മ്യൂച്വല്‍ ഫണ്ട് നിക്ഷേപത്തിന് ഒരുങ്ങുകയാണോ? — ശ്രദ്ധിക്കൂ ഈ കാര്യങ്ങള്‍

2020 ബജറ്റില്‍ മ്യൂച്വല്‍ ഫണ്ട് നിക്ഷേപവുമായി ബന്ധപ്പെട്ട പല തീരുമാനങ്ങളും നിക്ഷേപകരെ കാര്യമായി ബാധിക്കുന്നതാണ്. ഡിവിഡന്റ് വിതരണ നികുതി ഒഴിവാക്കിയതില്‍ തുടങ്ങി ടിഡിഎസ്, ഡിവിഡന്റ് വിതരണത്തിലേക്ക് ഉള്‍പ്പെടുത്തിയതുവരെയുള്ള ബജറ്റ് പ്രഖ്യാപനങ്ങള്‍ നിങ്ങളുടെ മ്യൂച്വല്‍ ഫണ്ട് നിക്ഷേപത്തിന്റെ നെറ്റ് റിട്ടേണിനെ സ്വാധീനിച്ചേക്കാം. ഇതിനാല്‍ തന്നെ, നിങ്ങള്‍ മ്യൂച്വല്‍ ഫണ്ട് നിക്ഷേപത്തിനൊരുങ്ങുമ്പോള്‍ ഈ കാര്യങ്ങളെല്ലാം ശ്രദ്ധിക്കേണ്ടതുണ്ട്.

പുതിയ നികുതി സ്ലാബ്

പരമാവധി കുറഞ്ഞ നികുതി നിരക്കുകളുള്ള പുത്തന്‍ നികുതി വ്യവസ്ഥയാണ് ബജറ്റില്‍ ധനമന്ത്രി നിര്‍മ്മല സീതാരാമന്‍ അവതരിപ്പിച്ചത്. എന്നാല്‍, പുതിയ നികുതി വ്യവസ്ഥ സ്വീകരിക്കുന്നവര്‍ പലതരത്തിലുള്ള കിഴിവുകള്‍ക്ക് വിധേയരാവേണ്ടി വന്നേക്കാം (നിലവിലെ നികുതി വ്യവസ്ഥയിലെ 80 സി വകുപ്പ് പോലെ). മുമ്പ് 80 സി വകുപ്പ് പ്രകാരമുള്ള നികുതി ഒഴിവാക്കാന്‍ വേണ്ടി മിക്കവരും ഇക്വിറ്റി ലിങ്ക്ഡ് സേവിങ് സ്‌കീമില്‍ (ഇഎല്‍എസ്എസ്) നിക്ഷേപം നടത്തിയിരുന്നു.

 

പുത്തന്‍ നികുതി വ്യവസ്ഥയാണ് നിങ്ങള്‍ സ്വീകരിക്കാന്‍ പോവുന്നതെങ്കില്‍, ഇഎല്‍എസ്എസ് സ്‌കീമില്‍ നിന്ന് ലഭിക്കുന്നതിനെക്കാള്‍ കൂടുതല്‍ വരുമാനം ലഭിക്കുന്ന, നിങ്ങള്‍ക്ക് പ്രിയപ്പെട്ട മ്യൂച്വല്‍ ഫണ്ട് സ്‌കീമില്‍ നിക്ഷേപിക്കാനുള്ള അവസരം കൂടിയാണ് സംജാതമാവുന്നത്. കൂടാതെ ഉയര്‍ന്ന തുക നിങ്ങള്‍ക്ക് മ്യൂച്വല്‍ ഫണ്ട് നിക്ഷേപത്തിനായി മാറ്റിവെക്കുകയും ചെയ്യാം. സാധാരണഗതിയില്‍ താരതമ്യേന കുറഞ്ഞ ആദായം ലഭിക്കുന്ന, ഇന്‍ഷുറന്‍സ് കമ്പനികളുടെ എന്‍ഡോവ്‌മെന്റ് പദ്ധതികളിലാണ് ആളുകള്‍ ഉയര്‍ന്ന തുക നിക്ഷേപിക്കാറുള്ളത്.

