്ന മൂലധന നേട്ടങ്ങളെ നികുതിയിൽ നിന്ന് ഒഴിവാക്കും.
ഗോള്‍ഡ് ബോണ്ടുകള്‍ക്ക് രാജ്യത്തെവിടെയും ഒരേ വിലയായിരിക്കും. ബോണ്ടുകളില്‍ അനുവദനീയമായ ഏറ്റവും കുറഞ്ഞ നിക്ഷേപം ഒരു ഗ്രാം സ്വര്‍ണമാണ്. നാല് കിലോഗ്രാം വരെ സ്വര്‍ണം നിക്ഷേപിക്കാന്‍ വ്യക്തികള്‍ക്ക് അവസരമുണ്ട്. ബോണ്ടുകള്‍ക്ക് മെച്യൂരിറ്റി കാലാവധി എട്ട് വര്‍ഷമാണെങ്കിലും നിക്ഷേപകര്‍ക്ക് അഞ്ചാം വര്‍ഷത്തിന് ശേഷം പിന്‍വലിക്കാന്‍ അവസരമുണ്ട്. സ്റ്റോക്ക് എക്സ്ചേഞ്ചുകള്‍ വഴിയും ബോണ്ടുകളുടെ വ്യാപാരം നടത്താവുന്നതാണ്.