ലാഭവിഹിതത്തിലെ ടിഡിഎസ്

മ്യൂച്വല്‍ ഫണ്ടില്‍ നിന്ന് ലഭിക്കുന്ന ലാഭവിഹിതത്തിന് ടിഡിഎസ് ബാധകമാണെന്നതാണ് 2020 ബജറ്റിലെ പ്രധാന തീരുമാനങ്ങളിലൊന്ന്. സാമ്പത്തിക വര്‍ഷത്തില്‍ 5,000 രൂപയില്‍ കൂടുതല്‍ ലാഭവിഹിതം ലഭിച്ചാലാവും ടിഡിഎസ് ഈടാക്കുക. ലാഭവിഹിതത്തിന് പത്ത് ശതമാനം ടിഡിഎസാണ് ശുപാര്‍ശ ചെയ്തിരിക്കുന്നത്. എന്നാല്‍, ഈ പരിധിയ്ക്ക് താഴെയാണ് നിങ്ങളുടെ വരുമാനമെങ്കില്‍ ലാഭവിഹിതത്തില്‍ നിന്ന് ഈടാക്കിയ തുക തിരികെ ലഭിക്കുന്നതിനായി നിങ്ങള്‍ക്ക് അവകാശം ഉന്നയിക്കാവുന്നതാണ്. ടിഡിഎസ് റീഫണ്ട് ക്ലെയിം നിങ്ങള്‍ ഉന്നയിക്കാന്‍ താത്യപ്പര്യപ്പെടുന്നില്ലെങ്കില്‍, മ്യൂച്വല്‍ ഫണ്ട് വളര്‍ച്ച സ്‌കീമുകള്‍ തെരഞ്ഞെടുക്കാവുന്നതാണ്.

നിക്ഷേപകരില്‍ നിന്നുള്ള നികുതി

നിലവില്‍ ഇക്വറ്റി മ്യൂച്വല്‍ ഫണ്ട് സ്‌കീം പ്രകാരം പ്രഖ്യാപിക്കുന്ന ലാഭവിഹിതത്തില്‍ നിന്ന് പത്ത് ശതമാനം നികുതിയാണ് (ഡിഡിടി) കുറയക്കുന്നത്. എന്നാല്‍, വാര്‍ഷിക ലാഭവിഹിതം പത്ത് ലക്ഷം രൂപയില്‍ കുറവാണെങ്കില്‍ നിക്ഷേപകര്‍ നികുതി അടയ്‌ക്കേണ്ടി വരുന്നില്ല. പത്ത് ലക്ഷത്തില്‍ കൂടുതലാണെങ്കില്‍ പത്ത് ശതമാനം നികുതി ഒടുക്കേണ്ടി വരുന്നു. ഡിഡിടി പുനര്‍നിര്‍ണയിക്കാന്‍ 2020 ബജറ്റില്‍ ശുപാര്‍ശിച്ചിരുന്നു. ഇതുപ്രകാരം നിങ്ങള്‍ ഉയര്‍ന്ന നികുതി സ്ലാബില്‍ ഉള്‍പ്പെടുന്നയാള്‍ ആണെങ്കില്‍ നിങ്ങളുടെ മൊത്ത ലാഭവിഹിതത്തില്‍ നിന്ന് 30 ശതമാനം നികുതി ഇനത്തില്‍ ഈടാക്കുന്നതാണ്. (മുന്‍പത്തെ 10 ശതമാനവുമായി താരതമ്യം ചെയ്യുമ്പോള്‍). ഇത്തരത്തിലുള്ള സാഹചര്യങ്ങളില്‍ നിക്ഷേപകര്‍ വളര്‍ച്ച സ്‌കീമുകള്‍ തെരഞ്ഞെടുക്കുന്നതാവും മെച്ചം.